PRESENCIA DE ARSÉNICO EN LOIRO (inclúe enlaces prensa)

O VOCEIRO DO PSdeG EN BARBADÁS ALERTA DOS PROBLEMAS DE POTABILIDADE EN LOIRO E URXE SOLUCIÓNS

·        Valcárcel acusa de neglixencia ó alcalde de Barbadás ante a aparición de arsénico na rede de auga

·        O voceiro socialista considera lamentable que foran unhas preguntas do Grupo Socialista as que desvelaran a presencia desta substancia na auga

·        Os resultados “obrigan ó Concello a advertir ós veciños de que a auga non é apta para o consumo e a adoptar medidas para submninistrala en condicións de salubridade”.

·        Segundo a resposta de Freire ás preguntas de Valcárcel “unha vez constatado que a auga non é apta para o consumo humano, tras varios apercibimentos da Consellería de Sanidade, a única solución posible é o bombeo de auga dende Bentraces, a través da rede de abastecemento cuxa concesión ten Viaqua”.

·        Deste desaguisado “ hai dous claros responsables, o señor Freire Couto e o PP e constitúe unha proba máis do desgoberno ó que está sometido Barbadás”.

Barbadás, 30 de xullo de 2014.

Ante unha serie de preguntas presentadas polo voceiro do Grupo Socialista tivemos coñecemento da presencia de arsénico na auga en Loiro que “parece ser debida á composición do terreo”. Xosé Carlos Valcárcel é moi crítico coa actitude obscurantista do alcalde respecto deste asunto. Valcárcel tilda de grave neglixencia ó grupo do goberno do PP e ó alcalde Sr. Freire por non ter informado á cidadanía polo miúdo da gravidade da situación.

Grazas ás preguntas presentadas polos Socialistas entregouse onte un informe respondendo ás mesmas. Neste informe ou respostas ó PSdeG indícase que “existen dúas analíticas da auga que manifestan a mesma problemática, unha do Colexio de Farmacéuticos e outra realizada por Viaqua”.

As mostras foron recollidas en distintos puntos: toma de pozo, no depósito e mostras da rede.

             Os resultados “obrigan ao Concello a advertir ós veciños de que a auga non é apta para o consumo e a adoptar medidas para submninistrala en condicións de salubridade”.

Publicouse un bando, pero non se especificaba da gravidade da situación, reprocha o voceiro do PSd        eG.

             Segundo as respostas enviadas ó voceiro socialista “ o criterio dos técnicos non parece que a causa teña que ver coa rede existente”, aínda que se recoñece que se poderá ir mellorando nos tramos en que sexa necesario.

              Freire tamén resposta ás preguntas de Valcárcel  que “unha vez constatado que a auga non é apta para o consumo humano, tras varios apercibimentos da Consellería de Sanidade, a única solución posible é o bombeo de auga dende Bentraces, a través da rede de abastecemento cuxa concesión ten Aquavia”.

              O alcalde responde ó líder socialista que “nos últimos anos celebráronse reunións coa veciñanza, intentando que o aproveitamento se levase de forma privada polos veciños mediante a súa constitución nunha organicación inscrita en Sanidade que sería a resposnsable da salubridade e controis da auga. Os veciños non quixeron facerse cargo deste tema”

             O informe conclúe que unha vez que a auga non é apta por motivos de composición do terreo, esta solución da xestión privada resulta inviable.

             Valcárcel quere criticar que o PP leva gobernando 27 anos en Barbadás con Freire á cabeza. Reprocha que “o arsénico non xurde na terra nin na auga por xeración espontánea, polo tanto houbo unha clara e evidente omisión no control da saúde pública, neste caso nas augas para o consumo público”.

             Deste desaguisado “ hai dous claros responsables, o señor Freire Couto e o PP e constitúe unha proba máis do desgoberno ó que está sometido Barbadás”.

             O PSdeG considera que se lle cede a xestión a Viaqua non pode ser de xeito gratuito porque antes debe ser reparada a rede de subministro de Loiro, que está en mal estado e no seu momento foi custeada polos veciños e veciñas da parroquia.

             Desde o Grupo Socialista chámanos poderosamente a atención que o descubrimento de arsénico na auga coincida no tempo coa insistencia de goberno municipal para que a xentión da mesma á empresa privada Viaqua.

