O PP REXEITA CESAR A FREIRE NO INORDE

O Grupo Provincial Socialista na Deputación pediu a través dunha moción o cese inmediato do Presidente do Inorde, José Manuel Freire, "pola súa nula xestión á fronte do organismo"

A iniciativa socialista solicitaba ademais a devolución das dietas cobradas á Deputación dende que é presidente do Inorde, máis de 110.000 euros

O voceiro do PSdeG na Deputación, Ignacio Gómez Pérez, considera "o colmo da inmoralidade" que ademais dos 68.500 euros que Freire lle custa á Deputación por presidir o Inorde, perciba do ente provincial 12.700 € en dietas por asistir a comisións de goberno, informativas e plenos.

Ademais percibe do Concello de Barbadás 9.000 euros anuais do concello de Barbadás, tamén por asistencias.

O PP, a través do seu voceiro, Plácido Álvarez Dobaño, considera que Freire "fai unha excelente labor no Inorde"

O voceiro socialista reprochou a Freire que faga declaracións desafortunadas como a de que en "política non só poden estar os pobres de solemnidade"

Ignacio Gómez rexeitou este tipo de manifestacións, tendo en conta que Freire "converteuse no Rockefeller da provincia, en tanto que hai 3 millóns de persoas en risco de exclusión social.

Os Socialistas censuran a Freire que en lugar de velar polo desenvolvemento da provincia, "parece que só velou polo seu propio, aproveitando misións comerciais da entidade para facer negocios propios, como el mesmo recoñeceu"

Os Socialistas reprocharon que tras un seguemento feito polo Grupo Provincial constataron que o presidente do Inorde non acude practicamente ningún día ó seu posto de traballo".

FREIRE NA EXECUTIVA PROVINCIAL DO PP

16 de marzo de 2013

            Xosé Carlos Valcárcel, líder do PSdeG en Barbadás cuestiona o nomeamento de Freire Couto coma vicesecretario da executiva provincial do PP.

Valcárcel afirma non entender que “Baltar fale de transparencia e inclúa na súa executiva ó político menos transparente e antidemocrático de toda a provincia.

            O voceiro socialista afirma que este nomeamento é unha incongruencia, “tendo en conta que se produce cando hai só unhas horas Freire deu mostras evidentes dun talante ditatorial ó levantar a sesión dun pleno impedindo á  oposición que se expresase libremente”.

            Segundo Valcárcel “este era o momento de predicar co exemplo, pero Baltar Blanco non aproveitou a ocasión para demostrar cos feitos os valores de transparencia que di que defende”. Para o líder socialista “esto quere dicir que as propostas de Baltar en torno á transparencia non son máis que declaracións para a galería co obxecto de ter un titular asegurado”.

            Xosé Carlos Valcárcel tilda de “pouco exemplarizante” que Baltar inclúa na dirección provincial “a un señor que non clarexa a orixe do seu patrimonio e que ademais ocultou os seus ingresos ó fisco, sendo sancionado por esta razón con unha falta grave”.

            Pero é lamentable tamén que Freire sexa unha das persoas elixidas por Baltar cando como deputado provincial do PP é un dos que máis atrancos pon para dar a coñecer públicamente a súa declaración de bens

O EMPORIO FREIRE COUTO PODERÍA TER UN VALOR REAL DE 5 MILLÓNS DE EUROS

 

 

·        O alcalde de Barbadás amosa a súa faciana máis intolerante levantando a sesión e impedindo que falen os voceiros da oposición

 

·        Freire Couto retiroulle a palabra o líder nacionalista, Xosé Manoel Fírvida, forzou unha votación apresurada e levantou a sesión

 

·        Ao voceiro socialista, Xosé Carlos Valcárcel, furtouselle o seu turno de palabra por esta postura dictatorial do rexedor

 

 

·        Tanto os 3 concelleiros do BNG coma os 3 do PSdeG permaneceron no salón de plenos. Ao igual que os medios de comunicación e a maior parte do público asistente

 

·        O Grupo do PSdeG presentou datos novidosos relacionados co patrimonio do alcalde de Barbadás e do seu entorno familiar

