APP PsdeG Barbadás

Boa tarde e grazas a todos vos pola vosa presenza.

Hoxe queremos presentar a toda a cidadanía, pero especialmente á veciñanza de Barbadás, a aplicación para dispositivos móbiles e trablets android da Agrupación e do Grupo Municipal Socialista de Barbadás.

Esta APP é a primeira do PSdeG en toda Galicia. Pero tamén quero destacar que é a quinta aplicación en toda España do PSOE.

A día de hoxe é a novena en valoración das APP da provincia de Ourense.

Estamos falando dunha aplicación totalmente gratuita que é a culminación dun proceso de dixitalización e  de aplicación das novas tecnoloxías na nosa Agrupación e do noso Grupo Municipal.

Este proceso iniciouse no seu día coa creación do blog “Cambia Barbadás” e coa presenza activa nas redes sociais por medio de Facebook e Twitter.

Os Socialistas de Barbadás apostamos por unha democracia máis participativa: a política non consiste en votar cada 4 anos. A política e os que estamos na política temos que favorecer a participación activa da veciñanza para que poida  trasladarnos fácilmente as súas inquedanzas e aportacións para poder facer un Barbadás mellor e para todos.

Consideramos que nestos momentos a transparencia informativa e a proximidade á veciñanza son fundamentais no noso concello. Un concello que día tras día está nos medios de comunicación polos turbios asuntos do seu alcalde, pola súa falla de transparencia e por comportamentos supostamentamente ilícitos.

Unha comunicación clara, cercana e de fácil acceso é fundamental para erradicar este tipo de actitudes.

Barbadás é un concello cunha poboación nova, dinámica e que precisa dun novo impulso democrático para mellorar as súas condicións de vida erradicando o estado de esclerose múltiple ó que o levou o Sr. Freire.

No Partido Socialista de Barbadás estamos convencidos que esta aplicación é moito máis que un simple recurso informático. Queremos traballar sobre tres obxectivos moi claros:

·         Abrir unha canle de comunicación directa da cidadanía e da veciñanza de Barbadás cos concelleiros do Partido Socialista  por medio do seu teléfono, correo electrónico, whatsapps e redes sociais. De este xeito queremos recoller as  suxestións e aportacións dos nosos conveciños e por suposto tamén as súas queixas coa posibilidade de recibir imaxes en tempo real así como aportar documentos.

·         Queremos tamén falicitar a comunicación coa cidadanía que se atopa en situación de “exclusión informativa” como poden ser os veciños e veciñas que por estudios ou traballo residen fora do concello.

·         Permite o acceso de toda a veciñana e dun xeito totamente claro e fácil e mediante un único icono no terminal telefónico a todos os nosos espazos web que mencionaba antes (Facebook, twitter, blog).  

No Partido Socialista de Barbadás queremos que os veciños e veciñas nos transmitan as súas inquedanzas, os seus problemas e tamén a súa forma de entender o concello e de cómo melloralo.

Queremos que as súas  propostas sirvan para apostar por un cambio tranquilo e sosegado pero decidido, centrado nas persoas, alleo a intereses especulativos que permita mellorar a calidade de vida de todos os nosos conveciños e conveciñas.

Desde aquí animo a toda a cidadanía a descargar esta aplicación desde a tenda Google Play buscando PSdeG Barbadás ou capturando o código QR desde o seu dispositivo Android.

 

 

 

A APP cumpre tres requisitos moi importantes,

1.-Ocupa moi pouco espazo na memoria, (menos de 3 MB)

2.-Non consome batería se non se está utilizando.

3.-Unha vez descargado permite realizar funcións con e sen internet, utilizando os propios recursos do teléfono.

Apostouse por lanzala só en Android , por varios motivos, como son, aforro de custos, rapidez de publicación, universalidade xa que este sistema operativo está dispoñible en máis do 85% dos dispositivos, etc..

As dificultades de Android,non foron poucas, trátase de un sistema operativo con máis de 20 versións diferentes e preto de 4.000 terminais distintos no mercado,mais non nos impediron lanzar a app para todos eles.

Decir que Android 1.0 naceu da man de google en 2008 con 50 aplicacións gratuítas, hoxes dispoñemos xa de máis de 1 millón de apps.