Resumo do escrito presentado por Valcárcel o 21 de xullo de 2014

A veciñanza de Loiro leva tempo preocupada pola ineficacia do goberno municipal do PP en relación á xestión da subministración de auga na parroquia.

             O voceiro socialista en Barbadás, Xosé Carlos Valcárcel, lembra que en xullo do 2013 o Grupo Municipal Socialista fixo no pleno diversas preguntas sobre a problemática da auga en Loiro.

             Valcárcel destaca de que dende hai varias semanas “a preocupación converteuse nunha importante inquedanza veciñal e incluso alerta social despois da publicación dun bando municipal no que se informaba de que a auga que chega ós fogares non é potable”.

             Para o líder socialista resulta evidente que a veciñanza esixe unha solución a este grave problema máis tendo en conta que as duas tomas de auga realizadas en lugares diferentes reflexan resultados distintos.

             Valcárcel lamenta que a única solución que ofrece o alcalde, José Manuel Freire, e o goberno do PP é a de bombear agua desde Bentraces, pero utilizando a mesma rede de subministración que probablemente sexa a causante do problema.

    O voceiro socialista presentou un conxunto de preguntas destinadas a esclarecer cales van ser as medidas que se van adoptar para ofrecer á veciñanza de Loiro unha solución definitiva.

             Os Socialistas queren coñecer cal é o elemento ou a causa que provoca esta situación. Tamén preguntan se se fixeron novas análises de auga para coñecer con certeza se a auga é potable ou non.

Dende o PsdeG solicitan coñecer os resultados desas novas probas no caso de  que foran realizadas.

             Así mesmo piden explicacións sobre as medidas adoptadas dende o goberno do PP en Barbadás “para evitar un posible problema sanitario entre a veciñanza de Loiro.

Valcárcel quere coñecer ademais de onde reciben actualmente a auga os residentes de Loiro e se o goberno de Freire “vai modernizar e substituir a actual rede de abastecemento na parroquia de Loiro. Tamén se interpela sobre o traspaso do subministro para ser xestionado por Aquavia ou vai seguir sendo de xestión veciñal.

             Finalmente os Socialistas queren saber se no caso de que a xestión do servizo se faga pola empresa concesionaria ¿quen vai pagar o custo do cambio da rede?

http://www.ourensedixital.com/_novas/14/07/30_02.htm

http://www.laregion.es/articulo/ourense/analisis-determinan-agua-traida-loiro-tiene-arsenico/20140730074029484766.html

http://www.farodevigo.es/portada-ourense/2014/07/30/psoe-alerta-presencia-arsenico-red/1066689.html

RESUMO PLENO 7 XULLO 2014

NOTA DE PRENSA

 

 

FREIRE REXEITA UNHA PROPOSTA SOCIALISTA PARA MELLORAR A SEGURIDADE CIDADÁ NAS FESTAS CON GRAN AFLUENCIA DE PÚBLICO

 

·         O máis lamentable foi que culpe ó PSdeG de “querer torpedear e boicotear as festas da Valenzá” (palabras textuais de Freire)

·        Unha moción do PSdeG forza a Freire a negociar un convenio co Polígono Virtual de Galicia para facilitar o emprendemento e apoiar ó comercio local de Barbadás

·        O obxectivo é revitalizar o Centro Empresarial Transfronteirizo para fomentar o emprendemento

·        Os Socialistas esixen máis bonificacións na aplicación do gravame do IBI. Presentará alegacións á modificación da ordenanza plantexada polo PP

 

Barbadás, 7 de xullo de 2014. O PSdeG de Barbadás considera contradicatoria a postura do rexedor para habilitar dispositivos especiais ante a celebración de actos multitudinarios. José Manuel Freire non apoiou a iniciativa socialista a pesar de estar de acordó co seu contido. O alcalde anunciou que se tomarán medidas excepcionais ante eventos similares ás festas da Valenzá deste ano, pero negouse a respaldar os acordos da moción do PSdeG.

