BARBADÁS RECLAMARÁ A SEGUNDA ESCOLA INFANTIL MUNICIPAL
PROPOSTA POLO PSdeG A TRAVÉS DUNHA MOCIÓN
·
No
debate da moción o rexedor cambiou a súa postura respecto a outras ocasións nas
que se abordou o proxecto
·
Freire dixo que podería ubicarse na zona
de equipamento escolar da AR-10, onde tamén está previsto que vaia o instituto.
·
Houbo
tamén unanimidade na aprobación dunha proposta do PSdeG para mellorar a
seguridade viaria e actuar sobre os espazos infantís no entorno da rúa da Paz e
no Paseo dos Amieiros.
·
Reprochou tamén o líder socialista que
os dous elementos fundamentais nunha zona de xogo (bancos e fontes) están
asusentes nestes parques
·
O PP votou en contra dunha proposta socialista para evitar
que a zona de soportais da rúa Cotelma siga a ser un “mexódromo” de cans
·
Valcárcel solicitou
ademais os datos do rexistro de animais perigosos, descoñecendo o rexedor se
había esta listaxe
·
Alcalde de tenente alcalde negan que filtraran as respostas
dos exames a cambio de favores, tal e como denuncia un excandidato do PP
·
No pleno celebrado hoxe formalizouse tamén a renuncia da
concelleira socialista María Presas
Barbadás, 10 de marzo de 2015. Unha moción do Grupo Socialista de Barbadás para
xestionar a construcción dunha segunda escola infantil municipal consegue a
unanimidade de tódolos grupos políticos. A concelleira socialista Victoria
Morenza ironizou ó asegurar que o alcalde tería unha explicación para explicar
porqué un dos concellos que máis medra de Galicia non marcaba a diferencia en
iniciativas de atención á infancia.
Aos Socialistas non lle interesa a
explicación política de que Freire se convertera nun paria nos últimos meses
dentro do seu propio partido porque “o que importa é a crúa realidade das
listas de espera, que son un impedimento máis á conciliación da vida familiar e
laboral”, asegurou Morenza. As cifras indican que entre 40 e 60 cativ@s quedan
fóra do servizo público de ensino infantil. A concelleira pediu que se lle
facilitara cant@s nen@s quedaron excluídos neste curso e cal foi o número de
cheques infantís que se concedeu dende o Concello.
No debate da moción o rexedor
cambiou a súa postura respecto a outras ocasións nas que se abordou o proxecto
da segunda escola infantil municipal e anunciou que ía apoiar a iniciativa do
PSdeG. Morenza acolleu o apoio con optimismo e tildou de coincidencia
electoralista esta viraxe. A edil socialista insistiu no feito de que as
modificacións do plan de urbanismo nunca incluiron pór a disposición terreos
para esta dotación, polo que solicitou a Freire explicacións sobre o asunto.
Finalmente dixo que podería ubicarse na zona de equipamento escolar da AR-10,
onde tamén está previsto que vaia o instituto.
Morenza falou da importancia de
levar a cabo este proxecto tendo en conta que Barbadás está ó mesmo nivel que
Ames, Culleredo ou Vilagarcía en índices de natalidade. Foi crítica tamén coa
política anti-natalidade do goberno de Feijóo porque coa nova lexislación
obriga aos concellos a aportar 10.000 euros por praza creada de escolas
infantís.
O PSdeG aceptou unha emenda proposta
polo BNG para modificar o segundo punto
do acordo para que en lugar de habilitar unha ludoteca na casa de cultura se
arbitren actividades que faciliten a conciliación en horas non lectivas.
Paseo dos Amieiros
Houbo tamén unanimidade na
aprobación dunha proposta do PSdeG para mellorar a seguridade viaria e actuar
sobre os espazos infantís no entorno da rúa da Paz e no Paseo dos Amieiros.
Freire asegurou que as propostas do
Grupo Socialista faranse se son factibles técnicamente. Proposta de acordó: Proceder
a retirar a grúa de obra instalada na Rúa da Paz ou obrigar a súa retirada.
ü Instalar
pasos de peonís sobreelevados nos dous viais.
ü Colocar
unha cerca nas zonas de xogo infantil.
ü Habilitar
zonas de sombra e fontes de auga potable nos espazos infantís.
ü Colocación
de bancos.
ü Instalar
varandas de protección en toda á marxe esquerda do río.
ü Mellorar
os pasamáns das escaleiras.
ü Colocar
unha varanda na beirarrúa dereita da Rúa da Paz.
ü Retirar a
caseta de obra ubicada na mesma rúa.
ü Instalar
un colector de papel e outro de vidro no Paseo dos Amieiros.