 

·        O líder socialista censurou a “fuxida” de Freire porque “ata agora só escoitaaos falar dun pequeño patrimonio que el di que se iniciou con herdanzas”

 

·        Valcárcel esixe que Freire explique a vinculación entre a promotora Eichoa, ubicada no seu domicilio en Ourense, con outras promotoras ubicadas en Barbadás, San Bieito, por exemplo

 

·        O lider socialista  acusa a Freire de mentir en relación coas súas propiedades en Sanxenxo: “non só ten un apartamento, ten dous”

 

·        Mentiu tamén na negación de vinculacións entre Maexpa e a empresa familar Alba María, ubicada en Matosinhos. Seguen recibindo a correspondencia no mesmo local.

 

 

·        Valcárcel pide explicacións ó rexedor sobre as súas propiedades en Portugal, pois aínda non aclarou cuestións cruciais.

 

·        O pleno extraordinario celebrado e interrumpido hoxe foi solicitado precisamente por BNG e PSdeG para aclarar o patrimonio de Freire, “pero as dúbidas seguen sobrevoando sobre o alcalde de Barbadás”, lamenta Valcárcel.

·        Para o PSdeG comparar o fraude fiscal que protagonizou Freire con unha simple multa de tráfico significa rirse da opinión pública

 

 

Barbadás, 15 de marzo de 2013.  O Grupo do PSdeG presentou datos novidosos relacionados co patrimonio do alcalde de Barbadás e do seu entorno familiar co obxecto de que José Manuel Freire Couto explicase ante a opinión pública as vinculacións entre os seus cargos institucionais e a suposta acumulacións de bens empresariais e inmobiliarios.

            A actualización da información que manexa o PSdeG dende hai semanas conclúe que o “Emporio Freire” podería ter un valor real que ronda os 5 millóns de euros. Esta cifra é a resultante de extrapolar os valores obxectivos cos baremos que manexa Facenda ós valores reais de mercado. E resume o patrimonio particular, familiar e empresarial de Freire. Esta contía podería verse, con todo, incrementada se o alcalde  de Barbadás e Presidente do Inorde dera a coñecer datos reais, un obxectivo para o que foi solicitado o pleno extaordinario celebrado esta mañá.

            A sesión plenaria foi brusca e inexplicablemente interrumpida por Freire despois dunha breve intervención do voceiro do BNG, Xosé Manuel Fírvida. O líder nacionalista, ó representar á 3º forza política, foi o primeiro en intervir. O rexedor, José Manuel Freire Couto, nun alarde de actitude dictatorial quitoulle a palabra a Fírvida e ofreceulle ó voceiro socialista que comezase a falar. Foi un momento de suma confusión no que Freire non soubo estar á altura do seu papel de presidente da sesión.

 Zanxou o nerviosismo e a falta de rigor que transmitiu forzando unha votación que posibilitara o levantamento da sesión tan só 10 minutos despois de comezar. Os propios concelleiros do grupo de goberno amosaron expresións de sorpresa cando Freire colleu a carpeta e saiu só do salón de plenos. Lenta e sucesivamente os concelleiros do PP fóronse levantando dos seus asientos e abandoaron a sala, na que sí quedaron a secretaria do concello e unha administrativa, quenes permaneceron uns minutos mentres tomaban a palabra os voceiros nacionalista e socialista.

            Permaneceron no salón de plenos os medios de comunicación e a maior parte do público asistente (así como a plantilla da policía local ó completo) e celebrouse unha comparencia pública ou simulacro de pleno co sillón do alcalde baleiro e sen a presencia dos concelleiros do grupo de goberno.

            Esta esperpéntica imaxe foi duramente criticada pola oposición. Xosé Carlos Valcárcel, voceiro do PSdeG, lamentou que “o alcalde non asuma as súas responsabilidades e evite aclarar ante a cidadanía as sombras que sobrevoan sobre o seu patrimonio”.

