Extracto do pleno de Barbadás (9 de setembro de 2013)
- O alcalde de
Barbadás comprométese a buscar unha solución provisional para subvencionar
o transporte público, unha proposta feita polo PSdeG.
- Aprobada por
unanimidade unha iniciativa do Grupo Socialista para rematar as beirarrúas
na rúa Calzada Romana, preto do polideportivo
- O grupo de goberno
do PP vota en contra da reforma integral do Parque das Searas. O voceiro
socialista, Xosé Carlos Valcárcel, chamou a atención sobre o deterioro, as
deficiencias e a perigosidade desta zona de recreo. O alcalde, José Manuel
Freire Couto, argumenta o voto en contra asegurando que “as pautas márcaas
o grupo de goberno”
- No apartado de rogos
e preguntas, o PSdeG pide explicacións a Freire por recepcionar currículos
e recibir á cidadanía na súa consulta do centro médico de Barbadás en
horario laboral.
- O PSdeG abstense na
modificación da ordenanza do Servizo de Axuda no Fogar porque a nova
normativa reduce de 50 a
13 a
enumeración de tarefas a realizar polas auxliares a domicilio. Tamén
reprochan que non se puxera en funcionamento o banco de tempo.
- Os Socialistas
abstéñense no cambio na regulación da taxa de axuda a domicilio porque non
se inclúen bonificacións para as familias con dificultades económicas.
- Apróbase unha
declaración institucional de apoio ós traballadores de T-Solar (proposta
do BNG)
1. Moción do PSdeG para que a Xunta poña
en marcha a primeira fase do transporte metropolitano. Que o Concello busque
unha solución provisional para subvencionar o transporte a tódolos veciños do
concello e non só ós da Valenzá
Aprobada por unanimidade
Extracto da intervención da poñente da
moción Victoria Morenza:
“Señor
Freire, agora en setembro terá moito traballo porque asignaturas pendentes ten
abondo.
Unha
das asignaturas que suspende sempre e con nota moi baixa é a do TRANSPORTE
Ou non lle interesa buscar unha
solución ou ten pouco interese na mobilidade dos veciños.
A controvertida polémica da supresión
do autobús número 7 dos urbanos de Ourense solventouna de xeito chapuceiro.
Agora 7 anos despois seguimos en situación provisional subvencionando a
mobilidade duns veciños e discriminando ó rural. Demostrou entón que as crises
non son a súa especialidade.
Outra razón de peso para este
continuado e estrepitoso suspenso foi a compra do bus eléctrico. Aquel auobús
que mercamos na China, que non tiña o permiso da Xunta para circular e que non
subía as costas significou un escarnio público para vostede. E por riba paséase
polo case único sitio chairo que hai no concello, a avenida de Celanova, como
se fose un caudillo, sen vergoña algunha.
E se de transporte falamos hoxe, temos
que dicir que moitas das marquesiñas que hai no concello son verdadeiramente
inutilizables. Non fan o mantemento das mesmas. Algunhas estiveron rotas
durante anos, outras tiradas en descampadosou en calquera esquina e despois
utilizadas ante o bochorno público do alcalde na televisión pública.
Lembrámoslle que aínda non resolveu a polémica da instalación dunha marquesiña
en Parada para que os cativos que van ós centros escolares poidan esperar polo
bus. Que tampouco se colocou a que o PSdeG pediu para o hospital de Piñor. E
non esqueza que hai lugares perigosos no concello nos que hai parada e non hai
marquesiña.
ESTE SUSPENSO COMO PODE VER ESTÁ BEN
XUSTIFICADO. Misión imposible darlle o aprobado.
Pero centrándonos no tema que nos
ocupa, fagamos unha análise da situación do transporte no municipio de
Barbadás:
- Un xubilado de Loiro
ou Bentraces paga por desprazarse a Ourense 1,45 euros
- Un pensionista de
Parada ou Piñor abona 1,35 euros
- E un da Valenzá: 50
céntimos
A distancia é menor, pero a pensión media é similar. O
transporte na Valenzá está subvencionado e, polo tanto, leva anos señor Freire
discriminando a uns veciños sobre outros. E o transporte metropolitano non
chega. E os recortes ós nosos maiores son imparables.
