O PSdeG ACUSA AO ALCALDE DE BARBADÁS DE CARECER DE INFLUENCIA
NO PP PARA PÓR EN MARCHA O TRANSPORTE METROPOLITANO
- ·
Freire
recoñece que pediu con insistencia a Feijóo que priorizara o transporte
metropolitano de Ourense, pero os feitos demostran que o seu influxo é case
nulo
- ·
O PP está dilatando este importante
proxecto para a comarca de Ourense porque non quere que a posta en
funcionamento do transporte metropolitano sexa un logro doutro partido
- ·
Os
Socialistas lémbranlle a Freire que incumpre o compromiso de reducir o prezo do
billete para @s usuari@s de Parada e Piñor
- ·
Nun alarde electoralista moi difícil de
cumprir e presionado polo PSdeG anuncia ó final do debate deste punto que porá
en marcha esta rebaixa se antes das eleccións non funcional o transporte
metropolitano
·
Dende o PSdeG acusan a
Freire de faltar á verdade porque non sempre asistiu ás reunión sobre este
proxecto. Nunha ocasión non só non foi, senón que o único representante que
asistiu foi o voceiro socialista, Xosé Carlos Valcárcel
- ·
No debate da segunda
moción socialista, a de implantar cláusulas sociais en contratos e convenio,
houbo tamén unanimidade, aínda que no estivo exento de polémica
- ·
Valcárcel enumerou as
anomalías e presións que están a vivir e viviron hai unhas semanas as
traballadoras de Linorsa.
- ·
Valcárcel considera que
todas estas incidencias, sumadas ó feito do impago das nóminas, teñen que
obrigar ó Concello a tomar medidas contundentes e definitivas en relación á
empresa que presta o servizo.
- ·
Ante a intransixencia
de Freire por non aceptar dúas mocións de urxencia, unha do PSdeG e outra do
BNG, o Grupo Socalista foi moi crítico
- ·
Con obxecto de dotar de
un maior contido á sesión plenaria @s 3 concelleir@s socialistas presentaron
preto de 40 rogos e preguntas sobre cuestións relacionadas con obras, medio
ambiente (o concello de Barbadás tivo que pagar 1.400 euros de multa pola
presenza de arsénico na auga de Loiro), cultura, deportes, parques infantís,
zonas recreativas, etc
Barbadás, 12 de xaneiro de 2015. O primeiro pleno ordinario de Barbadás caracterizouse
por unha aparente tranquilidade porque nos tres únicos puntos da orde do día
houbo unanimidade. Aprobouse o padrón municipal a 1 de xaneiro de 2014. Naquel
momento Barbadás tiña contabilizados 10.371 habitantes. Esta é a cifra oficial,
mentras que a día de hoxe a contía real é de 10.521, un dato que xa solicitou o
PSdeG o xoves en comisión.
Os tres grupos da corporación, PP,
PSdeG e BNG, apoiaron unánimemente as 2 mocións que presentaron os Socialistas.
Una delas ten o obxecto de esixir á Xunta que poña en marcha o transporte
metropolitano en Ourense e comarca e a segunda pretende que se apliquen
cláusulas sociais en todas as concesións e convenios que asine o Concello de Barbadás.
Antes do apartado de rogos e
preguntas volveuse a reproducir a postura disconforme dos dous voceiros, o
socialista, Xosé Carlos Varlcárcel, e o nacionalista, Xosé Manoel Fírvida
respecto do que consideraron unha burla á oposición por non aceptar o alcalde
as mocións de urxencia. Freire argumentou que as propostas de PSdeG e BNG non
eran urxentes e amparaouse en que foron presentadas con retraso.
