OS SOCIALISTAS DE BARBADÁS CRITICAN QUE
SE DESPILFARRE DIÑEIRO PÚBLICO EDITANDO CALENDARIOS CANDO AS FAMILIAS PASAN POR
DIFICULTADES ECONÓMICAS
·
Segundo o líder socialista, Xosé Carlos Valcárcel, resulta
incomprensible que o alcalde de Barbadás, José Manuel Freire, decida “lavar a súa imaxe pública, en entredito
dende hai meses pola súa implicación nun caso de presunta prevaricación
e suborno
·
Dende o Grupo Municipal Socialista
consideran esta decisión coma “un gran
dispendio e incluso un escándalo que pon sobre a mesa a falta total
de sensibilidade e solidariedade por parte de Freire e do seu equipo
·
O voceiro socialista
presentou onte unha serie de preguntas no
concello para que o alcalde aclare cantos calendarios se fixeron, quen se
encargou de distribuilos.
·
Valcárcel tamén se interesa nas súas interpelacións polo custo dos calendarios e
do do reparto.
Barbadás, 28de decembro de 2013. Os
Socialistas de Barbadás cualifican de despilfarro a edición e distribución dun calendario
oficial por parte do Concello de Barbadás. O voceiro socialista, Xosé Carlos
Valcárcel, critica a falta de sensibilidade do goberno do PP utilizar o diñeiro
público para facer “propaganda” cando moitas familias do municipio está
atravesando por verdadeiras dificultades económicas.
Estes calendarios están sendo
repartidos tanto na Valenzá coma polas diferentes localidades do municipio.
Resulta sorprendente que a pesar da crise económica o PP siga editando este
calendario que se caracteriza pola evidente calidade en papel satinando e
composto por 8 páxinas a doble cara e a toda cor.
Segundo o líder socialista resulta
incomprensible que o alcalde de Barbadás, José Manuel Freire, decida “lavar a
súa imaxe pública, en entredito dende hai meses pola súa implicación nun caso
de presunta prevaricación e suborno”. Para Valcárcel “non existe outra
explicación máis cá un lavado de cara porque non se entende que se malgaste o
diñeiro de tódolos contribuintes en distribuir un calendario trufado de
fotografías en cor a toda páxina dos locais sociais do concello.
Dende o Grupo Municipal Socialista
consideran esta decisión coma “un gran dispendio e incluso un escándalo que pon
sobre a mesa a falta total de sensibilidade e solidariedade por parte de Freire
e do seu equipo de goberno diante dunha situación de crise prolongada”. Segundo
Valcárcel son moitas as persoas do concello de Barbadás as que padecen
diariamente as consecuencias dos recortes e das restricción impostas polos
gobernos do PP, que afectan ós seus petos dun xeito implacable. O voceiro do
PSdeG alude ademais á política de presión que o PP ten exercido durante os
últimos anos sobre a cidadanía no que a suba de taxas e impostos se refire nos
últimos anos, o que agrava aínda máis a situación das economías domésticas do
municipio.
O voceiro socialista presentou onte
unha serie de preguntas non concello para que o alcalde aclare cantos
calendarios se fixeron, quen se encargou de distribuilos (temos que lembrar que
en anteriores ocasións foron os propios operarios do concello os que
distribuiron este calendario, algo supostamente “irregular”).
Valcárcel
tamén se interesa nas súas interpelacións sobre o custo dos calendarios e o
custo do reparto.