Os e as abaixo asinantes, en representación das candidaturas do
PsdG-Psoe e do Bloque Nacionalista Galego
no Concello de Barbadás, constatan que o pobo de Barbadás co seu voto
decidiu que ningunha organización política das que concorreron ás eleccións
conseguise maioría absoluta, mais que si expresou unha vontade clara dun cambio
político no noso concello.
Logo de 28 anos de políticas contrarias aos intereses do pobo e
das potencialidades do país que o Partido Popular desenvolveu no Concello de
Barbadás, unicamente guiadas por intereses persoais , partidarios e
especulativos, nas eleccións do pasado día 24 de maio de 2015 a cidadanía do
Concello de Barbadás, co seu voto, decidiu pasar páxina do anterior e
catastrófico goberno municipal, para dar paso a unha nova época de esperanza.
Esperanza que recollemos as forzas políticas asinantes, como un
reto e compromiso político e ético para este novo mandato.
En consecuencia as forzas políticas asinantes asumimos este acordo
e comprometémonos a garantir a gobernabilidade e a posta en marcha de todos os
principios, compromisos e medidas que se recollen neste documento.
O PsdG-Psoe e o Bloque Nacionalista Galego manifestan a súa
vontade de integrar un goberno conxunto presidido pola lealdade mutua e colaboración
na consecución dos obxectivos deste pacto.
É, pois, compromiso dos e das persoas e organizacións asinantes, a
constitución dun Goberno Municipal radicalmente diferente: un goberno municipal
transparente, participativo, dinámico e ilusionante e ao servizo do pais, no
que o protagonismo lle corresponda aos e ás veciñas que pretendemos nos
acompañen nesta nova xeira que agora se enceta.
O GOBERNO DA ÉTICA, TRANSPARENCIA E
PARTICIPACIÓN
Sen dúbida a transparencia e todas as actuacións municipais e
favorecer a participación dos e das veciñas na vida municipal, non concibindo a
democracia como o dereito a votar cada catro ano, serán os sinais de identidade
deste Goberno Municipal. Para darlles concreción comprometemos as seguintes
actuacións:
Medidas para permitir a participación veciñal:
- Elaboración
dun Regulamento de participación veciñal no
que se establezan as canles de interlocución entre a institución e o pobo,
incluíndo a creación o Consello Municipal de Participación Veciñal, integrado
polas entidades do tecido social do concello así como dos veciños e
veciñas, que será consultado en
cuestións de relevancia, realizará o seguimento dos plans, proxectos e
actuacións municipais e con capacidade de proposta.
- Aprobación
dunha ordenanza municipal para consultas aos veciños, que
establecerá as condicións de realización de consultas populares en
cuestións de interese xeral como orzamentos e plan xeral de ordenación
urbana, ou calquera outra que se considere de interese xeral.
- Mecanismos
participativos na elaboración dos orzamentos anuais establecendo
canles para que os e as veciñas poidan decidir os proxectos a financiar
polas distintas áreas de goberno nunha porcentaxe mínima dun 15% do
capítulo referido a investimentos.
- Modificación
do Regulamento de funcionamento interno da corporación municipal para unha
maior democratización e facilitar a intervención dos e das veciños no
Pleno
Medidas de transparencia dos cargos do goberno e da xestión
municipal:
- Remodelación
do portal web municipal para establecer mecanismos de control e
información.
- Publicidade
inmediata de actas, acordos, ofertas emprego, contratación pública,
axendas do goberno, compras, etc.
- Todos
os e as membros do grupo de goberno farán
públicas na páxina web do concello a súa declaración da renda e patrimonio e de intereses.
- Ampliación
da dación de contas ao conxunto da actividade municipal.
- Espazo
para preguntas, suxestións, reclamacións, con obriga de contestación por
parte do concello.
·
Auditoría das contas, contratos, compras, pagos e subvencións
recentes realizada cos medios propios do
concello.
- Este Goberno municipal aposta pola
integridade, a transparencia e a honestidade no exercicio dos cargos
públicos. É por iso que defende a tolerancia cero coa corrupción e que
demostra, no día a día, a coherencia de asumir as responsabilidades
políticas que se derivaren deste compromiso.
Medidas de transparencia, igualdade e participación na política de
persoal
- Elaboración
dunha nova RPT atendendo a unha distribución adecuada do persoal para
atender as distintas areas de xestión municipal, dando voz a traballadores
e traballadoras e a os seus lexítimos representantes.
