GARAXES SUPOSTAMENTE ILEGAIS

DENUNCIA PSdeG DE BARBADÁS (OURENSE) CONTRA FREIRE

UN REXISTRADOR NÉGASE A INSCRIBIR UN TERREO DE DOMINIO PÚBLICO PARA O SEU USO COMO APARCAMENTO

Habitarama, filial de Mahia construiu garaxes debais de zonas públicas

O Concello de Barbadás aproba esta proposta supostamente ilegal, unha das razóns que motivou a denuncia do PSdeG

• A finais de 2003 Habitarama S.L., filial de Mahia, solicita a aprobación da AR1 con unha serie de propostas supostamente ilegais.

• Segundo a denuncia presentada polo PSdeG "faise un exercicio de malabares á hora de ceder ó Concello de Barbadás os parques públicos, posto que debaixo deles construiríanse os garaxes dos edificios".

• Este suposto non está permitido pola lexislación vixente porque a cesión debe ser comprendendo o subsolo.

• Esta cuestión motiva que o 21 de abril de 2007, segundo se explica no escrito de denuncia do PSdeG, se desestime un recurso presentado pola xunta de compensación que pretendía que esto fose legal.

• Previamente o Rexistrador da Propiedade número 2 de Ourense negouse a practicar a inscrición dun documento público administrativo

• Segundo o Rexistrador ese terreo forma parte do dominio público municipal por cesión obrigatoria e non se pode usar para aparcamentos.

• O Rexistrador indica tamén que se estaría vulnerando a normativa vixente e o artigo 132.1 da Constitución Española.

• Artigo 132.1 da Constitución: "A lei regulará o réxime xurídico dos bens de dominio público e dos comunais, inspirándose nos principios de inalienabilidade, emprescriptibilidade e inembargabilidade, así como a súa desafectación"

http://www.lavozdegalicia.es/noticia/ourense/2013/10/29/registrador-nego-inscribir-cambios-urbanisticos-barbadas-verlos-ilegales/00031383078915196650366.htm

AMPLIACIÓN DENUNCIA CONTRA FREIRE

O PSdeG DE BARBADÁS (OURENSE) AMPLÍA A DENUNCIA CONTRA FREIRE E IMPLICA Ó PRESIDENTE DE MAHIA E Ó EXCONCELLEIRO DE OBRAS ANTONIO CURRÁS

·        Xosé Carlos Valcárcel, voceiro socialista en Barbadás e autor da denuncia apunta a un novo delito, o de cofeito e a prevaricación pasa coa ampliación da demanda a ter a cualificación de continuada.

 

·         A ampliación da demanda alude á área de reparto número 1, situada no entorno das piscinas.

 

·         Supostamente suprimíronse glorietas, facendo menos gravosa a urbanización para Mahia

 

·        Construíronse garaxes situados debaixo de parques públicos e zonas verdes, unha posibilidade prohibida pola normativa, posto que a cesión de chan de dominio público comprende tamén o subsolo.

 

·        Unha empresa da familia de Freire, Alba María, adquiriu en Portugal (Matosinhos) inmobles presuntamente sen contraprestación algunha a sociedades vinculadas a Mahia, principal beneficiaria das modificación urbanísticas e dos cambios que se fixeron na AR1

 

·        Unha promotora, San Bieito, que tiña 8 fincas na AR1, cedeu unha opción de compra sobre unha vivenda á Sociedade Mercantil Eichoa, propiedade da muller do alcalde de Barbadás

 

 Barbadás, 28 de outubro de 2013.  Unha ampliación da denuncia presentada polo PSdeG o pasado mes de xullo aporta novos datos sobre o plan especial de reforma interior da área de reparto número 1 da Valenzá. Os PSdeG fala da posibilidade de que ese vulnerase a legalidade vixente para beneficiar directamente a unha entidade, Mahia Grupo Inmobiliario “ os seus adláteres a cambio de contraprestacións”.

         Na ampliación da denuncia indícase que o 5 de xullo de 2002 formalízae un convenio urbanístico entre o Concello de Barbadás e Mahia (do que xa se falou na denuncia inicial) por medio do cal ente local cede o 10 % do aproveitamento que lle corresponde no AR1 a cambio da cesión duns terreos.

         Posteriormete apróbase o PXOM, no que se especifica que a superficie da área de reparto (95.077 m2), terá unha edificabilidade máxima residencial de 78.000 m2 e 8.958 destinada a uso comercial.