No últimos cinco anos, impulsado polo uso de redes sociais e sobre todo por mensaxería instantánea, (whatsapp) con máis de 11mm de mensaxes enviadas e 20 mm recibidos ao día en España,  xunto co abaratamento dos terminais (desde 60 euros xa se pode dispor de un teléfono ou tableta Android) e das tarifas de datos de móbiles, por apenas 5 euros mes podese dispor de un plan de datos,  xunto ao aumento de espazos wifi gratuítos, tanto en entidades privadas como públicas, fixeron que máis do 95 por cen dos teléfonos xa sexan do tipo smartphon e deles máis do 85% con Android. Mais de 1000 millóns de terminais activos en 2013 en todo o mundo.

  

APP Oficial da Agrupación do PSdeG en Barbadás

Preme AQUÍ para descargar a App oficial do PsdeG Barbadás na tua tableta ou móbil con android  
 

 

DESAFIUZAMENTO ENERXÉTICO

OS SOCIALISTAS RECLAMAN UNHA ORDENANZA QUE GARANTA QUE NINGÚN FOGAR EN BARBADÁS VEXA CORTADA A SUBMINISTRACIÓN ELÉCTRICA, DE GAS OU AUGA

·        O voceiro socialista, Xosé Carlos Valcárcel, fai unha proposta para destinar para 2014 unha partida económica suficiente para evitar este tipo de desafiuzamento de servizos básicos.

 

·        A iniciativa do Grupo Municipal Socialista pretente “garantir uns consumos mínimos vitais, tendo en conta o número de membros da unidade do fogar e tamén a renda familiar”.

 

·        Os continuos incrementos de tarifas levan a numerosas familias a unha situación de pobreza enerxética: recibos da luz e auga impagados ou electricidade e calefacción cortadas, sinalan os Socialistas con preocupación.

·        A xuízo do líder socialista “as administracións de calquera nivel están na obriga de atopar solucións comunitarias para evitar que haxa familias que se queden prácticamente ó raso en inverno, sen luz e sen calefacción”.

·        O voceiro do PSdeG reprocha a actitude de desidia do goberno central do PP e a “falla de sensibilidade social do goberno de Rajoy”, polo que considera necesario actuar desde os concellos.

·                   O Grupo Socialista en Barbadás reclama que “dende o concello se arbitren e adopten unha serie de medidas que vaian encamiñadas a suplir o desinterese tanto da administración central como da autonómica”.

 

Barbadás, 5 de xaneiro de 2014.  Elaborar unha ordenanza que garanta que ningún fogar de Barbadás con graves dificultades económicas vexa cortada a subministración eléctrica, de gas ou auga. Ese é o obxectivo dunha iniciativa presentada polo Grupo Municipal Socialista que plantexa tamén destinar para o exercicio 2014 unha partida económica suficiente para evitar este tipo de “desafiuzamento” de servizos básicos.

         O voceiro socialista, Xosé Carlos Valcárcel, explica que con esta proposta preténdese “garantir uns consumos mínimos vitais tendo en conta o número de membros da unidade do fogar e tamén a renda familiar. Segundo Valcárcel “os recibos de luz, auga, calefacción e gas representan un problema moi grave para un número importante de fogares”.

         Os contínuos incrementos de tarifas levan a numerosas familias a unha situación de pobreza enerxética: recibos da luz e auga impagados ou electricidade e calefacción cortadas. Valcárcel define esta preocupante situación como “antesá dunha alarmante e grave situación de miseria xeral”.

         Os Socialistas de Barbadás “consideramos que se extrapolamos ó noso concello os datos oficiais, habería máis de 1.000 conveciños en situación de pobreza enerxética. Pero non podemos esquecer a aquelas unidades familiares que está sufrindo tamén cortes na subministración de auga.

         A xuízo do líder socialista “as administracións de calquera nivel están na obriga de atopar solucións comunitarias para evitar que haxa familias que se queden prácticamente ó raso en inverno, sen luz e sen calefacción”, un motivo polo que esixen un compromiso formal e firme do Concello de Barbadás sobre o desafiuzamento enerxético”.