            Valcárcel reprochou que o alcalde non “dese a cara para explicar un patrimonio que en valor de mercado pode rondar os 5 millóns de euros”. O líder socialista censurou a “fuxida” de Freire porque “ata agora só escoitamos falar dun pequeño patrimonio que el di que se iniciou con herdanzas”.

 Para os Socialistas este pleno extraordinario foi solicitado para “dar un paso máis nas explicacións ó respecto das propiedades de Freire e do seu entorno”. Unha vez máis viuse truncada a democracia en Barbadás “ante a prepotencia e a “fuga” do rexedor. Valcárcel reprocha que Freire “se ría da veciñanza” disolvendo un pleno esixido precisamente para clarexar “e non para escabullirse das explicacións que reclaman os grupos da oposición e a propia veciñanza”.

 

Vinculación entre promotoras

 

            Valcárcel esixe que Freire explique a vinculación entre a promotora Eichoa, ubicada no seu domicilio en Ourense, con outras ubicadas en Barbadás. O voceiro socialista aportou esta nova vinculación entre a empresa da esposa do rexedor, Eichoa, e Promocións San Bieito. Esta última empresa é propiedade supostamente de un exconcelleiro de Urbanismo do PP en  Barbadás e poderiamos estar ante un presunto tráfico de influencias.

            Segundo Valcárcel Freire ten que explicar por qué Eichoa, “ubicada na súa cassa ten propiedades por valor de 75 millóns de pesetas”. O voceiro do PSdeG considera inadmisible que o alcalde de Barbadás non explique este tipo de relacións entre empresas.

 

Propiedades en Sanxenxo

 

            O lider socialista  acusa a Freire de mentir en relación coas súas propiedades en Sanxenxo. Non só ten un apartamento, “ten dous (rúas Luis Rocafort e Silgar), un a nome de Frerire e outro da titularidade da súa esposa” e mentiu tamén na ubicación.

            Matosinhos

 

            Mentiu tamén na negación de vinculacións entre Maexpa e a empresa familar Alba María, ubicada en Matosinhos . Seguen recibindo a correspondencia no mesmo local.

            O PSdeG esixe unha serie de aclaracións:

 

§                      Freire fixo negocios con un empresario que operaba no seu municipio. Hai mistura de intereses públicos e privados. Segundo Valcárcel “estamos falando dun suposto tráfico de influencias”.

§                      Ten que explicar se mercou a Mahía ou Maexpa as propiedades que supostamente ten en Portugal.

§                      ¿De onde obtivo os cartos para mercar propiedades por valor de 130 millóns de pesetas cando a promotora Alba María só ten un capital social de 830.000 das antigas pesetas?

§                      É preciso clarexar  de onde proceden os 77 millóns das antigas pesetas que aparecen nas contas no apartado de “outros pasivos correntes” desta mesma empresa ubicada en Matosinhos.

§                      E se levou eses cartos de España a Portugal, tería que ter declarado en Facenda esa saída de diñeiro porque terían que aparecer anotacións da declaración da renda do alcalde de Barbadás.

§                      Sinalar que a promotora Alba María, propiedade do alcalde e da súa esposa, non ten hipótecas nin préstamos con entidade financieira algunha.

 

“Pequena regularización con Facenda”

 

            Ao comezar o pleno o alcalde quixo zanxar a controversia xurdida en torno ó seu patrimonio e o da súa familia afirmando que “só tiven que facer unha pequena regularización ante Facenda”.

            Valcárcel censura a Freire que compare  unha sanción que Facenda lle impuxo (20.000 euros) con unha simple multa de tráfico. Non é unha fruslería, segundo o voceiro socialista, senón que “tentou pagar menos impostos e foi descuberto”. Este é un dos innumerables motivos polos que os Socialistas esixen a DIMISIÓN DE FREIRE.