         O informe da actuación da policía local e de protección civil téñeno que elaborar “ó solicitalo dun xeito formal”, lembrou a concelleira socialista Victoria Morenza (punto 2 do acordó). A reunión da xunta local de seguridade antes de festas, actos relixiosos, deportivos, recreativos, etc (punto 3) vaise realizar, segundo recoñeceu Freire. E tamén se van habilitar dispositivos especiais de seguridade e plans de emerxencia puntuais ante a celebración de actos que congreguen a un importante número de persoas (punto 1 da moción socialista). Pero o empecinamento do alcalde fixo que non asumira as propostas.

O máis lamentable foi que culpe ó PSdeG de “querer torpedear e boicotear as festas da Valenzá” (palabras textuais de Freire). Morenza tildou de intolerable que o alcalde se escude nun comentario feito por un militante socialista nas redes sociais para agocharse “ante a súa ineptitude como máximo responsable da seguridade en Barbadás.

         Morenza dixo que Freire vive na súa torre de marfil “ó asegurar que non pasou nada grave nas festas da Valenzá. A edil socialista lembrou que o luns 9 de xuño o subdelegado do Goberno recoñecía que non foron avisados da posibilidade de que se producira unha afluencia masiva de persoas e que de telo sabido houbérase activado un plan de seguridade propio. Pasaron só uns días e ese mesmo xoves, e ante a polémica xerada en torno ó asunto, a xunta local de seguridade pecha filas e cúbrelle as costas a Freire e xa parece que todo foi un invento de 3 ou 4 disconformes.

Pero, aínda que non aconteceu nada extremadamente grave, as posibilidades de que ocurrirá unha desgraza foron moi altas. ¿A qué estamos agardando para adoptar medidas? ¿a que morra alguén? ¿a que saiamos nos medios de comunicación porque se produciu unha avalancha de persoas? ¿a que haxa feridos graves que non poidan ser evacuados ante a ausencia dun plan de emerxencia específico?

            Está claro que se acontecese algo gravísimo sería moi complicado actuar porque non había unha vía de emerxencia á que puidera acceder unha ambulancia en caso de traslado de feridos.

 

O propio Director Xeral de Emerxencias e Interior, Santiago Villanueva, recoñecía que o feito de que non se superaran as 20.000 persoas que establece a lexislación non impedía que se fixese un plan de emerxencias. Villanueva fala de que se puideron ter previso saídas de evacuación, medios que teñen que intervir en caso de emerxencia e a posta en marcha de medidas necesarias que garantan a fluidez do tráfico.

            Está claro que houbo neglixencia, irresponsabilidade e deixadez por parte da máxima autoridade do concello, é dicir, o señor alcalde por non adoptar medida algunha para prever posibles incidencias.

            Pero o máis grave é que non se tomaron medidas excepcionais, non se creou un operativo especial de protección civil nin da Policía Local, cando en aglomeracións menores cá de esta ocasión (Entroido ou romaría de San Bieito).

            Pero o pior é que foron advertidos, temos entendido, da posibilidade de que podían acontecer incidentes e de que era neceario intensificar a regulación do tráfico por un informe previo da policía local de Barbadás. E non fixeron caso. E os policías que ese día traballaban cumpriron o seu turno e aquí paz e despois gloria. ¿Por qué non se puxo en marcha un dispositivo de seguridade especial, tanto de Protección Civil como da Policía Local?

Para nós esto foi unha irresponsabilidade.

E qué dicir da nosa agrupación de voluntarios de Protección Civil, que fan un traballo encomiable donde queiran que vaian. Sobre a agrupación e a súa actividade non temos nada, absolutamente nada que reprochar. Pero vostede señor alcalde debeu dar a orde de pór en marcha un operativo especial, pero non o fixo. E tiveron que ser os únicos 2 axentes da garda civil os que se viron desbordados e tiveron que pedir axuda ó 112. E foi entón, a partir da medianoite, cando foron avisados.

         Os Socialistas critican a irresponsabilidade de Freire por non pór en marcha sendos dispositivos de protección civil (posto que actúan en eventos incluso de menor importancia en municipios limítrofes ou no Entroido e na Romaría de Cova do Lobo) e de horas extraordinarias por parte de efectivos da policía local.

        

Polígono virtual de Galicia

 

 Houbo acordo unánime de tódolos grupos para iniciar de xeito inmediato contactos co Polígono Virtual de Galicia para asinar un convenio de colaboración mútua que teña com finalidade a posta en marcha dun proceso de aceleración empresarial, do emprendemento e do comercio local en Barbadás.

