NOVO TRANSFORMADOR EN PARADA

MOCIÓN PARA SOLICITAR A FENOSA QUE SOLVENTE O PROBLEMA DE TENSIÓN ELÉCTRICA NA CHAIRA (PARADA E PIÑOR)

A proposta insta ó grupo de gobernó do PP a buscar unha solución idónea para instalar un transformador de reforzo

O alcalde, José Manuel Freire Couto, comprometeuse a solventar o tema aínda recoñecendo que vai ser moi complicado, é dicir, apoiou a iniciativa do PSdeG por estética e por intereses electoralistas

·       Unha parte do veciños de Parada e de Piñor levan anos padecendo as consecuencias dunha pésima subministración eléctrica.

·       Os problemas están localizados por zonas e as persoas que viven nestes lugares vense afectados polas continuas caídas de tensión.

·       A situación xa foi comunicada oportunamente hai anos tanto a Fenosa coma ós responsables municipais pola asociación de veciños.

·       Pero a espada de Damocles continúa sobre as liñas eléctricas da veciñanza afectada polas intermitentes oscilacións de tensión.

·       Está claro que a potencia do subministro non é suficiente para satisfacer a demanda desta zona concreta, independentemente dos kilowatios contratados por cada usuario.

·       As caídas de tensión repercuten repercute na vida cotiá dos cidadáns afectados porque non se poden utilizar varios electrodomésticos ó mesmo tempo e prodúcense encendidos e apagados dos mesmos.

·       A situación é tan irascible para os residentes de Parada e Piñor que por exemplo en ocasións teñen dificultades mesmo para sair das súas casas ó atrancarse o portón eléctrico.

·       Esto pode ter consecuencias sobre a seguridade das persoas porque podería producirse unha emerxencia e a situación da potencia eléctrica impediría a accesibilidade rápida e eficaz se fose necesario o traslado de feridos ou enfermos.

·       Os responsables municipales coñecen o asunto, pero pasa o tempo e a cuestión segue sen resolverse.

·       Pola súa banda a empresa instalou un medidor nalgunhas vivendas que evidentemente determinou que a potencia era insuficiente. A partir de aí comezou a odisea de instalar un transformador.

·       As vicisitudes para colocar definitivamente un amplificador de potencia foron sucesivas. A instalación no campo da festa de Parada do transformador provocou controversia e non se puido levar a cabo. Despois pretendeuse colocar nun extremo do campo, pero ó estar afectado por Patrimonio tampouco foi posible.

·       Tras sucesivas reunións veciñais acordouse propor ó Concello que negociara co Bispado para que cedera unha parcela situada preto da alameda de Parada. Pero a día de hoxe a cuestión está por resolver. A realidade é que a veciñanza leva polo menos 6 anos agardando a que o problema sexa resolto.

·       Dende o Gupo Municipal Socialista consideramos que non só é responsabilidade de Fenosa (agora Gas Natural), senón tamén dos gobernantes locais do PP porque dende o momento en que son coñecedores de que non hai potencia suficiente continuaron concedendo licencias de obra para a construcción de vivendas nos lugares situados en torno á Chaira.

·        Deste xeito seguiuse incrementando o número de veciños na zona afectada e o número de persoas que padecen as consecuencias da potencia insuficiente.

·       A solución pasa, segundo os técnicos, por instalar un transformador de reforzo na liña afectada. Sen embargo, tanto os mandatarios municipais coma Fenosa parecen dilatar a solución do problema.

·       As continuas baixadas de tensión provocan que cando a liña se satura, como aconteceu este inverno, é moi complicado manter en funcionamento os electrodomésticos dun xeito normalizado, o cal provoca trastornos ós usuarios.

·       alcalde, como máximo responsable municipal, debería ter en conta este tipo de inconvenientes relacionados con servizos tan básicos como o subministro de enerxía eléctrica e buscar un arranxo definitivo. No PSdeG consideramos que é precisa unha solución urxente porque o tendido eléctrico actual non é suficiente para absorver o consumo da veciñanza da zona.

·       A iniciativa socialista propuxo o seguinte acordo:

1.     Solicitar formalmente a Fenosa que solucione dun xeito definitivo o problema do subministro eléctrico nas zona da Chaira, que afecta a unha parte dos pobos de Parada e Piñor.

2.     Que o Concello busque a ubicación idónea para instalar o transformador de reforzo necesario para que a enerxía eléctrica chegue coa cualidade debida ós usuarios.

3.     Que os mandatarios locais establezan unha vía de diálogo efectiva cos residedentes afectados ou a través dos colectivos veciñais na busca dun lugar axeitado para colocar o transformador.

