OS SOCIALISTAS NON ENTENDEN A POSTURA
CONTRADICTORIA DO PP NO REPAGO DOS COMEDORES ESCOLARES
·
Os populares
votaron a favor dunha proposta do BNG que é coincidente con unha iniciativa
socialista sobre o incremento do copago nos comedores públicos.
·
Sen embargo,
posicionáronse en contra da moción socialista, a pesar de que a petición é a
mesma: instar á Xunta a paralizar esta decisión
·
O PSdeG está en
contra de implantar a cultura da fiambreira e fomentar a estigmatización dos
escolares
·
O voceiro socialista, Xosé Carlos Valcárcel, reprocha que
“resulta sorprendente que se reduza
profesorado e sanitarios no sector público, que e oferta pública de emprego
prácticamente desapareza, pero en Barbadás atopemos a fórmula para ampliar o
número de traballadores da administración local” (o pleno deu o visto bo co
apio só do PP á contratación de 17 traballadores)
·
A política de contratación do PP demóstrase en feitos
como o de contratar de xeito indefinido a 21 persoas en 4 meses
·
Xosé Carlos Valcárcel: “Está claro que o
Señor Alcalde supostamente xoga e utiliza para os seus fins á súa familia e,
polo tanto, hai que esixir transparencia
máxima, contas claras e patrimonio impoluto”.
·
Apoio unánime ós
afectados polas preferentes e subordinadas. O
voceiros dun grupo de afectados que asistiron ó pleno interviron na sesión
Barbadás, 6 de maio de 2013. O PP
mantivo no pleno celebrado hoxe unha
postura contradictoria ó abordar sendas mocións sobre o copago dos comedores
escolares. Os grupos municipales nacionalista e socialista presentaron
iniciativas similares en relación coas modificacións nos baremos do pago polo
uso do servizo de comedor. As propostas eran coincidente no fondo, pois tanto
BNG coma PSdeG recollían como punto principal do acordo instar á Xunta a
paralizar a decisión de incrementar o copago polo uso dos comedores escolares.
Sen embargo, o grupo do PP apoiou a
moción nacionalista e votou en contra da presentada polo PSdeG. A concelleira
socialista Victoria Morenza non acaba de entender a actitude do rexedor
respecto deste asunto porque “ambos grupos amosamos nas propostas o desacordo
co sistema que intenta implantar a Xunta de cara ó vindeiro curso e en contra
do baremo que se vai utilizar”. Morenza lembra que unha familia cuxos ingresos
entre os 2 sumen 1.501 euros teñen que pagar comedor, aínda que a súa casa
quede lonxe do colexio.
Os Socialistas posicionáronse “en
contra de implantar nos colexios a cultura da fiambreira porque non queremos
contribuir á estigmatización dos escolares”. O panorama de moitas familias do
concello de Barbadás vai ser o da desestruturación, pobreza e dificultade para
chegar a fin de mes e mesmo para comer 3 veces ó día.
O conselleiro de Educación fala de
que en moitos casos só terán que pagar 1 euro por alumno, “pero esta contía hai
que multiplicala polos aproximadamente 22 días lectivos que ten o mes”, apuntou
Morenza. A edil engadiu que “na maioría dos casos hai que volver facer unha
multiplicación por 2 ou por 3 escolares por familia e as contas non van cuadrar
para unhas economías domésticas xa moi afectadas pola crise”.
Hai que ter en conta ademais que en
Barbadás “o concello cobra ata polo aire que respiramos e as familias están
padecendo xá as drásticas e implacables suba de taxas como a da escola de
música, das actividades extraescolares, do Bos días coleo u das escolas
deportivas”. Con este novo REPAGO “haberá nenos de primeira categoría que
poderán xantar comida quente e outros que coma uns apestados padecerán
directamente o clasismo levando a súa fiambreira e xantando nun lugar aparte do
resto”.