         O voceiro socialista, Xosé Carlos Valcárcel,  falou das ventaxas que para Barbadás tería esta iniciativa, entre elas a posibilidade de aloxar a páxina web do Concello nos servidores do polígono virtual, o que suporía un aforro de 1.200 euros anuais.

         O polígono virtual de Galicia formula apoiar sen custo algún ós emprendedores e tamén ás empresas de Barbadás, sempre que o Concello ceda parte das instalación do Centro Empresarial Transfronteirizo para impartir cursos de formación e foros de debate vencellados co emprendemento, a creación de emprego e as novas tecnoloxías.

Valcárcel destacou que o polígono virtual dispón de dous puntos de atención ó emprendedor, homologados polo Ministerio de Industria e un deles ubicaríase en Barbadás no caso de chegar a un acordo co Concello.

         Esta iniciativa supón un importante estímulo para todos os emprendedores e comerciantes de Barbadás e sería un lugar de atracción e referencia para iniciativas innovadoras en toda a provincia.

        

         Rebaixa ficticia do IBI

No debate da reducción do tipo de gravame do IBI do 0,5 ó 0,4 % Valcárcel reprochou que “chega tarde porque o PSdeG xa o solicitou en maio de 2008 e en xuño de 2013”. E chega mal porque non se modifican as bonificacións, que consideramos insuficientes, xa que non se bonifican a persoas en risco de exclusión social e parados de longa duración. Hai que destacar que o importe a recadar en 2015 vai ser o mesmo cá o do presente ano (1,9 millóns de euros), polo tanto a reducción é fictica e responde única e exclusivamente a puro electoralismo. A situación de tesoureiría deste ano é pior cá do ano anterior, pero agardan a aplicar a reducción ó ano 2015, no que se celebran eleccións municipais.

         Valcárcel anticipou que presentará alegacións á ordenanza “debido a que o que propón o goberno municipal do PP é unha simpre diminución do gravame, pero unha ordenanza da importancia que esta ten e que afecta a toda a cidadanía do concello debe servir tamén para introducir criterios de xustiza social e equidade fiscal e nestes tempos de crise máis cá nunca”.

 

Investimentos electoralistas

 

         Aprobouse unha modificación de crédito para investimentos en parques e viais que supón duplicar o previsto inicialmente nos orzamentos. Para Valcárcel “esto deixa ben ás claras que o PP fai os presupostos co obxectivo de falsealos e incumprilos”. Preguntouse por qué se facía esta importante modificación a poucos meses das eleccións municipais, ofrecendo el mesmo a resposta “o PP só traballa en función das datas electorais e pon en evidencia a forma de gobernar do PP: desinterese polos problemas, inexistencia de planeamento e desprezo total á veciñanza durante os tres anos anteriores”.

 

         O PSdeG leva anos denunciando que o importe dedicado a investimentos é totalmente insuficiente e con estes cambios “dásenos a razón”. En 2014 os investimentos só representaban o 4,25 % do gasto total, unha política criticada polos socialistas e con esta importante modificación confírmase o electoralismo.

 

Expediente de modificación de créditos: PP e PSdeG- Si; BNG- Abstención

Modificación IBI- PSdeG e BNG- abstención

Moción do bng para superar o modelo institucional do Estado español e recoñecer o dereito a decidir: PP E PSdeG- en contra

Moción do BNG sobre arranxo no parque dos Patos- limpeza e coidado- Unanimidade

Moción BNG para axilizar trámites da Risga_ Unanimidade

Moción para pór en marcha o proxecto de aceleración empresarial (polígono virtual de Galicia)- Unanimidade.

Moción PSdeG Festas da Valenzá- PP- en contra. PSdeG e BNG- a favor

Para calquera aclaración podedes chamar a Xosé Carlos Valcárcel (Voceiro socialista en Barbadás)- Tfno.:  605 08 18 98

 

 

Dirección da Páxina Web do PSdeG en Barbadás: www.barbadás.psoe.es

Facebook: Agrupación Socialista de Barbadás, Amigo Socialista de Barbadás, Xosé Carlos Valcárcel, Victoria Morenza

Twiter: @cambiabarbadas, @xosevalcarcel, @vicmorenzadof

Blog: www.cambiabarbadas.blogspot.com

 

AMPLIACIÓN DA DENUNCIA CONTRA FREIRE EN DATOS

ROLDA DE PRENSA DO VOCEIRO DO PSdeG EN BARBADÁS, XOSÉ CARLOS VALCÁRCEL DOVAL, SOBRE NOVAS APORTACIÓNS Ó CASO DA PRESUNTA CORRUPCIÓN URBANÍSTICA DO ALCALDE, JOSÉ MANUEL FREIRE COUTO.