APARCAR NON É CUESTIÓN DE PODERÍO

Vehículo do tenente alcalde de Barbadás, Manuel García
Aparca sobre beirarrúa
Ás súas anchas
E NON FOI MULTADO
PSdeG esíxelle ao alcalde que o obrigue acumprir a lei
E, sobre todo, q practique máis "civismo"...
E q dea exemplo
Aínda que, qué lle imos pedir a Freire se ata hai só uns meses estacionaba todo o vehículo na beirarrúa porque dicía:"PAGUEINA EU"
Despois da presión social e da insistencia dos Socialistas, dixo que "NON SE REPETIRÀ"
DEAN EXEMPLO!!!

 

 

NO PLENO CELEBRADO O LUNS 10 DE MARZO O PSdeG ROGOULLE Ó ALCALDE QUE LLE ROGUE Ó TENENTE ALCALDE QUE CUMPRA A NORMATIVA SOBRE TRÁFICO E ESTACIONE CORRECTAMENTE.

Ao mesmo tempo, os Socialistas lembráronlle ó alcalde que a policía local está para multar a tódolos cidadáns por igual, incluído o tenente alcalde.

RESUMO PLENO DE MARZO

OS SOCIALISTAS DE BARBADÁS CRITICAN A IMPREVISIÓN DE FREIRE Ó DISTRIBUIR PARTIDAS A TAN SÓ UNHAS SEMANAS DE APROBADOS OS ORZAMENTO

 

    Valcárcel é crítico coa decisión de Freire de detraer 35.000 euros destinados a infraestruturas para dedicalos a construir 2 novos vestiarios no pavillón aínda sen inaugurar

 

·        O PP fala de actualización de taxas, o PSdeG de subas desaforadas e mesmo de estafa

 

·        Postura unánime ante unha proposta socialista para mellorar o subministro eléctrico en Parada

 

·        Dende o PSdeG congratuláronse de que o PP apoie a iniciativa, pero cren que se trata dunha postura electoralista de Freire cos veciños de Parada e Piñor

 ·         O PP vota en contra dunha iniciativa socialista para dinamizar o local social de Loiro

 

 

Barbadás, 11 de marzo de 2014. Os Socialistas de Barbadás repróchanlle ó alcalde que retire unha partida de 35.000 euros que estaban destinadas a infraestruturas para dedicalos a construir 2 vestiarios no pavillón . O voceiro do PSdeG, Xosé Carlos Valcárcel, tildou no pleno celebrado onte luns de esperpéntico este cambio a tan só unhas semanas de aprobados os orzamentos e despois de 15 anos en que comezou a deseñarse o polideportivo.

         Valcárcel cre que esta decisión é produto da falta de planificación “porque estamos a falar dunha obra sen inaugurar e na que tiveron anos e anos para coñecer cómo debía estar dimensionada para axeitala ás necesidades do noso concello”. Este tipo de prácticas “fala ben ás claras da incapacidade de Freire e o seu equipo para gobernar e xestionar con un mínimo de eficacia”.  Freire, pola súa banda, explicou que decidiron facer o cambio porque “quedaban un ocos baleiros”.

O líder socialista cualificou a modificación de créditos para facer o cambio de partidas de chapuza, tendo en conta que hai 10 meses convocouse un pleno extraordinario para autorizar a contratación de persoal do polideportivo cando as instalacións aínda non foron inauguradas oficialmente. O rexedor ante as reiteradas preguntas dos Socialistas dixo que o pavillón abrirá nun par de meses, o que é considerado coma unha nova imprevisión.

 Centro Empresarial

 No debate da moción do PSdeG para reactivar o Centro Empresarial Transfronteirizo para convertelo nun centro dinamizador do emprego e do emprendemento o PP votou en contra da proposta. O alcalde, José Manuel Freire, considera que o CET “ten un dinamismo digno de ter en conta”. Valcárcel fixo una dura crítica ó funcionamento do CET porque non constitúe un centro de iniciativas e ideas empresariais.

Uns minutos antes de comezar o pleno foille entregado un dossier feito pola xerente do CET á oposición. Outra mostra máis de improvisación, recrimina o voceiro do PSdeG, por facer “ás presas un documento para o lavado de cara de Freire, pero o que está claro é que os Socialistas propoñemos participación, investimentos e novas iniciativas e non se está ofrecendo”

Valcárcel puxo como exemplo do inadecuado funcionamento do CET o feito de que os problemas que ten o edificio á hora de recibir o servizo de Internet fai que participantes nalgúns cursos se tiveran que desprazar á casa de cultura ou que non conte coa figura do axente de desenvolvemento local. Freire dixo que si saía unha liña de axudas da Xunta contratarían unha persoa, pero o voceiro do PSdeG cre que esta é só unha promesa electoralista do rexedor. Valcárcel ironizou tamén co carácter pouco transfronteirizo do centro, como non sexa un estudo para definir a capacidade que no mercado poden ter produtos como a frambuesa ou a oliveira.