         A finais de 2003 Habitarama S.L., filial de Mahia, solicita a aprobación da AR1 “con unha serie de propostas ó noso xuízo ilegais e outras que benefician presuntamente á promotora sen xustificación aparente e que son aprobadas polo Concello de Barbadás”, explica Xosé Carlos Valcárcel, voceiro socialista en Barbadás e autor da denuncia.

         Entre as propostas presuntamente ilegais que foron aprobadas atópanse as seguintes:

1.     Elévase a superficie da área de reparto prevista de 95.077m2 a 100.833m2 (incluído o río dos Muíños) e con unha superficie computable de 99.800 m2.

2.     Como consecuencia desta elevación da superficie, aumenta a posibilidade edificatoria ata 81.836 m2 de solo residencial e 9.381 de superficie comercial.

3.     Incúmprese así a normativa autonómica de reserva do 20 % do volumen para vivenda protexida.

4.     Incúmprese a normativa respecto de prazas de garaxe de 2 de cada 100 m2 edificables con 25 % de dominio público.

5.     Benefíciase á promotora coa supresión das glorietas que se proxectaran no plan xeral, facendo menos gravosa a urbanización.

6.     Faise un exercicio de malabares á hora de ceder ó Concello de Barbadás os parques públicos, posto que debaixo deles construiríanse os garaxes dos edificios, suposto que non está permitido porque a cesión debe ser comprendendo o subsolo.

 

A última cuestión motiva que o 21 de abril de 2007 se publique no BOE a resolución 26/3/07 da DGRN pola que se desestima o recurso interposto pola xunta de compensación da AR1 da Valenzá contra a negativa do Rexistrador da Propiedade número 2 de Ourense a practicar a inscrición dun dcomento público administrativo de operacións xurídicas complementarias ó proxecto de compensación. O rexistrador sinala que ese terreo forma parte do dominio público municipal por cesión obrigatoria e non se pode usar para aparcamento. Transguédese así a normativa vixente e o artigo 132.1 da constitución, explicita a denuncia.

 

Alba María

 

         Paralelamente e ó tempo que o Concello tramitaba o Peri da AR1, Alba María Sociedade Promotora de Bens Imoveis Lda, supostamente mercou o 20 de abril de 2004 (cando a entidade carecía aínda de actividade porque fora constituída o 30 de xaneiro do ano anterior) 2 inmobles á sociedade portuguesa  da que era accionista e dirixente Ramón López Casal, presidente de Mahia, é dicir, a López&Noya Sociedad Promotora e Constructora Inmobiliaria Lda.

         Formalizáronse entón a compra de un inmoble situado en Matosinhos,  no número 145 da avenida da Liberdade, quinta planta, con trastero e garaxe e outro no piso oitavo, tamén con trasteiro e garaxe. Esto coincidiu coas datas de aprobación inicial e definitiva do Peri AR1 .

         Transcorrido o tempo, concretamente o 28 de setembro de 2006 adquiriu presuntamente e sen contraprestación económica os seguintes bens a López&Noya:  6 inmobles no número 145 da avenida da Liberdade, na quinta, 2 na sexta, séptima, oitava e novena plantas.

         Na actualidade as dúas empresas, Alba María e López&Noya teñen idéntica sede social.

 

Implicado un exconcelleiro de Obras

 

         Segundo a denuncia presentada en nome de Xosé Carlos Valcárcel, Mahia vendeu, sen recibir contraprestación algunha a Antonio Currás Menor o piso situado na capital ourensá. Esta entrega “presúmese como presunto pago pola axilización no Concello de Babadás das actuacións inmobiliarias” citadas. A data da operación oincide coa de aprobación definitiva do Peri AR1, a finais de 2004.

 

San Bieito e Eichoa

 

         Valcárcel resalta no escrito de denuncia que entre a relación de propietarios de parcelas na AR1 figura Promocións San Bieito S.L., con 8 fincas sobre as que se desenrola a operación urbanística.

Na denuncia faise referencia a que San Bieito cedeu unha opción de compra sobre unha vivenda con praza de garaxe e trasteiro a Eichoa, da que é propietaria a muller de Freire.

         A denuncia destaca que “sospeitamos que tamén esta opción de compra podería ser un negocio simulado que trata de ocultar a verdadeira naturaleza do feito, é dicir, o suposto pago pola operación urbanística”.