 

 

Para calquera aclaración podedes chamar a Xosé Carlos Valcárcel (Voceiro socialista en Barbadás)- Tfno.:  605 08 18 98

 

 

Dirección da Páxina Web do PSdeG en Barbadás: www.barbadás.psoe.es

Facebook: Agrupación Socialista de Barbadás, Amigo Socialista de Barbadás, Xosé Carlos Valcárcel, Victoria Morenza

Twiter: @cambiabarbadas

Blog: www.cambiabarbadas.blogspot.com

 

 

 

 

 

O ALCALDE DE BARBADÁS RESPONDE CON EVASIVAS ÁS PREGUNTAS SOBRE O SEU PATRIMONIO PLANTEXADAS POLO VOCEIRO SOCIALSTA

·         O voceiro do PSdeG, Xosé Carlos Valcárcel, plantexoulle ó rexedor un total de 9 preguntas sobre a empresa que ten en Matosihos  e sobre a súa vinculación ás sociedades Mahía ou Maexpa

•  Á pregunta de se Freire pode explicar por qué Mahia e Maexpa reciben a correspondencia no mesmo lugar que a Sociedade Promotora Alba María, o alcalde respondeu literalmente: “a vostede non lle importa”
• Freire foi tallante ante a interpelación socialista de que persoas físicas ou xurídicas son as que aportan 667.392,27 € que se reflicten no apartado de outros pasivos correntes da empresa: “non teño porque explicarllo”
• Valcárcel intentou que Freire esclareza a quen lle mercou Alba María os activos fixos dos que é propietaria. O rexedor limitouse a dicir que mercou varias propiedades, “pero non llo teño porque dicir, instando ó voceiro socialista a “ir ó Rexistro á averigualo”.
• A última pregunta alude ó local que a empresa Aquagest ten alugado na avenida de Celanova, 122, na Valenzá. Xosé Carlos Valcárcel esixiu que o rexedor de Barbadás aclare se é propiedade da empresa Eichoa. Freire negouno.
• Valcárcel censurou a falla de transparencia de Freire e acusouno de “contar só o que lle convén e dar simples explicacións parciais”
 

MOCIÓN DO PSdeG-PSOE PARA QUE O CONCELLO DE BARBADÁS PROMOCIONE O USO DA BICICLETA

Don Xosé Carlos Valcárcel Doval, na súa condición de Voceiro do Grupo Municipal Socialista no Concello de Barbadás, e ó abeiro do disposto nos artigos 91.4 e 97 do Real Decreto 2568/1986, de 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais presenta á consideración do Pleno da Corporación municipal a seguinte  MOCIÓN:

            EXPOSICIÓN DE MOTIVOS:

            Un dos aspectos máis salientables de Barbadás  que en todo momento é utilizada polos seus gobernantes na súa publicidade é o dinamismo da súa poboación.

            As grandes potencialidades que ten a nosa veciñanza case sempre se ven afogadas pola inactividade e falta de imaxinación do equipo de goberno do PP que dirixe o Sr. Freire. 

            No eido deportivo os exemplos son múltiples, empezando polas importantes carencias das piscinas , pasando pola ausencia de dotacións deportivas básicas e rematando co abandono das andainas.

            Os Socialistas de Barbadás somos conscientes non só das vantaxes da actividade deportiva para o desenvolvemento harmónico e saúdable da cidadanía. Tamén somos conscientes das grandes demandas dos nosos conveciños en relación a diversos deportes. O ciclismo é un de eses deportes.

Existe no noso concello un gran colectivo de persoas que practican asiduamente o ciclismo e que consideran que este deporte non ten a consideración que merece dentro das prioridades deportivas dos gobernantes do Partido Popular.

É imprescindible que as autoridades locais colaboren activamente con estas asociacións  no deseño dunha política activa que fomente a práctica do ciclismo entre a poboación de Barbadás.

Resulta evidente que a potenciación deste deporte non ten só aspectos positivos sobre a saúde. Tamén afecta moi favorablemente ó medio ambiente e por suposto  á mobilidade.

 Un aspecto fundamental é que estamos a falar dun deporte que se pode realizar en todas todas as etapas da vida.

No Grupo Municipal Socialista somos conscientes das dificultades para pór en marcha un proxecto integral en relación a este asunto, pero prentendemos que se dean as primeiros pasos.