Con todo, a oposición pediu que se
producirá o formalismo de votar a urxencia, tal e como se recolle na
lexislación. María Presas, edil socialista, argumentou a urxencia da súa
proposta dicindo que na Finca Fierro había problemas de seguridade viaria por
mor das carencias en pasos de peóns e por un inadecuado mantemento do coñecido
como parque da explanada. Finalmente, ante a imposibilidade de defender a súa
moción presentou os puntos da mesma no apartado de rogos: Levar a cabo una actuación integral para facilitar o
paso de peóns, carriños de bebés e persoas con mobilidade reducida en
prácticamente tódolos pasos de peóns da Finca Fierro. Instalación de pasos de
peóns elevados na Rúa Valdomiño debido a perigosidade tanto para peóns como
para vehículos que circulan e transitan pola zona. Actualización da
sinalización vertical que están en mal estado de conservación. Que se proceda o
pintado dos bancos.Que se leve a cabo o pintado de liñas na estrada.Que se
cambie a área do parque da explanada.
Algo similiar fixo o voceiro nacionalista, convertendo a moción en rogo.
O obxecto da mesma era que o Concello de Barbadás recupere o cobro dos
impostos, agora en mans da Deputación.
Transporte
metropolitano
Dende o Grupo Socialista defenderon unha moción (que
foi aprobada por unanimidade) para esixir á Xunta que cumpra o compromiso de
pór en marcha o transporte metropolitano en Ourense e comarca no prazo
comprometido. Tamén se pedía instar ó Executivo galego a desbloquear as
negociacións co Concello de Ourense, prácticamente paralizadas dende marzo de
2014.
A concelleira Victoria Morenza ironizou asegurando
que o alcalde de Barbadás ten pouca capacidade de presión dentro do seu propio
partido, tendo en conta que Barbadás sería un dos concellos máis beneficiados
co transporte metropolitano. José Manuel Freire chegou a dicir que na última
ocasión que feu Nuñez Feijóo a Barbadás fíxolle esa petición como prioritaria.
Pero os resultados están á vista.
Morenza
foi crítica tamén coa actitude maniqueista de Freire e o seu equipo por culpar
sempre ós mandatarios socialistas de Ourense de non sacar o proxecto adiante. A
concelleira do PSdeG lembrou que é precisamente a actitude persistente dos
Socialistas en todos os ámbitos a que fixo posible que a nova directora xeral
de Mobilidade, Helena de Lucas, recibira recentemente á edil da mesma área en
Ourense, Susana Bayo. Referiuse a que moito tivo que ver nesta nova actitude o
feito de que po Partido Socialista presentara na Deputación unha moción similar
á debatida hoxe en Barbadás. Como punto negativo Morenza indicou que esta foi
só unha primeira toma de contacto, mentras que para activar o proxecto é
preciso comezar a traballar de inmediato, algo que non vai ser posible debido á
densa axenda que ten a nova directora xeral de Mobilidade da Xunta.
Despois
desta primeira toma de contacto o engranaxe da negociación volverá ter que ponerse
en marcha, unha estratexia que parece interesarlle ao PP, en espera dos
resultados electorais do mes de maio. O PP está dilatando este importante
proxecto para a comarca de Ourense porque non quere que a posta en
funcionamento do transporte metropolitano sexa un logro doutro partido que non
sexa o PP. E por esa razón non existe consignación presupostaria nos orzamentos
da Xunta para este ano. Só hai boas palabras e compromisos baldíos dos altos
responsables políticos. Os feitos son que para o transporte metropolitano de
Ourense hai 0 euros.
Morenza reprochou que exista unha
escasa ou nula predisposición da Xunta ó que se suma a difícil situación que
atravesa o sector do transporte de viaxeiros e as presións que supostamente
están exercendo algunhas empresas para que non se poña en marcha. Segundo a
concelleira socialista os políticos son os que teñen a última palabra e deben
ter moi presente que @s usuari@s do bus non teñen porque padecer as
consecuencias da mala xestión dos seus gobernantes á hora de desbloquear a
solución a este problema.
Morenza
acusou a Freire de faltar á verdade ó dicir que sempre foi ás reunión sobre o
transporte metropolitano porque polo menos nunha ocasión en que o encontro se
celebrou en Santiado coa conselleira María José Caride, o alcalde de Barbadás
non acudía e o único representante de Barbadás que estaba era o voceiro do
PSdeG, Xosé Carlos Valcárcel.