         Xosé Carlos Valcárcel sinala con preocupacón que “somos conscientes de que a privación de electricidade, gas e auga pode provocar importantes riscos sanitarios para as persoas máis vulnerables. O voceiro socialista reprocha a actitude de desidia do goberno central do PP e a “falla de sensibilidade social do goberno de Rajoy”, polo que considera necesario actuar desde os concellos.

         O Grupo Socialista en Barbadás reclama que “dende o concello se arbitren e adopten unha serie de medidas que vaian encamiñadas a suplir o desinterese tanto da administración central como da autonómica”. Entre os acordos propostos na moción piden “solicitar ó Goberno de España a aplicación dun IVE reducido para as subministracións doméstricas de electricidade, gas e auga”.

As diversas enquisas das condicións de vida sinalan que o 37% dos fogares españois teñen moitas dificultades para chegar a fin de mes e preto do 10% non poden pagar as facturas de servizos básicos como son o gas, a electricidade, moitas taxas e, por suposto, tampouco poden afrontar a hipoteca.

         Unha terceira parte da cidadanía recoñece que se queda sen diñeiro despois de pagar a luz, o gas, o teléfono e a mensualidade (aluguer ou hipoteca) do seu fogar.

Toda a cidadanía é consciente de que a enerxía e a auga son imprescindibles para unha familia e polo tanto é necesario que a administración garanta que ningunha unidade familiar que se atope nunha situación económica grave, quede sen estes servizos básicos. É decir, hai que evitar por todos os medios o “desafiuzamento enerxético ou de auga”.

         Os gobernantes, nun estado cunha economía SOCIAL e de mercado, teñen que garantir á súa cidadanía unha cobertura social en relación a un subministro de electricidade, gas e agua, de xeito que ningún fogar quede privado dun mínimo de cobertura de subsistencia.

         Nas sociedades avanzadas a auga, a luz e o gas son considerados servizos esenciais básicos que deben estar garantidos por un auténtico ESTADO DO BENESTAR que poña o acento no ASPECTO SOCIAL DA ECONOMÍA.

 

http://www.lavozdegalicia.es/noticia/ourense/2014/01/04/piden-crear-fondo-social-evitar-cortes-agua-luz-gas-desfavorecidos-barbadas/0003_2014011388847262648073.htm

 

 

 

RACIONALIZAR GASTOS, EVITAR DISPENDIOS.

O PSdeG DE BARBADÁS PROPÓN REDUCIR OS SOLDOS DOS CONCELLEDIROS CON DEDICACIÓN E DESTINALOS A GASTOS EN EDUCACIÓN

·        O Grupo Municipal Socialista presentou alegacións ós orzamentos do Concello para 2014 tendo en conta a actual situación de crise económica e social

 

·        O voceiro socialista, Xosé Carlos Valcárcel, plantexa crear unha liña de axudas a familias desafiuzadas e para aluguer de xóvenes e desempregados a metade da partida para protocolo e publicidade. Esta contía supón 30.000 euros.

 

·        Os 13.000 euros que aforrará o concello ó non pagar o canon de Sogama ata marzo, “poden destinarse a emprego e orientación laboral”. Promovería así o cooperativismo e a economía local..

 

·        Nas alegacións do Grupo Socialista tamén se reclama que se dea cumprimento ós acordos plenarios de aprobación de iniciativas socialistas.

·        Valcárcel lembra que aínda non se levou a cabo o adecentamento e mellora da Calzada Romana (preto de pavillón), o incremento da seguridade viaria na Finca Fierro e a mellora da accesibilidade dos transeúntes na Valenzá.

·        Tampouco se acometeu a revisión das barreiras arquitectónicas neste barrio nin a elaboración dun plan de reordenación do tráfico nas inmediacións dos colexios públicos.

Barbadás, 3 de xaneiro de 2014.  O Grupo Socialista en Barbadás presentou alegacións ó orzamento de 2014 para conquerir un equilibrio entre as necesidades da veciñanza e os gastos “innecesarios” en época de crise ou mal plantexados.