A situación
é similar para o resto da cidadanía, pois un veciño/a da Valenzá se merca un
bonobús, o desconto supón que pague 70 céntimos por desprazarse e un estudante
40 céntimos.
Estas tarifas subvencionadas contrastan co que teñen
que abonar os veciños/as do rural, que seguen sendo 1,45 en Loiro/Bentraces e
1,35 en Parada/Piñor.
E esto señor
Freire significa dividir á poboación entre veciños de 1ª e de 2ª categoría.
Subvencionar o transporte de viaxeiros na Valenzá ano tras ano supón
discriminar, marxinar, diferenciar, excluir, segregar, distinguir.
A vostede
non lle chega con suprimir o transporte gratuito ós centros médicos nin con
deixar ós veciños de Parada sen un acceso á parada de bus de Cabeza de Vaca”.
ACORDO
aprobado:
1)
Instar á Xunta a pór en marcha de xeito inmediato
a primera fase do Plan de Implantación do Transporte Metropolitano na área
de Ourense.
2)
Que en tanto non se poña en funcionamento o transporte
metropolitano, o Concello de Barbadás entable un proceso negociador coas
empresas que prestan o servizo regular de viaxeiros. O obxectivo destas
negociacións debe ser buscar unha solución provisional para que o Concello
subvencione o transporte en tódolos núcleos do municipio en non só na Valenzá.
2. MOCIÓN DO PSdeG PARA QUE SE REMATEN AS BEIRARRÚAS DO PASEO QUE VAI DENDE O PARQUE DOS PATOS
ATA O CAMPO DE FÚTBOL DOS CARRÍS (Rúa Calzada Romana).
Aprobada por unanimidade
Extracto
da intervención de María Presas:
“O paseo que vai dende o parque dos patos ata o campo
de fútbol dos Carrís é unha das zonas máis transitadas por deportistas e
afeccionados da Valenzá, do resto do concello e da cidade de Ourense. Pois son
moitos os veciños e veciñas que corren, pasean ou andan en bicicleta a diario ó
longo de todo o paseo do río.
Hai algo máis de 1 ano o Grupo Municipal Socialista
trouxo a pleno unha moción na que se lle propoñía á corporación municipal a
adopción do mesmo acordo que traemos hoxe. A moción foi aprobada por
unanimidade, pero a día de hoxe, non se fixo nada do acordado no pleno.
Dende o Partido
socialista seguimos considerando fundamental que dito tramo do paseo se manteña
en bo estado de conservación e sobre todo, en boas condicións de seguridade. E
habitual o tránsito de persoas e coches tódalas fins de semana pola zona para
acudir ós partidos de fútbol que se disputan nos Carrís.
É vergoñento ver que un concello da categoría do de
Barbadás presente semellante imaxe de
deixamento do goberno do PP, tanto nós accesos ó seu campo de fútbol de
referencia como ó polideportivo
municipal, este é o momento de levar a cabo as obras de remate de beirarrúas
neste treito.
Son tamén moitos os cativos e cativas que acuden a este paseo na tempada de verán. Este
traxecto énchese de veciños e veciñas, en moitos casos con nenos e nenas, que
van diariamente ás piscinas municipais. Por
esta afluencia de xente, en moitos casos nenos e nenas, os socialistas de
Barbadás entendemos que é fundamental e
prioritario a instalación de varandas en toda a zona do paseo, que recordamos
tamén existe o compromiso plenario de levar a cabo esta obra, para evitar así
caídas ou posibles accidentes.
Por todo o anteriormente exposto, propoño ó
Pleno desta Corporación a adopción do seguinte ACORDO:
·
Que se
rematen as beirarrúas da Rúa Calzada Romana
·
Que se
instalen varandas por toda a zona do paseo no que están as beirarrúas sen
rematar.
·
Que se
repoñan as luminarias nos lugares nos que faltan.
·
Que se
habilite un paso de peóns nas inmediacións do campo de fútbol.”
3.
Moción do PSdeG para a recuperación integral do Parque das Searas e o
adecentamento do Parque Bahamonde.
O PP vota en contra desta proposta defendida polo
voceiro socialista en Barbadás, Xosé Carlos Valcárcel.
Extracto da intervención de Valcárcel:
“O deterioro e
abandono dos parques é absolutamente indignante, vergoñento e terceiromundista
cando vemos o estado no que se atopa o Parque das Searas ubicado na Valenzá.