A
edila socialista aludiu ós incumprimentos do propio alcalde en relación co
transporte, pois en agosto de 2013 o PP apoiou unha moción para que de xeito
provisional e á espera de que se puxera en marcha na área metropolitana, a
veciñanza de Parada e Piñor podería beneficiarse da rebaixa no prezo do bus,
tal e como ocorre noutras localidades do municipio.
A
pesar de vivir a carón da empresa que ten adxudicada a liña de transporte,
Freire non foi quen de negociar con Alfer un convenio. A insistencia dos
Socialistas conseguiu “in extremis” un compromiso do alcalde, que é máis ben un
brinde ó sol ou unha mostra de electoralismo de última hora. Freire asegurou
que se antes das eleccións municipais non se poñía en marcha o transporte
metropolitano, o Concello de Barbadás aplicará a rebaixa do prezo do bus para
Parada e Piñor
Cláusulas
sociais para os convenios
A
unanimidade que presidiu tamén o debate neste punto non impediu os argumentos
encontrados ó tratar das cláusulas sociais para convenios e concesións que
asine o Concello de Barbadás. O rexedor, que na comisión informativa celebrada
hai uns días tiña unha actitude distante coa proposta socialista acordou
apoiala seguramente polo custo que a nivel cidadá podería conlevar unha postura
en contra.
O
voceiro socialista, Xosé Carlos Valcárcel, explicou que Pero a situación que
sofren actualmente as traballadoras de Linorsa afectan tamén ás condicións
laboráis e que dificultan o desempeño do seu traballo con calidade e en
ocasións de xeito digno para as operarias.
ü Non
hai auga quente na Casa do Concello, Casa da Xuventude, Casa de Cultura, Centro
Empresarial, Novo Local Social de Betraces
e no Colexio do Ruxidoiro.
ü Non
existe máquina para limpar a cancha do Polideportivo e tense que facer con
fregona.
ü Hai
centros de traballo nos que se reduciu a xornada laboral ( CET ).
ü En
todos os edificios ten aumentado considerablemente o número de usuarios e
servizos manténdose as mesmas horas de traballo das operarias de limpeza. Esta
situación resulta especialmente alarmante no Centro de Saúde da Valenzá, no
Ruxidoiro e na Casa de Cultura.
ü As
traballadoras en moitas ocasións están realizando labores que non lles competen
como é a limpeza de vidros. Esta actividade ten que ser desempeñada por un
operario ó efecto (cristaleiros).
ü A
empresa non cubre as sustitucións por baixa ou vacacións axeitadamente dado que
habitualmente reduce a xornada laboral.
ü Hai
centros de traballo ubicados na Valenzá nos que as operarias se ven obrigadas a
acudir fora de súa xornada laboral, facendo horas extras non contempladas no
contrato e sin remuneración.
Valcárcel
considera que todas estas incidencias, sumadas ó feito do impago das nóminas,
teñen que obrigar ó Concello a tomar medidas contundentes e definitivas en
relación á empresa que presta o servizo.
Hai
que sinalar que moitas administracións públicas xa teñen posto en marcha
cláusulas sociais en diversos convenios dentro do seu ámbito de actuación como
poden ser os Concellos de Oviedo, Bilbao, Girona, Getxo, Pamplona ou a Deputación de Lugo.
Trátase
de administracións de moi distintas cores políticos que asumen o reto de ter en
consideración na contratación pública os criterios de índole social, éticos ou
medioambientais.
Valcárcel
modificou o segundo punto do acordo que agora especificará que se inicie unha
investigación para verificar se a empresa cumpre as cláusulas do contrato.
O
Grupo Socialista, ante a postura intransixente do alcalde de Barbadás de non
aceptar mocións de urxencia, presentou preto de 40 rogos e preguntas para
coñecer os pormenores da actividade cotiá do Concello e para facer propostas en
positivo para mellorar aspectos relacionados co medio ambiente, a seguridade
viaria, as zonas de esparcemento ou relativas ó gasto suntuoso da campaña de
Nadal en xoguetes, calendarios, etc.