Valcárcel criticou que as zonas de xogo infantil non
teñan cercado para impedir a entrada de mascotas e que carecían de bancos
suficientes “que permitan que os pais e nais que acompañan aos/ás cativ@s
poidan disfrutar dun tempo de relax.”. Reprochou tamén o líder socialista que
os dous elementos fundamentais nunha zona de xogo (bancos e fontes) están
asusentes nestes parques. Ironizou ó asegurar que “supoño que o goberno do PP
descoñece que conforme os meses do ano pasan a veciñanza utiliza a zona de xogo
verde ou vermella porque a súa utilización vai en función da caída do sol”, en
alusión a ausencia de vexetación.
Para os
Socialistas esta zona “é un compendio de situación perigosas e de ausencia de
humanización urbana e esto non ten máis cá un nome: desidia e deixadez por
parte do goberno municipal do PP”.
Rexistro de animais perigosos
O PP
votou en contra dunha moción socialista que pedía a mellora na limpeza e
alumeado público, así como habilitar pasos de peóns elevados na rúa Cotelma.
Segundo Valcárcel os soportais desta rúa convértense cando chove “nun mexódromo
de cans”. O voceiro socialista aludiu a que esta situación xa foi denunciada
polos veciños a través dun escrito o 17 de xuño de 2010.
Valcárcel
insistiu en que a veciñanza demanda que o grupo de goberno tome as medidas
axeitadas para atallar definitivamente estes feitos de xeito que se elabore
unha ordenanza que desenvolva a actual lexislación autonómica “prohibindo que
os propietarios de animais utilicen o lugar para estes fins e se eviten así
situación incómodas, insalubres e que atentan contra a hixiene e a estética
urbanas”.
Segundo
Valcárcel esta situación vai estreitamente vencellada á falla de campañas de
sensibilización e concienciación por parte do goberno municipal do PP para o
fomento de actitudes cívicas por parte dos propietarios de mascotas.
O acordo
da proposta ó que o PP votou en contra inclúe os seguintes puntos:
ü Prohibir que os soportais sexan utilizados polos donos dos cans
mediante a instación duns paneis de “Prohibido cans”.
ü Incrementar a vixiancia sobre a zona para que se cumpra a
normativa.
ü Proceder á limpeza en profundidade da beirarrúa dos soportais
eliminando todos os restos de excrementos, sucidade e manchas que estos
provocan.
ü Desinfectar a zona afectada.
ü Substituir os actuais puntos de luz branca por outras farolas
semellantes ás do resto da rúa.
ü Eliminar os lombos prefabricados e instalar dous pasos peonís
sobreelevados.
Valcárcel solicitou ademais os datos do rexistro de animais
perigosos, descoñecendo o rexedor se había esta listaxe. Tanto as técnicas
presentes no pleno coma o alcalde, respostaron que este tema “Lévano en
Urbanismo”. Para Valcárcel é lamentable o descoñecemento que existe do tema e
volveu insistir na necesidade de pór en marcha un parque para cans, tal e como
ten reclamado o PSdeG en reiteradas ocasións.
Renuncia da concelleira socialista
Ao inicio da sesión formalizouse a renuncia da concelleira
socialista María Presas de Prado, quen no escrito que presentou no concello
alegou motivos persoais. Na súa despedida Presas asegurou que durante os case 4
anos que foi concelleira fixo unha labor construtiva pensando nos/as veciñ@.
AFirmou sentir “unha decepción persoal cos meus compañeiros” e anunciou a súa
baixa como militante do PSdeG. O voceiro socialista agradeceu o seu traballo, así
coma o seu compañeirismo e lealdade. Serafín Núñez, edil do BNG, deulle as
grazas a Presas e desexoulle sorte, ó igual que o alcalde, Freire Couto.
Denuncia dun empresario
Ao rematar o pleno e xa no apartado de rogos e preguntas o
líder socialista, Xosé Carlos Valcárcel, pediu explicacións sobre a noticia
aparecida hoxe nun medio de comunicación sobre a implicación dos tenentes de
alcalde e alcaldesa, Manuel García e Consuelo Vispo, así coma do alcalde de
Barbadás en un suposto caso de enchufismo.
Na denuncia
relátase que existiu un suposto pago de favores con persoal vinculado ao
Concello de Barbadás. O denunciante, un empresario que foi nas listas do PP de
número 8 en 2007, asegura que “o xeito de funcionar era chamar o día anterior
ós exames de acceso ó tenente alcalde, Manuel García, entregando as respostas
aos elixidos para aprobar”. Segundo a denuncia vulneráronse así os principios
de igualdade, mérito e capacidade.
Freire
asegurou que o que di a denuncia é falso, mentras que o tenente alcalde dixo
que “xamáis fixen unha chamada para tal fin”, negando que houbese conversas
deste tipo.
