OS PRESUPOSTOS DE BARBADÁS NON
ESTABLECEN OBXECTIVO CLAROS NIN EXISTEN PRIORIDADES SEGUNDO OS SOCIALISTAS
·
O líder socialista tildou de triste “ver
un orzamento no que prácticamente o 90 % vai destinado a gastos de persoal e a
gasto corrente
·
Valcárcel dixo que os orzamentos non
ofrecen solución para unha poboación de 10.477 habitantes
·
O líder socialista reprochou que de cada
euro do orzamento só van a investimento pouco máis de 3 céntimos
·
Desde o Grupo Socialista queremos
suliñar e destacar que este orzamemento non contempla ningún avance no que
atinxe ó gasto social
·
O PP vota en contra da posta en marcha
dun Centro de Día. Freire Couto, o alcalde, asegura que xa hai anos que
enviaron o proxecto a Santiago e que se vai facer
·
Valcárcel asegurou que Vilardevós, con
unha poboación de pouco máis de 2,500 habitantes si vai ter un centro de día
que vai custar 720.000 euros
·
O grupo de goberno non apoiou unha
proposta do PSdeG para organizar actividades para nenos entre 0 e 3 anos
·
Si se aprobou por unanimidade unha
iniciativa socialista para habilitar un local que sexa punto de encontro entre
a poboación infantil e os/as pais/nais
Barbadás, 13 de novembro de 2014. O
voceiro socialista reprochou no debate dos orzamentos que “non se establecen obxectivos
claros nin existen prioridades”. Xosé Carlos Valcárcel dixo que eran “os
orzamentos elaborados polo PP nun ano no que Freire xa non será candidato,
mentras que a nova candidata, Consuelo Vispo, tamén é responsable desta
desfeita”. Para Valcárcel a nova candidata non significa que mudaran as
políticas.
O líder socialista tildou de triste
“ver un orzamento no que prácticamente o 90 % (89,54 % para ser exactos) vai
destinado a gastos de persoal e a gasto corrente, é dicir, improdutivo”.
Valcárcel dixo que os orzamentos non ofrecen solución para unha poboación de
10.477 habitantes, non ofrecen unha solución ás necesidades da veciñanza nin
apostan polas persoas máis desfavorecidas nin pola creación e fomento do
emprego.
Este aspecto é o que máis lle preocupa
ó PSdeG, o do emprego, por ser “o problema máis acuciante para toda a
cidadanía”. Valcárcel alude á previsión de gasto real para 2015, que alcanza a
cifra de 47.000 euros. Sen embargo o gasto dedicado a esta área a persoal
ascende a 54.100 €, o que significa que por cada euro en gasto de persoal,
destínanse tan só 87 céntimos a gasto produtivo.
A cifra dedicada a investimentos “é
o espello onde se ten que mirar un goberno para saber se a súa xestión axuda a
solventar os problemas da cidadanía”, sinala Valcárcel. O líder socialista foi
crítico coa escasa contía desta partida porque a considera escasa (173.394,27
€). Reprochou que de cada euro do orzamento só van a investimento pouco máis de
3 céntimos. “Eso representa por cada día do ano 475 euros, fronte ós máis de
6.530 euros que se gastan en persoal por día”.
Todas as partidas recollidas baixo
os epígrafes outras inversión novas e que afectan a viais, sumidoiros,
abastecemento, alumeado e parques e xardíns “realmente son reparacións”.
Desde
o Grupo Socialista queremos suliñar e destacar que este orzamemento non
contempla ningún avance no que atinxe ó gasto social que vai directamente a
axudar ás persoas con graves problemas económicos. O PSdeG presentou unha
moción para axudar ás persoas e familias que sofren a chamada pobreza
enerxéctica. Pois ben o PP deixa todo en
máns das axudas de emerxencia, o que antes se chamaba, beneficiencia.
Neste
eido adícanse a persoal 282.330 € e axudas sociais directas tan só 44.500 €.
Resumindo por cada euro adicado a persoal destinanse a axudas directas escasos
16 céntimos.
Penosa
é a actuación do goberno local do PP en relación ó novo polideportivo. E neste
eido o responsable non é só o Sr.
Alcalde , tamén o son as sucesivas concelleiras de deporte. O pavillón empezou
a ser utilizado entre os meses de setembro e outubro. Xa antes de estar
finalizada a obra houbo que facer
reformas nos vestiarios e nas caldeiras o que supuxo unha modificación
de crédito de 35.000 €. Ademais de ter unha cancha totalmente inoperativa e
paralizada. Agora resulta que hai que instalar o equipo de aire acondicionado
no ximnasio. O polideportivo é o vivo
exemplo da desidia e falla de planeamento do Sr. Freire e do seu equipo. E isto
reflíctese no orzamento.
Para
o Grupo Socialista resulta esperpéntico
que na actual situación de crise
económica, de recortes continuados e de falla de investimentos, o PP de
Barbadás destine a publicidade 20.000 € e 10.000 € a protocolo. A actuación do
PP é absolutamente vergoñenta cando sistemáticamente hai partidas de gasto
superfluas como pode ser o calendario que todos os anos se reparte desde o Concello polos buzóns da veciñanza. O ano
pasado tivo un custo de 4.000 euros. Freire confirmou que se van volver editar
para este ano ante a perplexidade da oposición.
O
Grupo Municipal Socialista votou en contra deste orzamento por varias causas:
·
Carencia total de investimentos.
·
Ineficaces, xa que non
resolven as moitas carencias en dotacións e servizos de Barbadás.
·
Non fomenta o emprego.
·
Ausencia de estímulos
para potenciar e desenvolver os
sectores produtivos do noso concello.
·
Nula transparencia na
concesión das achegas.