         O PSdeG propón que se reduzan os gastos en protocolo e representación nun 50 %, así como os correspondente á partida destinada a publicidade. A pretensión é que este aforro se destine a crear un Fondo de Axuda a afectados polos Desafiuzamentos e outro a axudas para o aluguer destinadas a familias con membros en situación de desemprego e para xóvenes. O importe destinado a partidas de protocolo e publicidade ascende a 30.000 euros.

         O voceiro socialista en Barbadás, Xosé Carlos Valcárcel, planteas noutra das alegacións que “dado que a Xunta retrasa por uns meses a aplicación do incremento do canon de Sogama, plantexamos dedicar ese importe a programas de fomento do emprego e orientación laboral”. Priorizaríase así a economía local e o cooperativismo, asegura  Valcárcel, quen lembra que esta partida suma 13.000 euros.

         A reducción nun 10 % nos importes que perciben os/as concelleiros/as do equipo de goberno con dedicación exclusiva ou parcial é outro dos ámbitos onde os Socialistas pretenden introducir cambios no orzamento para 2014. A proposta sinala que o 50 % desta contía pode dedicarse a incrementar a partida destinada a axudas para a adquisición de material escolar.

         O líder socialista considera que “este é un xeito de fomentar a igualdade de oportunidades”. Respecto ós emolumentos que perciben 5 concelleiros/as do PP ascenden a 107.518,18 euros, polo que o 10 % equivale a 10,751,81 €. O outro 50 % desta partida “pode ir dedicado a sufragar o custo do programa Bos días cole, de xeito que se reduza ou desapareza o impacto actual deste servizo sobre as economías familiares”.

         Xosé Carlos Valcárcel reprocha que os orzamentos para 2014 “poñen de manifesto que o goberno do PP carece da máis mínima planificación”. O voceiro socialista asegura que “o propio alcalde, José Manuel Freire Couto, en recoñecido en varias ocasións que se inviste conforme xurdan as deficiencias ou os problemas máis graves”.

         Segundo os Socialistas “o anexo de investimentos ten que especificar a denominación do proxecto, o código de identificación, o ano de inicio e finalización previstos, etc”.

         Os orzamentos tampouco contemplan “partidas para dar cumprimento a decisións plenarias adoptadas pola corporación municipal”. As mocións que son aprobadas nos plenos deben ser reflectidas nos orzamentos nun tempo prudencial, algo que non ocorre no Concello de Barbadás, censuran os Socialistas. Debido a que non se dotan orzamentariamente decisións aprobadas en anos anteriores e tampouco outras máis recentes acordadas no ano 2013, o PSdeG reclama que se incorporen ó proxecto as seguintes actuación aprobadas durante o presente ano:

1.     Adecentamento e mellora da Calzada Romana (alumeado e beirarrúas).

2.     Mellorar a accesibilidade dos transeúntes e revisión das barreiras arquitectónicas así como elaborar un plan de reordenación do tráfico nas inmediacións dos colexios públicos.

3.     Incremento da seguridade viaria e mellora e actualización da sinalización na Finca Fierro.

 

Dende o Grupo Municipal Socialista xustifican a presentación destas alegacións facendo referencia á actual situación de crise económica e social. Valcárcel alude a que “este contexto provoca altos niveis de desemprego entre a veciñanza, familias con graves dificultades económicas e un grande número de desafiuzamentos”. Por esta razón o orzamento debe ter coma un dos seus obxectivos fundamentais o de paliar estas graves problemáticas.

O voceiro do PSdeG apunta que un orzamento “que invista en acción e benestar social, entendidos coma un dereito e non como caridade. Ten que apostar pola promoción do emprego e por axudar ós colectivos máis desfavorecidos”.

Xosé Carlos Valcárcel dixo que “ademais non podemos esquecer que nos 2  últimos anos a cidadanía de Barbadás sofre un importante incremento de taxas, prezos públicos e impostos que non se reflicten nunha mellora da calidade de vida e tampouco en máis prestacións ou mellores servizos e dotacións”.

 

http://www.lavozdegalicia.es/noticia/ourense/2013/12/28/psoe-barbadas-propone-reducir-sueldos-ediles-dedicacion/00031388234002450318656.htm

 

http://www.laregion.es/noticia/273227/socialistas/barbadas/piden/recortar/sueldo/concejales/