MOCIÓN DO PSdeG PARA QUE A XUNTA
POÑA EN MARCHA A PRIMEIRA FASE DO TRANSPORTE METROPOLITANO. QUE O CONCELLO
BUSQUE UNHA SOLUCIÓN PROVISIONAL PARA SUBVENCIONAR O TRANSPORTE A TÓDOLOS
VECIÑOS DO CONCELLO E NON SÓ ÓS DA VALENZÁ
- O transporte de viaxeiros é unha das asignaturas pendentes dos sucesivos gobernos do PP en Barbadás. Freire non conseguiu durante un cuarto de século buscar unha solución digna para facilitar os desprazamentos dos cidadáns.
- Aínda lembramos con vergoña cando o señor Freire Couto despilfarrou diñeiro público para mercar un microbús que non subía as pendentes e que, sen ser utilizado de forma proveitosa máis cá pasearse coma un caudillo pola Valenzá, foi vendido por moito menos diñeiro do que custou ó cabo duns anos. Non podemos esquecer tampouco cando o alcalde de Barbadás tomou a incomprensible e salomónica decisión de suprimir o transporte público gratuito ós centros médicos, abandoando así a un dos sectores de poboación que teñen máis dificultade de mobilidade, os maiores.
- En cuestión de transporte son moitas máis as discriminacións que se establecen dende a Alcaldía entre os veciños dos diferentes núcleos de poboación. Pero a máis abraiante, por manterse no tempo e por supor unha clara preferencia hacia uns veciños en detrimento do resto, é a subvención do Concello para o transporte ós residentes na Valenzá ano tras ano.
- A veciñanza do rural vese así unha vez máis discriminada. Hai que ter en conta que son as persoas que viven nos pobos os que teñen maiores dificultades para moverse debido a que os horarios do transporte regular non se adaptan en moitos casos ás necesidades dos/as veciños/as. Hai que ter en conta ademais que son unha vez máis os maiores os que máis utilizan o transporte en autobús para levar a cabo actividades cotiás como acudir a consultas médicas, facer a compra ou xestións bancarias, entre outras.
_ Pero son estes veciñ@s do rural
os que padecen dende hai ano as consecuencias negativas dunha pésima
planificación dos xestores públicos.
- O Partido
Socialista xa ten alertado en numerosas ocasións sobre a necesidade actuar
neste ámbito para pór fin ás desigualdades que en cuestión de
mobilidade existen no municipio de Barbadás.
======Sen embargo a realidade é que un veciño
de Loiro ou Bentraces paga por desprazarse a Ourense 1,45 euros e un
cidadán de Parada ou Piñor aboa 1,35 € como prezos únicos. Non se
benefician de ningún tipo de bonificación e as frecuencias son escasas, en
moitos casos incluso co transporte metropolitano. Resulta intolerable
que nun dos concellos máis importantes da provincia se produzan en pleno
século XXI este tipo de discriminacións entre veciños. Non acabamos de
entender cómo en tantos anos de goberno o señor Freire non se molestou en
tratar de buscar unha solución para a mobilidade da veciñanza que iguale e non
discrimine.
_ O transporte subvencionado supón que as
persoas que viven e viaxan dende A Valenzá a Ourense teñen a posibilidade de
mercar uns bonos de 10 viaxes, que teñen un custe de 7 euros, mentras que ós
estudantes cústalles 4 euros. Namentres no rural nin a poboación en xeral
nin os estudantes nin os pensionistas teñen esta posibilidade. Non
temos claro cómo lle chamaría a esto o señor Freire: ¿exclusión, marxinación,
segregación, distinción?
Esta situación de favoritismo
é moi anterior ás previsións da posta en marcha do controvertido transporte
metropolitano.
E se falamos de cheo do transporte
metropolitano o PP é especialista en utilizar este tema como instrumento
electoralista. Así o leva facendo dende que Feijóo chegou á Xunta en 2009 e
continúao facendo ata o día de hoxe. A política de Feijóo neste tema é un
pasiño para diante, 5 pasos para atrás.
Dende 2009 os políticos do PP non
foron capaces de pór en marcha o transporte metropolitano en Ourense,
culpando sempre ó goberno da cidade de Ourense, antes BNG e PSdeG e agora os
Socialistas en solitario. Esa é a estratexia da avestruz, a postura
cómoda. Pero o que está claro é que este gran proxecto estase dilatando no
tempo.
En plena campaña electoral de
maio de 2011 Feijóo comprométese cos candidatos da comarca de Ourense a implantar
o transporte metropolitano. En marzo de 2012 Agustín Hernández, conselleiro
de Medio Ambiente, anuncia que a Xunta porá en marcha o transporte
metropolitano con ou sen Ourense.
En xuño de 2013 aínda estabamos en
cueiros e Hernández ten a ousadía de recoñecer que non se está
avanzando no asunto, pois a día de hoxe, un ano despois de asinado o convenio
con tódolos concellos excepto Ourense, aínda se está tramitando o expediente
administrativo da implantanción do Plan de Transportes. E escúdanse no
feito de que están á espera de que o Concello de Ourense remita información
para avanzar no deseño de itinerarios e paradas.
Resulta evidente que o interés dos líderes
do PP, estean gobernando na Xunta, no Concello de Barbadás ou na oposición
en Ourense medra ou merma en función de se estamos ou non en campaña
electoral.
Para o Partido Socialista en
Barbadás nestes intres o máis importante é a posta en marcha da primeira
fase da implantación do transporte metropolitano porque é fundamental
apurar os prazos e ter a infraestrutura lista para que esta aposta polo
transporte que beneficiará a unha poboación de 137.000 persoas sexa unha
realidade. É fundamental que a veciñanza de Barbadás pague o prezo único de 78
céntimos por desprazarse á capital ou 61 céntimos se realiza más de 40 viaxes e
que se beneficien de novas infraestruturas, servizos e frecuencias.
Por todo
o anteriormente exposto, propoño ó Pleno desta Corporación a adopción do
seguinte ACORDO:
11-
Instar á Xunta a pór en marcha de xeito inmediato
a primera fase do Plan de Implantación do Transporte Metropolitano na área
de Ourense.
22-
Que en tanto non se poña en funcionamento o
transporte metropolitano, o Concello de Barbadás entable un proceso
negociador coas empresas que prestan o servizo regular de viaxeiros. O
obxectivo destas negociacións debe ser buscar unha solución provisional para
que o Concello subvencione o transporte en tódolos núcleos do municipio en non
só na Valenzá.
En Barbadás a 30 de agosto de
2013
Victoria
Morenza Doforno
Concelleira
do PSdeG en Barbadás
Ningún comentario:
Publicar un comentario