- Ao
longo da lexislatura celebraranse procesos de regularización do persoal a
través de oposición e/ou concurso-oposición, presididos pola transparencia. Para tal
fin os tribunais para a
selección de persoal do concello estarán asistidos por unha comisión
asesora formada por representación das organizacións sindicais e da
veciñanza.
Medidas de transparencia na
contratación de servizos, obras e subministracións
- Utilizar
procedementos de contratación abertos, reducindo ao máximo a utilización
de procedementos de contratación negociados e sen publicidade.
- A
contratación menor, agás en casos de extrema urxencia, deben ser acordados
na Xunta de Goberno Local
- Toda
contratación realizarase facendo prevalecer os criterios de calidade,
prezo, axilidade e, dentro do marco legal, favorecendo ás pequenas
empresas de ámbito local.
- Participación
nas mesas de contratación da representación de todos os grupos municipais
e cunha comisión asesora coa participación da representación veciñal.
- Convocar
un concurso público para a contratación de subministracións de enerxía, de
telefonía e internet para os servizos municipais coa finalidade de abaratar
custes.
- Na
medida das posibilidades xurídicas, económicas e de duración destas
promoverase ao longo do mandato remunicipalización dos servizos
actuais. En calquera caso, extremarase a vixilancia sobre o cumprimento de
todas as cláusulas contidas nos pregos por parte das concesionarias,
sancionando os incumprimentos e neglixencias consonte o establecido
nestas.
O GOBERNO AO SERVIZO DO PAÍS E DA
PROPIA CULTURA
Medidas para o uso público habitual da lingua propia
Dar cumprimento, cando menos, ás obrigas recollidas nos artigos 4 e 5 da Lei 3/1983, de 15 de xuño, de
normalización lingüística:
- Creación dun servizo de normalización
lingüística.
- Aprobación
dunha ordenanza municipal de usos da lingua no ámbito municipal.
- Aprobación
dun plano de normalización da lingua para aplicación no ámbito da
administración local e no ámbito social.
- Valoración
do coñecemento escrito e oral da lingua galega nas probas que se realicen
na administración municipal.
O GOBERNO DINÁMICO E ILUSIONANTE
Un goberno cun programa para executar en catro anos que constitúe
un contrato co pobo de Barbadás. Un goberno baseado na lealdade de todos e
todas os seus membros e sobre todo aos compromisos de transformación real
asumidos coa cidadanía. Un goberno baseado nun funcionamento áxil, dinámico e
apegado á realidade e á actualidade.
- Presidido
polo Alcalde, Xosé Carlos Valcárcel Doval e como Tenente Alcalde; Xosé
Manoel Fírvida Plaza.
- A Alcaldía fará unha delegación xenérica de competencias
a favor do tenente alcalde e dos concelleiros e concelleiras que
contemplará todas as facultades, dereitos e deberes na materia ou área
delegada agás as indelegábeis, co obxecto de garantir a capacidade de
xestión na súa área. A delegación implica dirixir e impulsar as áreas
atribuídas, facultade de resolver mediante actos administrativos, sinatura
delegada, autorización de gasto en todas as súas fases até un máximo de
18.000 euros que serán recollidas nas Bases de Execución dos Orzamentos e
previamente aprobadas na Xunta de Goberno, co informe preceptivo e
vinculante de Intervención, sendo a Interventora a encargada do control
das partidas de gasto de cada Concellería; autonomía na organización da
área e nomeamentos de persoal, sempre que non supoña aumento do cadro de
persoal. Está incluída a sinatura de convenios do Concello coa
Administración que corresponda á área delegada; e no suposto de facelo nun
acto público, serán presididos polo alcalde, dándolle o visto e prace aos
mesmos tal e como estabelece o protocolo. No exercicio de competencias
indelegábeis, a decisión política corresponderá á forza que ostente a área
delegada e a decisión formal ao órgano unipersoal ou colexiado que a teña
atribuída.
- Os
Plenos municipais terán unha periodicidade mensual e convocaranse o
primeiro martes do mes a partir das
19 horas, favorecendo a máxima proximidade e participación da veciñanza,
mantendo as competencias que lle atribúe a lexislación vixente.
- As
Xuntas de Goberno Local terán unha periodicidade semanal e terá lugar os
luns a partir das 19 horas. Estará
integrada polo Xosé Carlos Valcárcel (Alcalde), Xosé Manoel Fírvida Plaza
(Tenente Alcalde), Ánxela González Cid,
Victoria Morenza Doforno e Margarita Pérez Fernández.