Estamos falando dun
parque no que todas as farolas están rotas, non só as tulipas senón tamén as
bombillas. Estamos falando dun parque no que os elementos de xogo están
totalmente obsoletos e deteriorados: ó bambán dos cabaliños fáltalle unha das
agarradeiras de xeito que os cativos e cativas non o poden utilizar sen risco
de ter un grave percance. Os bambáns grandes non teñen cestiño e polo tanto non
son axeitados para nenos menores de 3 anos. Tamén ten tornillos oxidados e o
propio elemento de xogo non é estable.
Falamos dun parque no
que a totalidade dos bancos presentan desperfectos de importancia e moitos
teñen barras rotas e astilladas estando incluso carcomidos.
Falamos dun parque
que no medio do céspede ten unha focha de
máis de medio metro de profundidade e metro e medio de diámetro o que
representa un evidente risco para os usuarios.
E como colofón,
falamos dun parque cun peche de ferro
que nun tramo de máis de dos metros está
totalmente esnaquizado e con elementos metalicos doblados, rotos e enferruxados como
consecuencias das obras na rúa contigua.
No Grupo Socialista
temos a íntima convición de que o goberno do Sr. Freire quere afogar este
parque para proseguir co seu afán especulativo como estaba previsto
inicialmente e ás probas nos remitimos.
Basta con ver como un vial de nova creación remata de xeito abrupto xusto no
valado do parque. Temos que lembrar que desde o PP se pretendeu reducir este
parque á mínima expresión.
Nas proximidades do
Parque das Searas atópase o Parque Bahamonde que presenta unha situación de deterioro
tamén moi importante.
Este parque xa foi
motivo de varias mocións de PSdeG e todas quedaron en nada pola desidia e o
desinterese que amosa o Sr. Freire pola mellora das zonas verdes.
Actualmente a
situación non fixo máis que empeorar xa que parte da zona verde está a chea de
lixo, a pista de patinaxe foi ocupada pola terraza dun bar e os bancos están
sen suxeción ó chán de xeito que se poden desprazar. Os elementos de xogo tamén
presentan importantes deficiencias e xa hai tempo que se desprendeu parte do
muro de contención dunha parede que ameaza con caer sobre a pista deportiva.
Pero o goberno do PP segue sen actuar.
Para o PSdG resulta
inconcebible que ó carón dunha zona de xogo e a escasos 15 m dunha gardería infantil
haxa un muro de contención de gran volumen desprendido xai hai moitos meses
(semana santa). A ameaza sobre os deportistas e especialmente sobre os cativos
é continuada e a desidia do Sr. Freire é de xulgado de garda.
Pero o Sr Alcalde non
queda contento con esta neglixencia: agora resulta que elimina espazos públicos
destinados ó lecer para colocar a terraza dun bar. Non estamos en contra dos emprendedores, pero defendemos
contundemente que unha pista de patinaxe para os cativos que está ubicada neste
parque siga tendo o uso para o que foi construída.
Os argumentos que
utiliza a Alcaldía son absurdos que xa
que en resposta as preguntas do PseG afirma
que se trata dunha pista ilegal.
Sr. Freire, a súa
resposta pon en evidencia que vostedes traballan con escasa coherencia e
despilfarrando os cartos da veciñanza. Constrúen algo que despois resulta
ilegal pero e que ademais esta pista estivo sendo ultilizada sistemáticamente
polos cativos e cativas para patinar sin que o concello adoptara ningunha
medida que alertara sobre a suposta ilegalidade da mesma.
En todo caso é
evidente que a actuación do Sr. Freire o dos seus colaboradores é dunha
irresponsabilidade e deixadez absoluta.
No caso de non
cumprir esta pista coa legalidade, ¿por qué foi construída? ¿Por qué non está
precintada? ¿Por qué se permitiu desde o concello o uso dunha pista ilegal?
Nas preguntas que
formulamos desde o Grupo Socialista a Alcaldía tamén afirma que os bancos foron
retirados dado que molestaban. Aquí temos que lembrarlle que os dous bancos non
so foron retirados se non que ademais non foron anclados ó chán na súa suposta
nova ubicación. Sr. Freire, os bancos na actualidade son bancos móbiles e que se poden desprazar por toda a zona verde
según o antoxo dos usuarios. Ademais non pode ser unha coincidencia que os
bancos foran reiterados ó mesmo tempo
que destina o espezo público para terraza dun bar. ¡Qué casualide!”