Ourense, 2 de xullo de 2014

·         Entre marzo e outubro realizánse operacións inmobiliarias polo emporio freire entre españa e portugal, sanxenxo e matosinhos, que suman 816.000 €. 

·        En xuño de 2006 a esposa de Freire merca un inmoble tamén en Sanxenxo, indicándose na escritura que se aboan 130.000 € en metálico

·        Na transacción realizado en xullo 2004 o apoderado de López Noya é José Ramón Penido López que tamén foi apoderado de Maexpa Grupo Inmobiliario (filial de Mahía). Este señor tamén é apoderado de BINURBA, implicada no asunto de Arroyo de la Encomienda

Antes de nada teño que decir que no Partido Socialista levamos sete anos facendo un traballo de oposición moi serio. Unha oposición construtiva, facendo continuamente aportacións para mellorar a calidade de vida da nosa veciñanza. E tamén unha oposición comprometida coa denuncia e erradicación de calquera indicio de corrupción.

Por esa razón temos a convicción de que este traballo foi decisivo no feito de que Freire non se presente como candidato nas próximas eleccións municipais. O traballo de investigación e denuncia que temos feito neste tempo cremos que influe decisivamente neste anuncio.

Agora Freire di que se vai por que “sinte rechazo á pólitica”: que coincidencia que este rechazo veña acompado polas denuncias do PSdeG de Barbadás por presunta corrupción urbanística.

O motivo desta convocatoria é informarvos que o Grupo Municipal Socialista de Barbadás presentará mañá nos Xulgados de Ourense nova documentación sobre as actividades do alcalde Sr. Freire Couto no eido inmobiliario e consideramos que toda a veciñanza debe ser coñecedora dos datos que aportamos.

Trátase de nova información perfectamente documentada. Eso leva tempo ó precisar dun traballo meticuloso e dunha investigación detallada. Sempre queremos ir dando pasos sobre seguro e ofrecendo aportacións fidedignas sobre o Emporio Freire.

Pois ben, este entramado de Freire, concretamente ALBA MARÍA SOCIEDADE PROMOTORA DE BENS INMOVES, adquiriu o 23.3.2004  varios inmobles en Matosinhos (Portugal) por un importe de 225.000 €. Estes bens foron transmitidos pola entidade LÓPEZ & NOYA SOCIEDADE PROMOTORA E CONSTRUTORA IMOBILIARIA filial da construtora Mahía que desenvolveu a súa actividade na Valenzá, entre outras localidades do Estado.

O día 23.7.2004, é decir, escasos 4 meses despois, Alba María adquire novamente varios inmobles en Matosinhos e tamén a López & Noya, neste caso por un importe de 180.000 €.

Hay que destacar varias cuestión en todas estas operación:

·        Como decía antes, no curto período de 4 meses unha sociedade (Alba María) recentemente constituida fai supostamente un desembolso de 405.000 € cando ten un capital social de 5.000 €

·        Estas operacións realizanse sin ningún tipo de préstamo ou hipoteca.

·        En ambos casos confesase ter recibido o importe previamente ó outorgamento das escrituras.

·        Na transacción realizado en xullo 2004 o apoderado de López Noya é José Ramón Penido López que tamén foi apoderado de Maexpa Grupo Inmobiliario (filial de Mahía). Este señor tamén é apoderado de BINURBA, implicada no asunto de Arroyo de la Encomienda

Con data 12.10.2004 novamente Alba María realiza operacións con López & Noya por varios inmobles na mesma localidade portuguesa por valor de 185.000 €, sendo o representante desta última sociedade Javier Lago Sanmartín, quen tamén é apoderado de Maexpa e Mahía.