Contratos masivos
O voceiro socialista, Xosé Carlos
Valcárcel, criticou a escasa planificación en materia de persoal ó abordar a
proposta do grupo de goberno para contratar de xeito urxente a 12 profesores de
música, 2 peóns de xardinería, 1 chófer para a máquina desbrozadota e 2
socorristas para as piscinas. O pleno tivo que posicionarse sobre a
justificación da declaración municipal de servizos prioritarios, urxencia e
necesidade de contratación de persoal laboral temporal.
Segundo Valcárcel “a situación que
nos planteas o grupo de goberno é esperpéntica e surrealista”. O voceiro
socialista reprochou que “tódolos días escoiemos ós dirixentes do PP reclamar a
reducción da administración, o desmantelamento de certos servizos esenciais, o
recorte do estado de benestar ou a desparición de axudas á dependencia”. Para
os socialistas “resulta sorprendente que se reduza profesorado e sanitarios no
sector público, que e oferta pública de emprego prácticamente desapareza, pero
en Barbadás atopemos a fórmula para ampliar o número de traballadores da
administración local”.
Xosé Carlos Valcárcel reprocha ó PP
que “algo falla en Barbadás cando en xuño de 2012 se lle recoñece a 8 persoas a
condición de persoal laboral indefinido despois de interporen reclamación
previa á vía xudicial”. Pero algo similar repítese o 3 de setembro do ano
pasado cando coa mesma declaración para outros 6 traballadores e en decembro
con 7 máis. No prazo de 4 meses aumentou plantilla de persoal laboral
indefinido en 21 persoas. Valcárcel amosouse convencido de que “estamos a falar
dunha estrategia política co ánimo de beneficiar ó goberno local do PP e supón
unha proba máis do sistema de contratación caciquil”.
Grandes almacéns e pequeño comercio
Debateuse tamén outra moción do
PSdeG para que o Concello de Barbadás manifestase o seu apio ós/as
traballadores/as do sector de grandes almacéns e para proteger ó pequeño
comercio. Valcárcel referiuse ó convenio asinado só por 2 dos 7 sindicatos
participantes e que afecta ós traballadores de grandes almacéns. Este convenio
terá repercusións nas condicións laborais dos traballadores: conxelación de
salarios durante 4 anos, incremento da xornada laboral en 28 horas co mesmo
soldo, aumento do número de festivos e domingos a traballar, rebaixa no número
de días nas vacacións estivais.
Este acordo, polo que se ven
afectados traballadores de Carrefour e C&A, “afecta ó futuro do noso
concello dun xeito evidente porque somos a zona de expansión natural de
Ourense”. Barbadás é un concello no que se estableceron grandes superficies
comerciais coas que teñen que convivir os pequenos comerciantes. Pero o
convenio racha esta posibilidade de coexistencia e, polo tanto, supón a
destrucción de postos de traballo no pequeno comercio.
Os Socialistas de Barbadás “queremos
proteger ós pequenos comerciantes que sempre foron fundamentais na creación de
postos de traballo e tamén esiximos manter os dereitos dos traballadores das
áreas comerciais, xa que ambos van estreitamente vencellados: a máis recortes
nas condicións laborais nas grandes superficies, menores posibilidades de
supervivencia terán os pequenos comercio”.
O alcalde de Barbadás, José Manuel
Freire, amosouse a favor do primeiro punto da moción do PSdeG (experesar a solidariedade
do Concello cos traballadores de grandes almacéns), pero dixo non estar de
acordo co segundo. Na segunda parte da proposta pedíase que o goberno local de
Barbadás esude medidas para paliar as recpercusións do citado convenio no
pequeño comercio.
Freire instou ó voceiro socialista a
propoñer medidas concretas e Valcárcel lembroulle que en xaneiro de 2010 o PP
votou en contra dunha moción presentada polo PSdeG para potenciar o comercio
local e que contiña un total de 15 medidas para reactivalo. Freire con todo
dixo que “votamos en contra porque non podemos facer nada”.
