OS SOCIALISTAS DE BARBADÁS CONSIDERAN
PERENTORIO E URXENTE A CONSTRUCCIÓN DUN CENTRO DE DÍA
·
Na actualidade en Barbadás hai 1.761
conveciños e conveciñas que superan os 65 anos
·
O
feito de que o 51 por cento destas persoas superan os 75 anos evidencia a
necesidade que existe desta dotación
·
O Grupo Socialista “ven reclamando que
en Barbadás haxa un Centro de Día para poder dar unha ampla e extensa cobertura
ás cada vez máis acuciantes necesidades das persoas maiores”.
·
Pero o PP segue a incumprir o seu compromiso ante a
veciñanza postergando a realización deste proxecto.
·
É preciso un centro de día público que
sexa capaz de facilitar a atención diurna a
a aquelas persoas que presentan algún nivel de dependencia, ben sexa
física ou psíquica, explica Xosé Carlos Valcárcel
·
Segundo o líder socalista estas persoas,
que continúan vivindo nos seus domicilios, precisan de coidados e atención de
carácter persoal, social ou médico.
Barbadás, 9 de novembro de 2014. O
PSdeG de Barbadás considera que a construcción dun Centro de Día debe ser prioritaria.
O voceiro socialista, Xosé Carlos Valcárcel, presentou unha iniciativa para que
se cubran tódalas necesidades fundamentais na acción social e sanitaria que
precisan os maiores.
Valcárcel sinala que o Centro de Día
“ten que ser o eixe sobre o que pivoten a mellora da calidade de vida dos
maiores, pero tamén dunha atención médica especializada na colaboración activa
cos parentes destas persoas para facilitar o respiro familiar”.
Segundo os Socialistas “Barbadás ten
que coidar dos seus maiores, sobre todo se temos en consideración que na
actualidade en Barbadás hai 1.761 conveciños e conveciñas que superan os 65
anos”. O feito de que o 51 por cento destas persoas superan os 75 anos “fai
máis perentorio e urxente a existencia do Centro de Día”.
Para Valcárcel “un dos retos máis
importantes para as sociedades avanzadas do século XXI é dar resposta á
situación das persoas da terceira idade”. A solución a este reto “evidenciará
se o Estado de Benestar pervive ou finalmente é destruido polas políticas que
actualmente predica a dereita”, indica o líder socialista.
O voceiro do PSdeG lembra que dende hai
anos o Grupo Socialista “ven reclamando que en Barbadás haxa un Centro de Día
para poder dar unha ampla e extensa cobertura ás cada vez máis acuciantes
necesidades das persoas maiores”. Esta é a terceira ocasión na que o Grupo
Socialista presenta unha proposta para crear un centro de día, pero para o PP
está claro que non é unha cuestión prioritaria.
É preciso un centro de día público que
sexa capaz de facilitar a atención diurna a a aquelas persoas que presentan algún nivel de
dependencia, ben sexa física ou psíquica. Segundo explica Valcárcel estas
persoas, que continúan vivindo nos seus domicilios, precisan de coidados e
atención de carácter persoal, social ou médico.
O voceiro socialista lembra que desde
as últimas eleccións xa pasaron 3 anos e medio e o goberno do PP de Barbadás
prometeu á veciñanza un Centro de Día e está incumprindo unha vez máis os seus
compromisos coa cidadanía.
Para calquera aclaración podedes chamar a Xosé Carlos
Valcárcel (Voceiro socialista en Barbadás)- Tfno.: 605 08 18 98
Dirección
da Páxina Web do PSdeG en Barbadás: www.barbadás.psoe.es
Facebook:
Agrupación Socialista de Barbadás, Amigo Socialista de Barbadás, Xosé Carlos
Valcárcel, Victoria Morenza
Twiter: @cambiabarbadas, @xosevalcarcel,
@vicmorenzadof
Blog: www.cambiabarbadas.blogspot.com
Ningún comentario:
Publicar un comentario