- A
proposta sobre asuntos de extrema importancia para o concello como os Orzamentos
ou a súa modificación, Plan Xeral de Ordenación municipal ou a súa
modificación, concesións ou rescate de servizos...., deberán ser adoptados
por unanimidade na Xunta de Goberno Local.
- Realizaranse
reunións quincenais do equipo de goberno para programación do traballo,
dación de contas de cada concellaría, abordar proxectos, programación de
axenda, e demais asuntos relativos á actividade dos e das concelleiras.
- As
persoas que ostenten a representación da corporación en órganos colexiados
defenderán nestes a posición do conxunto da corporación previamente
definida. Estas representacións son as seguintes:
No Grupo de
Desenvolvemento Rural ou órgano que o substitúa no futuro, Xosé Manoel Fírvida Plaza
No consello escolar
do CEIP Filomena Dato, Margarita Pérez Fernández
No consello escolar
do CEIP O Ruxidoiro, Margarita Pérez Fernández
Na xunta local de
seguridade, Victoria Morenza Doforno
No Padroado de
Expourense, Xosé Manoel Fírvida Plaza
Para dar cumprimento aos obxectivos políticos e programáticos
dunha forma áxil e na procura do ben común acórdase estruturar o Goberno
Municipal nas seguintes áreas de responsabilidade:
RESPONSABILIDADE DOS E DAS CONCELLEIRAS DO PsdG-PSOE
|
RESPONSABILIDADE DOS E DAS CONCELLEIRAS DO BNG
|
Alcaldía
Policía Local, Bombeiros e Protección Civil
Persoal e Réxime Interior
Infraestruturas, Vías, Obras e Servizos
Urbanismo e Vivenda
Deportes
Medio Ambiente, parques e xardíns e limpeza
Educación
Comercio e Formación
|
Tenente Alcalde
Facenda, Patrimonio e Cooperación
Promoción Económica, Turismo e Mobilidade
Servizos Sociais, Sanidade e Participación Veciñal
Cultura
Mocidade e Igualdade
|
Medios asignados a cada área de responsabilidade
Para a adecuada xestión política
todas as áreas deben contar con suficiencia de recursos económicos polo que na
elaboración anual dos orzamentos se terá en conta a prioridade na atención ás
necesidades das persoas e polo tanto adoptaranse as medidas para que estes
tendan ao equilibrio orzamentario entre as diferentes áreas e ámbitos de responsabilidade
ao longo da lexislatura.
Elaboración dun inventario de patrimonio
municipal no que se inclúa a totalidade das instalacións e propiedades
públicas municipais, no que consten as condicións de uso e estado, para proceder á asignación das mesmas a cada
área de goberno.
Nos primeiros meses de goberno
procederase a auditar estes espazos co obxectivo de avaliar o seu estado e, no
seu caso, esixir responsabilidades na súa adecuación e/ou rescate do uso por
infrautilización, abandono ou incumprimento dos obxectivos da cesión.
O
Goberno con adicación plena ás necesidades dos e das veciñas
Os
grupos asinantes deste acordo conscientes da necesidade de compatibilizar o
imprescindíbel aforro para o erario público coa máxima adicacións dos e das membros
do Goberno Municipal á xestión municipal e á atención aos problemas e demandas
do pobo.
Por
esta razón, á vista da liquidación do orzamento do ano 2014 no que se consigna
para as retribucións do goberno 162.000 euros anuais, as partes acordan reducir
en máis de 25.000 euros a contía destinada ás retribucións e gastos salariais
da corporación, aumentando case nun 70% as horas de dedicación das persoas con
dedicación exclusiva.