         Na ampliación de denuncia presentada o venres 25 de outubro e sobre a que xa tivo que declarar Freire no interrogatorio que se lle fixo hoxe pola mañá, fálase da responsabilidade de 5 persoas máis, entre as que se atopan o exconcelleiro de Obras, Antonio Curras, o presidente de López &Noya, Ramón López Casal, Pilar Encarnación Branco Illodo, apoderada de Mahia, José Noya Rey, socio da entidade portuguesa López&Noya e Marcos López, representante de Mahia.

FREIRE, INTERROGADO POLA XUÍZA O 28 DE OUTUBRO

O alcalde de Barbadás, José Manuel Freire, será interrogado pola xuíza, o 28 de outubro

Trala denuncia presentada polo PSdeG de Barbadás polos presuntos delitos de prevaricación e negociacións prohibidas

 

A xuíza de instrucción número 3 de Ourense, Cristina Martínez, interrogará o vindeiro luns 28 de outubro ó alcalde de Barbadás, José Manuel Freire Couto, e o tenente alcalde, Manuel García.

 

A denuncia presentada en xullo deste mesmo ano polo PSdeG de Barbadás apuntaba ós dous políticos coma presuntos autores de sendos delitos de prevaricación (con penas de prisión de 7 a 10 anos) e negociacións prohibidas a funcionarios públicos, penadas con ata 2 anos de prisión.

 

Segundo publicou onte Faro de Vigo os Socialistas de Barbadás delatamos na denuncia "relacións con exconcelleiros do PP, construtores, promotores inmobiliarios e presuntos testaferros".

 

Ademais a denuncia inicial alude a un pleno celebrado no mes de xullo no que se levou a cabo, co apoio en solitario do PP, a modificación puntual da área de reparto na que Freire e García son propietarios.

 

Xosé Carlos Valcárcel, voceiro do PSdeG, xa anticipou antes dese pleno e na propia sesión que acudirían á Xustiza por participar nunha votación na que eran parte interesada.

 

http://www.farodevigo.es/portada-ourense/2013/10/17/juez-imputa-freire-couto-mano/897299.html

 

 

 

 

LECCIÓN DE CIVISMO EN BARBADÁS (OURENSE)

Lección de civismo do alcalde de Barbadás (Ourense)

José Manuel Freire Couto estaciona o seu vehículo enriba da beirarrúa, segundo denuncia o PSdeG

O alcalde de Barbadás, Freire Couto, parece ter normas de circulación e de civismo propias.

O seu xeito de estacionar o vehículo non coincide co do resto dos mortais. A beirarrúa é un lugar só para peóns, pero parece que o alcalde de Barbadás non foi a clase ese día.

E se viñera unha persoa en cadeira de rodas pola zona ou alguén quixera pasar con un carriño de bebé, qué opción tomaría?

Está claro: baixar á estrada e arriscarse a ser atropelado

Porque, aínda que quixera cruzar de beirarrúa, non podería, porque o vehículo de Freire impídello.

¿ A policía local debería multalo? Si, ademais por reincidente.

Pero, como moitos de nós coñecemos, o xefe da policía local de Barbadás é sobriño de Freire.

PERO AS NORMAS ESTÁN PARA CUMPRILAS!

PSdeG PROPÓN CONXELAR IMPOSTOS E TAXAS

MOCIÓN DO PSdeG-PSOE PARA QUE O CONCELLO DE BARBADÁS NON AUMENTE NO EXERCICIO 2014 AS TAXAS, PREZOS PÚBLICOS E DEMAIS TRIBUTOS LOCAIS, FACILITE O FRACCIONAMENTO E BONIFIQUE A DOMICILIACION BANCARIA

MEDIDAS PROPOSTAS:

ü     Non incrementar no exercicio 2014 ningún tipo de taxa, tributo ou prezo público que sexa xestionado polo Concello de Barbadás.

ü     Non aplicar o incremento do IPC ó servizo de subministación de auga potable e ó servizo de vertido de augas residuais.

ü     Reducir o tipo impositivo aplicado ó Imposto de Béns Inmobles.

ü     Ofrecer a posibilidade de fraccionar o pago de taxas e impostos.

ü     Aplicar unha redución da contía do tributo no caso de proceder á domiciliación bancaria.

ü     Estudar a aplicación de exencións en taxas de escolas deportivas, de música, etc naqueles casos de familias con dificultades económicas para evitar a exclusión social e favorecer a integración.

LEMBRAR QUE:

§        Nos últimos 6 anos o IBI subiu un 206% de promedio a pesar das propostas socialistas para reducir o tipo impositivo. Estas propostas sempre foron rexeitadas por Freire e o PP.