 Aumento da taxa do Servizo de Axuda no Fogar

          Os Socialistas amosáronse contrarios á modificación da ordenanza fiscal reguladora da do servizo de axuda no fogar. A concelleira Victoria Morenza considerou inaceptable que os cambios supoñan un incremento dende o 65% ó 90 % o importe máximo de participación do usuario dependente no copagamento do Servizo de Axuda no Fogar. Criticou as continuas modificacións desta normativa que actúan en detrimento dos servizos sociais porque a finalidade económica “parece ser a única, en tanto que o fin social dilúese nas cifras”. Con este tipo de cambios o único que conseguen é botar en mans da iniciativa privada ós usuarios dos servizos públicos. Puntualizou Morenza que a modificación da ordenanza non supóns só unha adaptación ó Decreto 149/2013, de 5 de setembro, senón que supón un aumento puro e duro de taxas. PSdeG e BNG votaron en contra.

 Recollida de vehículos

Na modificación da taxa polo servizo de recollida e depósito de vehículos os grupos da oposición tamén votaron en contra. Xosé Carlos Valcárcel dixo que non se trata dunha actualización de prezos, senón dunha estafa e falou da necesidade de incrementar a plantilla da policía local para prestar un servizo como é debido. Censurou que non se solicitaran formalmente ofertas a varias empresar porque “é evidente a falta de transparecencia dun proceso no que non queda constancia escrita das diferentes ofertas”. O líder socialista mostrouse abraiado cando o rexedor dixo que levaban 10 anos sen subir a contía da taxa e que a empresa lle estaba a facer un favor ó concello.

Valcárcel afirmou que “as empresas privadas non están para facer favores” ó tempo que cualificou de desaforada a suba da taxa en comparación non só con Ourense cidade, senón tamén con vilas de carácterísticas similares ás de Barbadás.

 Problemas de subministro en Parada e Piñor

 Debateuse tamén unha proposta socialista para solicitar a Gas Natural que se solvente o problema de tensión eléctrica na Chaira (barrio que abrangue zonas de Parada e Piñor). A concelleira Victoria Morenza reprochoulle a Freire a súa escasa capacidade negociadora porque “doutro xeito non se entende que agora nos veña con escusas de mal pagador culpabilizando a uns veciños de que Fenosa decidira non instalar un transformador de reforzo hai uns meses.

         Morenza díxolle ó alcalde que se contradecía “ó afirmar que apoiarán a iniciativa socialista aínda que sabe de antemán  que non se vai poder facer, como vostede mesmo di”. Segundo a edil do PSdeG “Freire pretende quedar en bo lugar ante a veciñanza e non gastar nin 1 euro, nin siquera o esforzo de tentar buscar unha solución”.

Os Socialistas esixíronlle a Freire que “colla as rendas do asunto e non se escude en pretextos” porque o fundamental é buscar unha solución “falando coa empresa subministradora de enerxía eléctrica e reuníndose cos veciños para buscar un lugar alternativo. Finalmente a proposta foi aprobada por unanimidade. Dende o PSdeG congratuláronse de que o PP apoie a súa iniciativa, pero cren que se trata dunha postura electoralista.

Un local socia pouco humanizado

Outra iniciativa socialista para dinamizar o novo local social de Loiro e para que se subsanen as deficiencias que presenta foi rexeitada cos votos en contra do PP. Os Socialistas amosaron a súa indignación cando Freire dixo que esta era unha proposta “de recheo”. A concelleira María Presas lamentou que non se teñan en conta as inquedanzas e queixas dos veciños á hora de facer habitable, cómodo e accesible para a cidadanía un local social non que se investiron preto de 400.000 euros.

Presas enumerou as deficiencias: deterioro da tarima flotante, falta dos mandos para manexar a calefacción e aire acondicionado, etc. En suma, o novo centro social de Loiro é un lugar inhóspito segundo os propios veciños porque non foi acondicionado nas debidas condicións. “Non é de estranar que os veciños prefiran estar na antiga escola”, asegura María Presas, quen propuxo que o concelleiro de Servizos Sociais contribúa a unha dinamización das novas instalacións.

Freire foi irrespetuoso coas propostas socialistas asegurando que os veciños están moi contentos coa xestión do PPe só 3 ou 4 actúan con resentimento, pero o que é evidente segundo Presas é que hai veciños que queren usar o local e non poden facelo.