Por todo o anteriormente exposto, propoño ó Pleno desta Corporación a adopción do seguinte

 ACORDO:

• Instalar zonas de aparcamento para bicicletas (aparcabicis) nas inmediacións das instalacións deportivas, escolas, parques e edificios públicos máis frecuentados de Barbadás.
• Incluir a práctica do ciclismo dentro do abano de actividades extraescolares e das escolas deportivas que se ofertan desde o Concello.
• Realizar campañas entre os diversos coletivos sociais e veciñais para dar a coñecer as vantaxes do uso da bicicleta.
• Potenciar as rutas do S. Bieito e dos Castros mediante a elaboración e distribución de mapas orientativos e guías.
•  Establecer un “Día da Bici” en Barbadás.

En Barbadás a 20 de febreiro de 2013

MOCIÓN DO PSdeG CON MOTIVO DO 8 DE MARZO, DÍA INTERNACIONAL DAS MULLERES.

A igualdade en  España foi avanzando pouco a pouco nos últimos anos de democracia. Estes avances traducíronse nunha vida mellor para as mulleres, así como en máis dereitos para elas e para o conxunto da sociedade.

Esto foi posible grazas á labor da propia sociedade que se movilizou e se modernizou e tamén grazas fundamentalmente á loita das mulleres, pero tamén, pola labor dos gobernos socialistas. Deste xeito, as mulleres foron ocupando espazos no emprego, na política e na sociedade, rompendo así progresivamente coa desigualdade.

Non obstante, a igualdade non era de todo efectiva, aínda existían e aínda existen desequilibrios. Necesitabamos tempo para seguir avanzando, pero sobre todo para consolidar o conseguido. Un tempo fundamental como comprobamos nestes últimos catorce meses. Porque este último ano, no que o Partido Popular asumiu o Goberno, asistimos a uns dos maiores despropósitos da historia da igualdade de oportunidades entre homes e mulleres.

           

            Empezando pola Reforma Laboral do Partido Popular. Esta modificación lexislativa expulsa ós sectores máis vulnerables do emprego, e aí están as mulleres. Ademais deixa sen dereitos ás mulleres traballadoras, a todas en xeral, e concretamente ás que teñen traballo a tempo parcial, temporal ou a aquelas que teñen responsabilidades familiares.

            O desmantelamento do Estado do Benestar e a política de austeridade dos gobernos Rajoy e Feijóo eliminan servizos públicos esenciais onde traballan moitas mulleres. Falamos de sectores como a educación, a saúde ou a dependencia.

Para maior abundamento nos recortes en dereitos das mulleres xurde o anuncio do Goberno do Estado de cambiar a Lei de Saúde Sexual e Reprodutiva e da Interrupción Voluntaria do Embarazo, cun obxectivo, eliminar o dereito a decidir das mulleres. O camiño está marcado co nomeamento dun novo Comité de Bioética de claro sesgo ultraconservador, no que a maioría dos seus membros se declarou abertamente en contra da decisión das mulleres.

            E aínda máis, durante meses o PP e o seu ministro de Ministro de Xustiza prentenderon  aplicar a lei de taxas xudiciais ós casos de mulleres maltratadas o que provoca unha desigualdade no acceso á xustiza, que deixaría a moitas mulleres sen a posibilidade de acudir a ela. Despois de moitos meses de protestas mesmo semella que o goberno da marcha atrás.

 A todo isto debemos sumar a redución de presupostos e servizos dirixidos a combater a violencia contra as mulleres, tanto no Goberno do Estado como no Goberno da Xunta de Galicia.

            Dende o Partido Socialista, sen embargo, seguimos traballando pola igualdade, porque creemos firmemente que esta igualdade entre homes e mulleres é o piar esencial desta sociedade.

 Por todo o anteriormente exposto, propoño ó Pleno desta Corporación a adopción do seguinte ACORDO:

·        Á derrogación da Reforma Laboral.

·        O desenvolvemento dun Plan de Emprego para as mulleres  que inclúa políticas activas específicas, a promoción do autoemprego e o desenvolvemento dun Plan de Igualdade das mulleres no emprego, dirixido a promover a igualdade e a eliminar a desigualdade salarial.

