VALCÁRCEL ALERTA DA PASIVIDADE DO
GOBERNO DO PP DE BARBADÁS ANTE A FALTA DE MANTEMENTO DOS PARQUES INFANTÍS DA
VALENZÁ
·
Unha
iniciativa do Grupo Socialista chama a atención sobre o mal estado dalgúns
elementos das zonas infantís, en concreto do Parque da Solaina, ubicado a carón
da casa da xuventude.
·
A raíz da denuncia feita polo voceiro do
PSdeG de Barbadás precintouse o elmento de xogo e procedeuse ó seu arranxo.
·
Xosé Carlos Valcárcel lamenta a desidia
do goberno de Freire ante o mantemento nas debidas condicións dos parques
infantís
·
Valcárcel: “dende hai tempo tanto a
veciñanza como os usuarios e usuarias consideran que presenta moitas carencias
e demanda unha actuación inmediata de xeito que o parque sexa adaptado á
normativa vixente, ademais de solventar as deficiencias actuais.
·
O elemento de xogo
grande ó que se refire o voceiro socialista estivo varios días estropeado e
exposto a ser usado pol@s cativ@s sen que se adoptaran medidas de seguridade
·
Valcárcel lamenta que teñan que ser as denuncias do Partido
Socialista as que en moitas ocasións provoquen actuacións por parte do grupo de
goberno do PP
Barbadás, 4 de outubro de 2014. A falta de mantemento dos parques infantís na Valenzá
resulta preocupante, segundo apunta o voceiro do PSdeG en Barbadás. Xosé Carlos
Valcárcel destaca que na Valenzá hai un elevadísimo número de nenos e nenas que
acuden ás zonas de esparcemento infantil. Moitas delas non cumpren coa
regulamentación vixente porque aínda non foron substituidos os elementos de
xogo de ferro, como acontece no parque das Searas. Noutros casos as tarefas de
mantemento brilan pola súa ausencia, coma o do tren e nalgunhas ocasións as
zonas infantís teñen escasos elementos.
Un dos parques máis utilizados da
Valenzá é o da Solaina, situado a carón da casa da xuventude. É unha das máis
amplas da Valenzá e das máis frecuentadas. Pero dende hai tempo “tanto a
veciñanza como os usuarios e usuarias consideran que presenta moitas carencias
e demanda unha actuación inmediata de xeito que o parque sexa adaptado á
normativa vixente, ademais de solventar as deficiencias actuais”, sinala
Valcárcel.
O voceiro socialista presentou unha
iniciativa ( o 13 de setembro) para que se subsanen as deficiencias que existen
e, ó mesmo tempo, se mellore o parque:
·
Que
se elimine o areiro e sexa substituido por unha cuberta de caucho ou goma
neumática.
·
Que
se instale un valado en torno a zona de xogo infantil.
·
Proceder
ó arranxo da fonte de auga potable
dado que perde e anega un amplo espazo do actual areeiro.
·
Arranxar o tobogán grande dado que ten
varios madeiros e cadeas de amarre soltos sendo moi perigoso para os cativ@s.
·
Arranxar
os bancos deteriorados (especialmente un ubicado perto da fonte ornamental) e
os columpios astillados.
·
Instalar
sinais indicando os tfnos dos servizos de emerxencia.
O elemento de xogo
grande ó que se refire o voceiro socialista estivo varios días estropeado e
exposto a ser usado pol@s cativ@s
sen que se adoptaran medidas de seguridade. Foi a raíz da presentación da
proposta do PSdeG cando o elemento foi precintado e finalmente arranxado hai
tan só uns días.
Valcárcel lamenta que teñan que ser as
denuncias do Partido Socialista as que en moitas ocasións provoquen actuacións
por parte do grupo de goberno do PP. O voceiro socialista advirte, con
todo, que continuarán vixiantes co estado dos parques e seguirán denunciando
deficiencias e reclamando unha atención máis pormenorizada, tendo en conta que
se está a falar da seguridade das crianzas.
Dirección da Páxina Web do PSdeG en Barbadás:
www.barbadás.psoe.es
Facebook: Agrupación Socialista de Barbadás, Amigo Socialista
de Barbadás, Xosé Carlos Valcárcel, Victoria Morenza
Twiter: @cambiabarbadas,
@xosevalcarcel, @vicmorenzadof
Blog: www.cambiabarbadas.blogspot.com