As
partes acordan que o tenente de alcalde (BNG), e catro concelleir@s, tres do PsdG-PSOE e un do BNG,
asumirán as súas funcións con dedicación exclusiva aos labores municipais a
xornada completa, quedando estipuladas
as seguintes retribucións por dedicacións exclusivas:
·
Tenente
Alcalde, dedicación exclusiva a tempo
completo ao concello, cunha retribución neta de 1.800 euros mensuais
·
4
concelleiros con dedicación exclusiva, xornada completa, cunha retribución neta
mensual de 1.250 euros cada un/ha
Tamén
se aborda a drástica redución das contías en concepto de indemnización por
asistencia a órganos colexiados (Pleno, Xunta de Goberno Local, Comisións
informativas e Xunta de Portavoces) para todos os concelleiros e concelleiras,
agás os que teñan dedicación exclusiva que non teñen dereito a ningún tipo de
indemnización. As contías fixadas son as seguintes:
·
Alcalde
unha contía de 150 euros
·
Resto
corporación, unha contía de 100 euros
Á
vista da importancia democrática dos Grupos municipais e cumprindo as
prescricións legais que obrigan á institución a poñer á súa disposición os
medios materiais e económicos para realizar as súas funcións, acórdase
establecer a seguinte asignación a todos os Grupos Municipais para que estes
poidan facer fronte aos gastos previstos na lexislación vixente:
·
Asignación
fixa por grupo 250 euros/mes
·
Asignación
variábel 20 euros/concelleir@/mes
Este
acordo, baseado nos principios éticos e de actuación expostos, e coas
responsabilidades e medios anteditos ten como obxectivo fundamental realizar
unha política de transformación substancial do noso concello, priorizando
aquelas actuacións que contribúan a mellorar as condicións de vida dos e das
veciñas, dinamizar a vida económica e social e promover a igualdade e a
equidade. Para tal fin, as forzas asinantes asumen as seguintes medidas a
desenvolver ao longo do mandato:
ACTUACIÓN
PRIORITARIAS
Para
garantir a equidade:
·
Implementar
medidas adicadas a evitar os desafiuzamentos e de axuda ás persoas afectadas
pola pobreza enerxética
·
Revisión
dos pregos das concesións de servizos públicos en relación cos tramos e consumo
e prezos públicos coa finalidade de, na medida das posibilidades, adecualas á
realidade social e ao establecemento de bonificacións.
·
Revisión
das taxas municipais para analizar a súa adecuación ao servizo que remuneran e
á súa eventual conxelación e promover o fraccionamento do pagamento.
·
Negociar
co Ministerio de Hacienda a posibilidade de revisar a valoración catastral dos
bens inmobles de natureza urbana á vista da súa sobrevaloración actual en
relación cos prezos de mercado
Para
unha prestación adecuada dos servizos públicos:
·
Intensificar
a negociación coa Xunta de Galiza para a inmediata construción dun Instituto
de Ensino Secundario e un Centro de Saúde, nun lugar
adecuado, no noso concello, comprometéndose o Goberno municipal a realizar de
inmediato todas as xestións e disposicións no ámbito das súas competencias para
poder verificar estas actuacións.
·
Xestionar
coa administración autonómica a construción e dotación dunha segunda escola
infantil
·
Impedir
o peche do actual centro de saúde de Barbadás
·
Negociar
coa Consellaría de Educación a apertura do comedor do CEIP O Ruxidoiro
para prestar unha alimentación de sá, de calidade e adecuada ao seu alumnado.
- Modernización do Concello, co
impulso ás novas tecnoloxías e a implantación da Administración
electrónica.
- Estableceremos un sistema
integrado de avisos e alertas mediante o uso das novas tecnoloxías
para que calquera anomalia ou circunstancias escepcional (averias) poda
ser posta en coñecemento dos servizos municipais e así ser atendida dun
xeito coordenado e rápido.
Para a igualdade das persoas
- Garantir
en todas as actividades municipais respecto á igualdade e á diversidade.
Eliminar os sesgos de xénero e que consoliden modelos persoais e
familiares contrarios á diversidade.
- Crear
un área de atención á muller con asesoramento xurídico e
psicosocial con especial énfase na atención á violencia
- Actividades
infantís tamén en colaboración cos colexios como actividades
complementarias baseadas na educación en igualdade de xénero, na
corresponsabilidade doméstica e na eliminación de roles.
- Obradoiros
dirixidos a mozos e mozas de educación afectivo sexual
- Dotar
a biblioteca pública dun espazo da muller con materias para todas as
idades sobre identidade de xénero, sexualidade, etc. Realización de
actividades que fagan visíbel o papel histórico e intelectual das mulleres
en áreas científicas, históricas, artísticas.
- Impulsar
a creación de grupos de mulleres
- Eliminar
a publicidade sexista
Para unha vida plena para todas as persoas
- Impulsarase,
en colaboración coa administración autonómica, a construción e dotación
dun Centro de día público, así como a axuda e servizos no fogar e
as prestacións de apoio ás familias coidadoras.