·        Mantemento dos dereitos recollidos na Lei de Promoción da Autonomía Persoal e Atención ás Persoas en Situación de Dependencia.

·        Promoción de políticas que permitan a corresponsabilidade na vida laboral e familiar de homes e mulleres, e o cumprimento da Lei 2/2007, do 28 de marzo, do traballo en igualdade das mulleres de Galicia.

·        Manter a actual Lei de Saúde Sexual e Reprodutiva e Interrupción Voluntaria do Embarazo, así como de todos os centros de planificación familiar da nosa Comunidade. 

·        Impulsar  políticas e servizos de prevención da violencia de xénero e apoio ás mulleres que a sofren.

·        Derrogación a Lei de taxas xudiciais.

En Barbadás a 21 de febreiro de 2013

María Presas de Prado

Concelleira do PSdeG en Barbadás

MOCIÓN DO PSdeG PARA MELLORAR A ACCESIBILIDADE DOS TRANSEÚNTES E REALIZAR UNHA REVISIÓN DAS BARREIRAS ARQUITECTÓNICAS. A PROPOSTA RECLAMA ADEMAIS QUE SE ELABORE UN PLAN DE REORDENACIÓN DO TRÁFICO NAS INMEDIACIÓNS DOS COLEXIOS PÚBLICOS DA VALENZÁ

 

                            EXPOSICIÓN DE MOTIVOS:

        

A humanización de vilas como A Valenzá non só pode consistir en construir amplas beirarrúas, senón para facilitar que os viandantes poidan pasear con comodidade. Teñen que ser tamén espazos cómodos e sen obstáculos, pero a realidade reflicte todo o contrario. Son habituais escenas nas que os coches estacionan invadido a beirarrúa e imposibilitando o paso de transeúntes, carriños de bebé ou persoas con movilidades reducida.

 

Tamén é cotiá que nos lugares onde hai establecementos hosteleiros con terraza sexa en ocasións complicado pasar para os viandantes e unha misión imposible para os peóns que guían un carro de nenos. Dende o PSdeG reclamamos que de cara á tempada primavera-verán se intensifique o control para que se cumpran os espazos que esixe a normativa para a accesibilidade cómoda das persoas que se moven polas zonas onde se concentra o maior número de terrazas.

 

Co obxecto de ilustrar a ausencia dunha actitude civica por parte dalgúns propietarios de vehículos, vémonos na obriga de lembrar que a beirarrúa é un espazo excluivo para que o peón circule con seguridade. Temos imaxes fotográficas que ilustran cómo a imposibilidade material de moverse sitúa ós viandantes nunha situación de perigosidade, moito máis preocupante se falamos de carriños de bebé, persoas maiores ou persoas con mobilidade reducida.

 

 

 

No Grupo Socialista damos por feito que xa superamos o modelo no que o peón era sistemáticamente discriminado e excluído en beneficio do automobilista. Sen embargo, as evidencias da vida cotía deixan patente que ás veces este esquema do século pasado aínda segue vixente. Aos feitos nos remitimos cando comprobamos que se obstaculiza o paso de peóns polas beirarrúas. As actitudes incívicas aparecen entón e a convivencia entre transeúntes e vehículos faise complicada.

 

A avenida de Celanova ou as rúas que circundan o colexio Filomena Dato son claros exemplos do que non se pode facer por parte dos propietarios de vehículos: entorpecer e facer molesto o tránsito para os peóns. Estas situacións teñen que deixar de repetirse adoptando unha política de maior control do tráfico e se é preciso elaborar plans concretos de reordenación. É fundamental que circular polas rúas deixe de ser un verdadeiro suplicio.

 

Estamos a falar de algo tan sinxelo como a calidade de vida dos cidadáns, que se queixan dende hai anos do estacionamento de vehículos en lugares prohibidos ou de aparcar por riba das beirarrúas, restando espazo ós viandantes e mesmo impedindo o seu tránsito. A veciñanza esixe e ten dereito a recuperar o espazo urbano público a favor do case sempre desprotexido peón.