§        O servizo de recollida de lixo experimentou un incremento  no 2012 dun 90%  nas localidades con recollida diaria e dun 43% onde non se fai diariamente. Para o comercio a suba media foi tamén dun 90% .

§        A hostalaría tamén sufriu enormemente as consecuencias da política recadatoria do Sr. Freire, xa que a antes citada taxa pola recollida de lixo experimentou un aumento do 150%. Pero non contento con esto tamén no 2012 se revisou a taxa por  mesas e veladores para estos establecementos incrementándose nun 65%.

§        Tamén no 2012 as taxas da Escola de Música de Barbadás incrementouse nun abusivo 85%.

§        No curso 2011-2012 as taxas das escolas deportivas subiron entre un 60%  (fútbol e baloncesto) e un 100%  (ximnasia, atletismo, kung-fu e xadrez).

§        No mesmo curso, o servizo “Bos días cole” deixou de ser gratuito para ter que pagar 90 € por curso.

§        Ó mesmo tempo tamén desaparece a gratuidade das actividades extraescolares.

 

SEN DATA NA APERTURA DO POLIDEPORTIVO

O PSdeG ESIXE Ó PP EXPLICACIÓNS DE POR QUÉ SE RETRASA A APERTURA DO POLIDEPORTIVO

 A veciñanza está indignada ante a demora na posta en funcionamento do pavillón

Barbadás, 7 de outubro de 2013

 

·        O Partido Socialista en Barbadás reclamou por escrito explicacións ó alcalde, José Manuel Freire, sobre o motivo polo que aínda non está inaugurado o polideportivo.

·        O voceiro do PSdeG, Xosé Carlos Valcárcel, esixe unha explicación de cando se vai inaugurar oficialmente o novo pavillón.

·        A veciñanza do concello de Barbadás non acaba de entender cómo despois de 12 anos de espera o polideportivo dos Carrís, na Valenzá, segue sen abrir as súas portas.

·        A Valcárcel parécelle incomprensible que aparentemente o polideportivo estea en funcionamento a pesar de non ter sido inaugurado oficialmente.

·        Ante a falla de información e o obscurantismo que parece rodear a apertura das instalación deportivas, o Grupo Socialista presentou unha batería de preguntas para coñecer cal é a situación actual.

·        O líder socialista quere que o alcalde lle aclare se o pavillón ten todos os permisos en orde para poder estar en funcionamento.

·        A oposición do Grupo Socialista demandou tamén información acerca das actividades que se están desenvolvendo actualmente nesta dotación deportiva.

·        No pleno celebrado o 9 de setembro Valcárcel xa insistiu na cuestión das previsións de apertura do pavillón, pero o mutismo do alcalde, levou ó voceiro do PSdeG a querer coñecer con detalle cal é a situación.

·        ¿Qué persoal está atendendo as actividades do polideportivo? Pois o proceso de contratación aínda non rematou.

·        ¿Qué persoas e empresas realizan o mantemento?

·        ¿Existe póliza de responsabilidade civil?

·        Outra das dúbidas que lle foi plantexada ó alcalde refírese ás dimensións da cancha de baloncesto.

·        Os Socialistas queren coñecer se cumple os requisitos deste deporte para competicións oficiais que non sexan internacionais.

XESTIÓN NO INORDE: EN ENTREDITO

O NOME DE JOSÉ MANUEL FREIRE COUTO VOLVE ESTAR ASOCIADO UNHA VEZ MÁIS A UN PRESUNTO CASO DE CORRUPCIÓN

Nesta ocasión o entramado no que se viu envolto o tamén alcalde de Barbadás está relacionado coa súa xestión na Presidencia do Instituto Ourensano de Desenrolo Económico (Inorde)

• Un informe da OLAF (Oficina Europea de Loita contra o Fraude) apunta a José Manuel Freire Couto como unha peza máis na trama de corrupción que envolve a xestión de José Luis Baltar Pumar.

• O informe do organismo anticorrupción europeo sinala que se vulneraron os principios básicos que rexen as contratacións públicas no Plan Pedece.

• Este plan estaba proxectado para a cría de cabalos e a formación euestre e foi financiado con fondos da Unión Europea con 1,5 millóns de euros a través do Feder.

• A Deputación de Ourense terá que devolver por estas presuntas irregularidades 1,2 millóns de euros á Unión Europea correspondentes á redacción do proxecto, a adxudicación e a adxudicación de material.