Declaración de bens
Cando se debateu unha moción do BNG sobre a publicación
da declaración de bens dos concelleiros de Barbadás dende a primeira toma de
posesión, volveu xurdir o candente tema do Emporio Freire. O voceiro
socialista, Xosé Carlos Valcárcel, dixo que “non é suficiente a publicación na
páxina web do patrimonio de concelleiros/as de Barbadás. Está claro que o Señor
Alcalde supostamente xoga e utiliza para os seus fins á súa familia e, polo
tanto, hai que esixir transparencia máxima, contas claras e patrimonio
impoluto”.
O Grupo Socialista “esixe un paso
máis, como é o de publicar os datos de todas as empresas e sociedades nas que
participan a esposa e as fillas de Freire, máxime cando algunhas destas están
radicadas no domicilio do alcalde. Refereiuse Valcárcel ó patrimonio que ten a
filla maior do alcalde, de 22 anos de idade, distribuido entre España e
Portugal. A contía é de 675.000 euros. O líder do PSdeG afirmou que “estamos
fartos da ocultación sistemática que fai o alcalde”, lembrando que hai máis de
2 anos “fixemos unha pregunta por escrito sobre a propiedade dun baixo
comercial no que hoxe hai unha cafetería, situada preto das piscinas
municipais”. A resposta entón foi que non era propiedade do rexedor, “pero hoxe
sabemos que este local é propiedade da empresa Eichoa da que son sociais a súa
esposa e a filla maior.
Segundo Valcárcel “a cidadanía esixe
transparencia absoluta a nivel patrimonial porque a desconfianza está instalada
no quehacer do Sr Freire”. Hai que ter en conta, argumenta Valcárcel, “os
antecedentes fiscais de Freire, que son os dunha persoa que xa foi sancionada
con unha falta grave pola Axencia Tributaria”
Afectados por preferentes e subordinadas
A presencia de un grupo de afectados
polas preferentes e subordinadas provocou
que o discorrer do pleno se saise dos cauces habituais. Unha vez que o
concelleiro do BNG, Serafín Núñez, fixera unha exposición da moción presentada
polo seu grupo, os voceiros dos afectados pediron a palabra. O Grupo Socialista
cedeulla non sen antes deixar claro que o Concello de Barbadás debe actuar de
filtro para canalizar as posibles reclamacións que se ponderan presentar e
faciliten a información precisa para que acudan á Deputación, cuxos servizos
xurídicos están ó dispor dos afectados. Victoria Morenza lembrou que foi unha
emenda do PSdeG na Deputación a unha moción nacionalista a que facilitou a
posta en marcha deste servizo de asesoría.
A secretaria emitiu verbalmente un
informe contrario á intervención neses intres dos afectados, asegurando que
legalmente procedía que o fixeran ó finalizar o pleno, posto que non cumpriran
os requisitos formais de presentar un escrito previamente.
Con todo, o alcalde, deixou que interviran
os voceiros dos afectados, a pesar de que a secretaria dixo que as declaracións
que fixeran non constarán en acta, un posicionamento que os preferentistas
afirmaron non entender, posto que ata agora teñen participado nas sesións
Boutros concellos sen que se lle puxese traba algunha.
Falaron Arístides Álvarez e Juan
Carlos Vélez. Álvarez pediu “xustiza porque temos que padecer primeiro o engano
dos bancos, despois o de moitos políticos e posiblemente o dos avogados”.
Solicitou tamén unha solución política para recuperar o diñeiro invertido e
lembrou que levan un ano e medio na rúa para protestar pola estafa da que foron
vítimas.
Juan Carlos Vélez falou da ofensa
que supón ver nunha foto a Feijóo cos banqueiros que nos estafaron. Pediu que
non se escuden nos 15.000 casos de afectados que recuperaron o seu diñeiro e
que se centren nos 55.000 que aínda non o recuperamos.