As operacións de Alba María con López Noya retómanse o 26 de setembro de 2006 tamén en Matonsinhos por un importe de 295.000 €. Neste caso resulta que o apoderado de ambas partes é a mesma persoa, en concreto José Carlos de Sousa Santiago, o que evidencia unha relación sumamente estreita entre as sociedades Alba María e López Noya e, polo tanto, Mahía.

Tamén nesta operación, coma en todas as anteriores, se confesa que o prezo está recibido.

En resumen, as sociedades do Emporio Freire fixeron diversas operacións  en Matosinhos cunha sociedadade do grupo Mahia por importe de 885.000 € entre 2004 e 2006 e en todos os casos confésase que o importe está recibido sen existir ningún préstamo hipotecario do que se deduce que o importe, no caso de ser pagado, fíxose en metálico.

Resultando este importe chamativo, ainda o é máis que no prazo de 6-7 meses desde a constitución de Alba María, con 5.000 € de capital social, poideran realizarse operacións por 590.000 €, CURIOSAMENTE COINCIDINDO COAS FASES CLAVES DO PROCEDEMENTO DE APROBACIÓN DO PERI AR 1, CONCRETAMENTE COA APROBACIÓN INICIAL (19.1.2004) CREASE A ENTIDADE ALBA MARÍA E COA A APROBACIÓN DEFINITIVA (26.4.2004) REALIZÁNSE VARIAS DAS OPERACIÓN ANTES CITADAS.

Pero as operacións do Emporio Freire non se circunscriben á localidade portuguesa de Matonsinhos:

·        O 5 de xullo do 2004 cancela a hipoteca dunha vivenda por 150.000 € en Sanxenxo e a propiedade pasa a ser titularidade do Sr. Freire. Falamos dun inmoble valorado a efectos de subasta en 226.000 € e non consta na escritura cómo se cancela a hipoteca. Puido haber sido perfectamente en metálico.

Estamos falando novamente do ano 2004 e ENTRE MARZO E OUTUBRO REALIZÁNSE OPERACIÓNS INMOBILIARIAS POLO EMPORIO FREIRE ENTRE ESPAÑA E PORTUGAL, SANXENXO E MATOSINHOS, QUE SUMAN 816.000 €.  E quero recalcar que falamos de 816.000 € do ano 2004.

·        En xuño de 2006 a esposa de Freire merca un inmoble tamén en Sanxenxo, indicándose na escritura que se aboan 130.000 € en metálico e que se subroga nunha hipoteca por outros 80.000 €. Temos que sinalar que esta operación coincide no tempo con outra xa mencionada previamente e realizada en Matosinhos (26.9.2006) por valor de 295.000 €

No Grupo Socialista queremos reseñar que a todas estas propiedades hai que engadir outras que xa figuran na denuncia inicial presentada en xullo do pasado ano. Estas tamén están na citada denuncia pero agora aportamos estos detalles por ser as máis destacadas.

Agora incorporamos tamén a acreditación de que a empresa Lopéz & Noya forma parte do Grupo Mahía, mediante a aportación dun informe elaborado pola perito María de las Mercedes Seisdedos Rivas e que está incorporado no Xulgado de Instrucción nº 1 de Santiago nas dilixencias previas 1862/2006 por fraude fiscal. Non estamos falando dunha perito calquera: a Sra. Seisdedos Rivas é Técnico de Facenda, ex – contadora do Estado e auditora colexiada.

No citado informe, entre outras cuestións, resulta acreditado que non existiu movemento efectivo de diñeiro nas supostas compravendas do Emporio Freire, dado que a indicada perito manifesta que non existe apoio contable para os supostos movementos de diñeiro en efectivo. En resumo, os inmobles supostamente non se pagaron con diñeiro.

Ademais deste informe dedúcese que se creou todo un entramado contable utilizando incorrectamente contas do Plan Xeral de forma contraria o seu significado para xustificar formalmente estas e outras supostas vendas de inmobles.

A perito recolle a declaración xudicial da empregada Verónica Rodríguez Casal que nega a existencia de ingresos en caixa por contías tan considerables en concreto das que facemos referencia de supostamente  Alba María por importes de 200.000 e 292.000 € (en datas 15.7.2004 y 7.10.2004 coincidentes coas operacións do EMPORIO FREIRE).