 

http://www.farodevigo.es/portada-ourense/2014/03/11/pp-y-oposicion-unen-pedir/982612.html

 

APOSTANDO POLO EMPREGO EN BARBADÁS

XOSÉ CARLOS VALCÁRCEL RECLAMA A REDEFINICIÓN DO CENTRO EMPRESARIAL TRANSFRONTEIRIZO A TRAVÉS DA CREACIÓN DUN ÓRGANO REITOR

 

O PSdeG pretende que se reactive o CET para convertelo nun factor dinamizador do emprego e do emprendemento

 

·        Os Socialistas de Barbadás presentan unha iniciativa para establecer unha estrutura sólidad de asesoramento e apoio a emprendedores e desempregados

 

·        O voceiro do PSdeG reprocha que dos 94.600 euros que o Concello destina ó Centro Empresarial, só o 12 % é para actividades vencelladas á formación

 

·        Valcárcel lamenta que o alcalde de Barbadás non amose interese por darlle ó CET unha estrutura e definición acorde ó seu nome.

 

·        O CET foi inaugurado en 2006 e tivo un custo de 425.000 euros, pero non é un espazo de apio a iniciativas empresariais e ós emprendedores nin está facilitando a posta en marcha de nova actividade económica

 

·        Na proposta socialista reclámase ademais a contratación de un Axente de Desenvolvemento Local, pois Barbadás carece desta figura actualmente

 

·        Tamén se pide na moción a instalación de un elevador para favorecer a mobilidade

 

Barbadás, 2 de marzo de 2014. O voceiro socialista en Barbadás, Xosé Carlos Valcárcel, reclama que se redefina a actuación do Centro Empresarial Transfronteirizo e que se fixen obxectivos e prioridades.

Os centros empresariais son espazos de apoio a iniciativas empresariais e ós emprendedores e teñen como obxectivo facilitar a posta en marcha de nova actividade económica.

         Barbadás ten un centro empresarial inaugurado en 2006, con un custo de 425.000 euros, pero que non responde ás características e condicións mencionadas, asegura Valcárcel. Polo tanto “non é útil para a finalidade que debe ter este tipo de dotación, é dicir, formentar o emprego e apoiar ós emprendedores”, recrimina o líder socialista.

         Para o fomento do emprego dedícanse no orzamento municipal de Barbadás unha contía de 94.600 euros, “un importe que significa escoma e calderilla e máis nos tempos de crise que vivimos. Desta contía o 50 % vai destinado a salarios e seguridade social da xerente do CET, un 38 % dedícase a gasto corrente (combustible, enerxía eléctrica, limpeza) e tan só queda un 12 % para actividades vencelladas á formación.

         Valcárcel reprocha que “os números falan por si sós resultando evidente o desinterese de Freire e do PP de Barbadás por darlle ó Centro Empresarial unha estrutura e unha definición acorde ó seu nome e á súa suposta finalidade”.

         O voceiro do PSdeG alude ademais ó feito de que Barbadás carece actualmente da figura do Axente de Desenvolvemento Local, o que pon de manifesto de xeito palpable a ausencia de interese do PP polo emprego e a dinamización económica. Valcárcel lamenta que o alcalde de Barbadás prefira destinar a protocolo e publicidade 20.000 euros en lugar de contratar un ADL por unha contía similar.

         Valcárcel lembra que o Grupo Socialista xa ten presentado diversas propostas de apoio ó comercio local, rehabilitación de núcleos rurais e outras para dinamizar o emprego apostando polas formación e as novas tecnoloxías.

         Para os Socialistas dinamizar o Centro Empresarial representa unha gran oportunidade sempre que conte co apoio das institucións e teña un financiamento sólido e unha estrutura axeitada. “Unha oportunidade non só para o noso concello, senón tamén para toda a comarca, polo que debemos pensar en incorporar na financiación do CET a outras institucións e organismos.

         A iniciativa socialista propón a creación dun órgano reitor do CET que conte coa participación do equipo de goberno, de representantes da oposición e, por suposto, dos empresarios, comerciantes e colectivos sociais de Barbadás, coa finalidade de redefinir a actuación do mesmo. Acemáis a proposta do PSdeG pretende establecer unha estrutura sólida para asesorar e apoiar tanto ós emprendedores como a persoas en situación de desemprego. Os Socialistas completan a súa moción coa contratación dun axente de desenvolvemento local e a instalación de un elevador para favorecer a mobilidade.

            Para Valcárcel “os goberno municipais teñen a obriga de situar o emprego no centro de todas as súas políticas, polo tanto o novo papel da administración local non é outro que o de fomentar o desenvolvemento e facilitar a creación de emprego no seu ámbito xeográfico”.

 

 

http://www.farodevigo.es/portada-ourense/2014/03/02/psoe-reclama-organo-control-centro/977379.html