·
Non axudan á cidadanía
a facilitar o pago dos tributos dado que non se contempla o seu fraccionamento
como solicitou no seu momento o Grupo Socialista.
DATOS
DO ORZAMENTO:
·
Contía do orzamento: 5.489.654,27 €
·
Persoal: 2.383.660€
·
Gastos correntes en bens e servizos:
2.532.100 €
·
Transferencias correntes: 397.500 €
·
Inversións reais: 173.394,27€
·
Estado de ingresos: Impostos directos:
2.390.000 €; impostos indirectos= 20.000€; taxas, prezos públicos e outros
ingresos= 891.006,21€; Transferencias correntes= 2.172.648,06€; ingresos
patrimoniais= 16.000 euros.
No expediente de
agregación-desagregación entre Barbadás e Ourense houbo unanimidade. Era un
mero trámite. Non se presentaron alegacións.
Cadro
de persoal
No debate do
cadro de persoal a concelleira socialista Victoria Morenza foi crítica coa
política de contratación de persoal temporal. A plantilla do persoal laboral, composta
de 63 persoas, aumenta ano tras ano para converterse nun verdadeiro coladeiro
para postos indefinidos. Son precisamente eses contratos temporais concatenados
que se converten en indefinidos son o abono para perpetuarse no poder comprando
vontades, vendendo favores e hipotecando eternamente a familias enteiras para
capturar os votos a cambio de postos de traballo. Este foi sempre o seu xeito
de funcionar e dá igual que o alcalde leve bigote ou que a súa herdeira sexa
máis do sector do birrete cá da boina. As tácticas son as mesmas: amiguismo,
caciquismo, enchufismo, etc.
26 funcionarios,
9 laborais, 5 persoas interinas e 63 laborais temporais. Hoxe aprobarase o
cadro de persoal para 2015, que irá aumentando ano a ano porque como dicíamos
antes hai que dar cobertura legal á creación de novos postos, como pode ser o
caso da contratación de 4 persoas para o pavillón, persoas contratadas polo
método de urxente necesidade. Os anos pasará e seguramente estes traballadores
encadearán os famosos 2,5 anos e pasarán a formar parte da plantilla de persoal
Centro
de día
O
voceiro socialista defendeu unha moción para que se constrúa en Barbadás un
Centro de Día Público. Xosé Carlos Valcárcel falou dos incumprimentos en
relación a esta dotación, afirmando que non son de estos últimos 3 anos. Xa nas
eleccións do 2003 Freire e os seus concelleiros comprometianse a súa
construcción. E novamente facían o mesmo nas eleccións do 2007.
Dixo
o Sr. Alcalde na comisión informativa que non había cartos. Pero o alcalde
minte. O que non hai e capacidade de xestión nin de presión sobre a Xunta de
Galicia. O que non hai é vontade política de atender á veciñanza de Barbadás.
¿Tampouco
había cartos no 2003? ¿E no 2007?
Segundo
Valcárcel para o Concello de Vilardevós a Xunta de Galicia destina nos
orzamentos do 2015 a cifra de 720.000 € para a conctrucción dun Centro de Día.
Vilardevós
ten perto de 2.500 veciños e veciñas.
Barbadás, insisto, ten 1.761 persoas de máis de 65 anos casi tanto como
veciños e veciñas ten Vilardevós.
¿Qué
diferencia hai entre ese concello e o de Barbadás? Para o Grupo Socialista está
clara. A ineficacia e a desidia do PP de Barbadadás da cal non só é responsable
o Sr. Freire se non tamén todos os concelleiros e concelleiras que o acompañan
no seu equipo de goberno.
Freire
dixo que hai anos que enviaron un proxecto á Xunta e que están á espera.
Trátase de habilitar un centro de día nuns baixos cedidos ó Concello de
Barbadás e que están en desuso.
Punto
de encontro
No debate da moción socialista para
pór en marcha un punto de econcontro entre a poboación infantil cos/coas
pais/nais, os socialistas foron moi críticos. Para as persoas que mollamos os pés nos charcos que vostedes non arreglan
ou que tropezamos nas barreiras arquitectónicas que non eliminan ou para os que
esvaramos nas baldosas que non repoñen a crise é moitos máis.
Para as persoas que vivimos no mundo real e non en
torres de marfil a crise é non poder levar ós teus fillos a un centro lúdico,
crise é non poderlle celebrar os cumpreanos con todos os seus amiguiños e
amiguiñas nun lugar cómodo e amplo, a crise, a verdadeira crise é non poder
pagar a gardería cando tes que facer xestións. Esa é a crúa realidade das
persoas que botan de menos un local ou punto de encontró entre pais/nais e
fillos/as. Ese punto de encontro non é ciencia ficción. É un lugar físico non
que os cativos da Valenzá poidan facer o que fan os das Lamas, os de Piñor ou
os de Parada. É sinxelo de plantexar, sinxelo de entender e sinxelo de
xestionar. A dúbida é se serán vostedes capaces de ser permeables ás
necesidades reais que existen aí preto, no mundo real.
Finalmente houbo unanimidade porque
o alcalde presentou unha emenda á proposta socialista asegurando facilitar o
local da asociación de veciños da Valenzá para utilizalo para este fin.
Actividades para nenos/as de 0 a 3 anos
O PP votou en contra dunha
iniciativa socialista para o fomento de
actividades dirixidas a nenos e nenas de 0 a 3 anos. Freire limitouse a dicir
que tomaban nota e que xa eran suficientes as actividades de impartición de
inglés e psicomotricidade que se ofertaban na gardería. A edil socialista María
Presas lembroulle que na escola infantil municipal hai 100 nenos e nenas
menores de 3 anos, en tanto que hai máis de 300 cativ@s destas idades en todo o
concello, criticando a cerrazón do goberno do PP con un colectivo importante.