- Servizos
de cangur@s para o coidado de crianzas
- Impulsarase
o cumprimento da lei galega de accesibilidade universal e supresión de
barreiras arquitectónicas. Premio á accesibilidade para premiar
iniciativas exemplares
- Elaboraremos
un plan de inclusión para persoas con diversidade funcional, promovendo a
súa incorporación laboral
- Habilitaremos
un espazo de encontro da mocidade e do asociacionismo xuvenil dotándoo
de medios e contidos e que funcionará en réxime de autoxestión.
- Creación dunha Oficina municipal de
información xuvenil para asesoramento sociolaboral á mocidade do
concello.
- Diversificación
das actividades de lecer: coñecemento do patrimonio eco-xeográfico e
histórico-artístico do país, achegamento das diferentes expresións artísticas
e culturais á mocidade, promoción da banda deseñada, os grafittis, as
danzas do país e alternativas, grupos de educación ambiental. Apoio e
promoción das manifestacións artísticas de mozos e mozas do
concello e a súa difusión.
- Actividades
de formación sobre consumo de drogas, trastornos alimentarios...
Para promover a cultura propia
- Dinamización do Museo da Música de
Barbadás.
- Optimización da Casa da Cultura, incluída a
biblioteca
- Recuperación, posta en valor e difusión da da cultura popular (artesanía,
música, folclore...).
- Actividades de animación á lectura e ao debate con especial apoio ao libro e publicacións periódicas en lingua
galega.
- Apoio á música e teatro e a danza
impulsando a promoción do teatro, a danza e música afeizoado, criando
escolas municipais e readaptando espazos. Celebración de mostras e
circuítos musicais e teatrais.
- Creación dunha emisora de radio municipal
co principal cometido de trasladar á veciñanza información relativa a
todos os aspectos da vida municipal
- Inventariado e posta en valor dos bens de
interese artístico, histórico, arquitectónico, arqueolóxico, etnográfico,
científico ou de calquera outra índole.
- Promoción de programas festivos,
recuperación e promoción de festas e tradicións populares.
Para promover un desenvolvemento
económico e social sustentábel:
- A elaboración dun novo Plan xeral
de ordenación municipal estará presidido pola transparencia e a
procura do máximo consenso político e social
- Medidas de colaboración e apoio ao
comercio de proximidade
- Elaborar un plan de dinamización
turística baseado nas nosas potencialidades naturais, culturais e
etnográficas.
- Fomentar as festas locais,
tradicionais, feiras e eventos.
- Seguimento da extensión da banda
larga de internet a todos os núcleos de poboación do concello. Formación para toda a poboación nas novas tecnoloxías.
- Creación do Banco de emprego e
iniciativa cooperativa para a xeración de emprego a través de
cooperativas e entidades da economía social (sociedades laborais).
Adhesión á Rede EUSUMO da Consellaría de Traballo co fin de facilitar
trámites a potencias empresas do concellos, así como xestión das
correspondentes axudas públicas.
- Defensa dun modelo de
desenvolvemento local centrado na posta en valor dos recursos endóxenos,
potenciar o agro, a agricultura ecolóxica e fomentar as exposicións de
produtos agrícolas e a súa transformación.
- Transporte
público municipal: vertebración do concello a través do
transporte público procurando: conexión entre os
distintos núcleos de poboación do concello e adaptado ás
necesidades dos e das veciñas.
- Ademais,
impulso ao transporte mancomunado cos concellos limítrofes
Para mellorar os espazos públicos e
as aldeas:
Estas actuacións realizaranse de acordo cos e coas veciñas dos
diferentes lugares:
- Elaborar un plan plurianual de obras necesarias: vías, parques,
xardíns, zonas verdes e deportivas
- Crear unha Oficina de Rehabilitación para dar vida aos
cascos antigos
- Plan plurianual de mellora da pavimentación e do entorno rural
nos núcleos rurais
Este pacto é un compromiso en todos os seus extremos para os e as
persoas asinantes e as organizacións ás que representan, pero sobre todo é un
pacto co pobo de Barbadás.
Asínase en Barbadás, cos e coas veciñas como testemuñas, o día 12
de maio de 2015.
Xosé Carlos Valcárcel Doval Xosé
Manoel Fírvida Plaza
Victoria Morenza Doforno María
Ánxela González Cid
José Rafael Sierra Carril Serafín
Núñez Pérez
Margarita Pérez Fernández
Adrián Varela Vázquez
Acordo por un Goberno
para o pobo
2015-2019
Barbadás, 12 de xuño de 2015