O PP votou en contra das propostas do Grupo
Socialista:
ü
Arranxar de xeito
inmediato ó peche metálico do Parque das Searas habilitando un acceso por esa
zona tal como reclama a veciñanza.
ü
Instalar novos
elementos de xogo que substitúan ós existentes.
ü
Substituir todo o
mobiliario urbano deteriorado (luminarias e bancos) e instalar papeleras.
ü
Repoñer o céspede
deteriorado.
ü
Tapar a focha que
hai na zona verde.
Freire argumentou que
o PP non actúa ó ditado da oposición e que irán arrancando a situación a medida
que teñan dispoñibilidade económica…….
4. Modificación da ordenanza do Servizo de axuda no
fogar
O PSdeG abstúvose coa
seguinte argumentación de Victoria morenza- Extracto:
“Os
cambios na ordenanza implican unha perda na definición dalgúns aspectos. Na
antiga ordenanza recoñecíase que os os usuarios que tiñan recoñecida o grao de
dependencia terían este servizo con carácter definitivo.
Os
obxectivos eran moito máis pormenorizados na anterior normativa, pois falábase
de implicar ós destinatarios na resolución da súa problemática ou de axudar ás
familias a asumir as súas responsabilidades de atención ós seus membros.
No contido do servizo atopamos un
abismo entre a antiga ordenanza que tiña máis de 50 actividades enumeradas na
prestación do servizo ós usuarios, mentras que a modificación que trae hoxe o
PP a pleno reduce estas tarefas a un número moi reducido, 13, quedando así
indefinidas as funcións das auxiliares de axuda no fogar.
Pero
o que máis lle preocupa ó Grupo Socialista é que neste apartado de persoal
desapareza o apartado dedicado ós voluntarios. Na antiga ordenanza incluíase a
posibilidade de que as persoas dun xeito solidario podían complementar as
funcións e tarefas do persoal profesional. Recollíase a posibilidade de que
voluntariado podía aportar compañía, mellora no fomento das relacións e a
comnicación ou a ocupación do tempo libre, tanto dentro coma fóra do fogar. Pero
agora todo eso desaparece e non entendemos por qué. ¿Fracasou o programa do
banco de tempo? ¿non se cumpriron así os obxectivos da concellería de servizos
sociais neste ámbito, a pesar de que un concelleiro ten unha dedicación para
este tipo de plans? “
5. Modificación da taxa do servizo de Axuda no Fogar.
O
PSdeG abstívose e anticipou que presentará alegacións para que se apliquen
bonificacións nos fogares con peculiaridades específicas.
Extracto
da intervención de Morenza neste tema:
“Antes tíñase en conta só a renda do perceptor do
servizo, do cónxuxe, dos ascendentes e dos filllos menores de 25 anos e maiores
deesta idade en situación de incapacidade. Agora, sen embargo, téñense en conta
a renda e o patrimonio das persoas residentes na unidade de convivencia.
Resulta inxusto porque a crise produciu un cambio substancial na situación de
moitas familias. Poden darse casos tan diversos coma os de matrimonios con
fillos que teñen que voltar á unidade familiar de orixe porque non poden asumir
os custes. Ou poden vivir na mesma casa fillos maiores de 25 anos en situación
de desemprego ou pais/nais que volveron á familia original e teñen que asumir
custos de hipoteca ou pensión alimenticia da súa exparella….etc, etc.”
6. O PSdeG
pide explicación ó alcalde de Barbadás por recibir a cidadáns na súa consulta
do centro médico de Barbadás e en horario laboral.
Extracto
do rogo presentado por Morenza ó respecto:
“Que o
alcalde explique á opinión pública por qué recibe na súa consulta ás persoas
que solicitan unha entrevista formal con el en calidade de rexedor. Temos
coñecemento que na súa consulta médica de Barbadás atende a representantes
de asociacións de veciños e mesmo recepciona currículos de persoas
que máis tarde se comproba que son contratados directa ou indirectamente coa
intercesión de Freire”