 

En relación tamén coa seguridade, a comodidade e o fácil acceso, dende o Grupo Socialista queremos incidir unha vez máis na urxencia de facer unha profunda revisión das barreiras arquitectónicas que existen na Valenzá. En febreiro de 2011 o Grupo do PSdeG presentou unha minuciosa proposta para suprimir as barreiras arquitectónicas urbanísticas en vías urbanas e espazos de uso común. Pero lamentamos que despois de 2 anos non se modificara a situación para mellorar a accesibilidade.

 

A actividade que xeran os colexios públicos da Valenzá fan preciso mellorar un plan de regulación dos tránsito de vehículos e persoas nas inmediacións dos centros. Está claro que as medidas que se adoptan resultan insuficientes. No Ruxidoiro o caos circulatorio e as dificultades que teñen tanto os buses coma os vehículos para manobrar provoca o temor entre os pais e nais a que suceda algún indicente, polo que sería preciso incrementar a presencia de policías locais.

 

No Filomena Dato a situación resulta moito máis complicada porque á voráxine que se produce coa actividade escolar, súmase o feito de que se repiten con demasiada frecuencia atascos no tráfico debido a que nas horas punta non só circulan as persoas da comunidade escolar, senón tamén cidadáns que se desprazan ós seus centros de traballo ou que simplemente queren sair dos garaxes, producíndose un embotellamento ó que hai que buscar unha solución. Un ejemplo desta situación pódese comprobar na intersección entre Rodríguez Punxín e Garrida, onde moitas veces os buses non poden xirar polos coches aparcados

 

 

O estacionamento de coches en dobre fila é outra das lacras que padecen os conductores que circulan pola Valenzá. Chama a atención que este tipo de infraccións se produzan en determinados puntos en concreto e que se reitere a paradóxica e inxusta situación de que se multe a uns propietarios de vehículos e a outros non. A inquedanza entre a cidadanía ante as posibles desigualdades que se están producindo fan precisa unha intervención dos mandatarios locais.

 

Para buscar unha solución global sería preciso un maior control do tráfico en zonas céntricas e en lugares onde se concentra unha maior actividade no tráfico rodado.

 

 

Por todo o anteriormente exposto, propoño ó Pleno desta Corporación a adopción do seguinte ACORDO:

 

 

1)           Que se realice unha verificación da existencia de barreiras arquitectónicas nas vías de máior densidade de tráfico e estudar a progresiva eliminación das mesmas e que se elabore un informe técnico para planificar actuacións de mellora na accesibilidade.

 

2)           Elaborar un plan de ordenación do tráfico nas inmediacións dos centros de primaria públicos e incrementar a vixiancia por parte dos axentes de policía ou mesmo pedir a colaboración dutros corpos.

 

 

3)           Intensificar a vixiancia no cumprimento da normativa no que se refire á instalación de terrazas na vía pública para facilitar a mobilidade dos viandantes.

 

4)           Levar a cabo un control máis exhaustivo do estacionamento de vehículos en lugares prohibidos, en doble ringleira ou invandido as beirarrúas.

 

 

5)           Crear espazos para o estacionamento de motocicletas na avenida de Celanova.

 

6)           Revisar e aclarar, no seu caso, a sinalización en lugares nos que sucesivos cambios obrigaron a facer pintados que inducen a erro e que constitúen un perigo potencial para os automobilistas (cruce dos Patos coa estrada que vai ó campo de fútbol ou incorporación dende a avenida de Celanova á Rúa do Viso)

Victoria Morenza Doforno
Concelleira do PSdeG

                   En Barbadás a 21 de febreiro de 2013

 

Onde pensa que vive Freire Couto?

Xa o denunciamos dende aquí, ¿cómo se pode tolerar que un alcalde eluda pagar impostos ós que todos estamos obligados a pagar e que o pobo o permita? Os ciudadáns de Barbadás non vamos permitir que un
alcalde non pague ó fisco e siga ahí sentado sen máis. Súmate a unha alcaldía digna con "Amigo Socialista de Barbadás".