OS SOCIALISTAS DETACAN O MALESTAR QUE EXISTE ENTRE PAIS E NAIS DE ALUMNOS PORQUE NALGÚNS CASOS CHEGÁRONSE A ADMITIR ATA 28 NENOS NUN EQUIPO
·
A planificación utilizada na escola de
fútbol vai en contra da lóxica na práctica dun deporte didáctico como é o caso
porque un dos aspectos fundamentais é sair ó terreo de xogo.
- Resulta inadmisible que Freire conteste ante as
interpelacións socialistas que “nalgunhas categorías admitíronse máis
nenos co obxectivo de cubrir a gran demanada que existía para darlle
cabida ó máximo número de nenos posible”.
- Esto significa, censuran dende o PSdeG, que se
aplicou a denominada “lei do embude”.
- É ilóxico
tentar contentar a todos os aspirantes provocando a saturación da escola
deportiva de fútbol e a costa da calidade tanto teórica como práctica do
deporte.
Esta cifra de xogadores por equipo resulta excesivamente elevada, tendo en
conta que en cada partido só son convocados entre 14 e 16 alumnos e finalmente
non xogan todos. A planificación utilizada na escola de fútbol vai en contra da
lóxica na práctica dun deporte didáctico como é o caso porque o fundamental é
sair ó terreo de xogo.
Ademais a distribución tan
masificada de equipos podería influir negativamente na calidade formativa dos
usuarios porque se poderían estar producindo distincións entre os cativos/mozos
ó pagar todos a mesma contía na matrícula.
Os Socialistas de Barbadás reprochan que o incremento no número de alumnos
que esta tempada foron admitidos na escola de fútbol resulta excesivamente
elevado e provoca que moitos deles teñan que xogar con pouca frecuencia.
Esta situación
desalentadora tanto para os pais/nais como para os alumnos e provocou durante
semanas un malestar xeralizado. Dende o Concello tentaron canalizar a polémica con
sucesivas reunións que, segundo os propios interesados, é dicir, os
deportistas, non serviron para solventar o problema de fondo.
O PSdeG xa presentou a principios do mes de outubro unha batería de
preguntas para esclarecer o trasfondo da polémica. Pero non foi ata case un mes
despois cando o alcalde, José Manuel Freire, respostou con unha información
pouco satisfactoria.
Dende o Grupo Socialista non consideramos equilibrado de cara á formación
dos deportistas que se nos resposte que se optou por “facer rotacións dos nenos
nas convocatorias dos partidos de liga para que xoguen o maior número de
minutos”. Non é suficiente porque hai nenos que só poderían xogar 1 vez ó mes,
coa conseguinte frustración que esto lles produce.
Resulta inadmisible que Freire conteste ante as interpelacións socialistas
que “nalgunhas categorías admitíronse máis nenos co obxectivo de cubrir a gran
demanada que existía para darlle cabida ó máximo número posible”. Para o PSdeG
é unha tomadura de pelo que o propio alcalde asuma que se permite unha
masificación inxusta “para que puideran practicar a actividade deportiva
elixida co fin de que ningún neno quedara sen practicar deporte”.
Esto significa, censuran dende o PSdeG, que se aplicou a denominada “lei do
embude”. É ilóxico tentar contentar a todos os aspirantes provocando a
saturación da escola deportiva de fútbol e a costa da calidade tanto teórica
como práctica do deporte.
Segundo critican os Socialistas esto máis ben parece outro xeito de recadar
diñeiro, pois cada alumno aporta en concepto de matrícula 80 euros por tempada.
O número total de nenos federados este curso é de 286, distribuidos en 14
equipos. Na anterior tempada 2012-2013 ingresáronse 21.625 €, unha cifra inferior
á de este ano.
Hai equipos en xuvenil que agrupan a un mínimo de 22 nenos e un máximo de
24. En infantil hai 2 equipos, de 28 e 26 alumnos. Na categoría de alevín hai 3
equipos, de 18, 20 e 21 deportistas respectivamente. Estas cifras son
excesivamente elevadas e aínda que na resposta ofrecida ó Grupo Socialista o
alcalde recalca que pais e nais deron o seu consentimento, o que está claro é
que hai descontento e que incluso hai alumnos que abandonaron e prefiren
practicar fútbol-sala en lugar de estar masificados e sen poder xogar ó fútbol.
