27 de marzo de 2015
Compromiso, renovación,
xuventude.
Estas son as claves da candidatura socialista para
Barbadás. O pasado sábado presentouse a candidatura do PSdeG de Barbadás.
O voceiro, Xosé Carlos Valcárcel, falou de compromiso, de renovación e de xuventude..
Compromiso: todos os candidatos e candidatas son persoas ben
coñecidas nas súas localidades e nos ámbitos nos que se desenvolven
habitualmente. Persoas comprometidas cos seus conveciños e conveciñas. Que
coñecen a realidadade do seu entorno e que asumen o reto de cambiala para
mellorar. Cambiar os comportamentos vencellados ós intereses particulares polos
do interese xeral e o do caciquismo e a ocultación pola honestidade e a
transparencia.
Renovación: a candidatura do PSdeG de Barbadás presenta una
gran renovación. Consideramos que si falamos de cambiar a política e queremos
ser cribles para os cidadáns, pois temos que empezar o cambio por nós mesmos.
Hai 11
candidatos e candidatas de nova incorporación o que respresenta un 65%. Falamos dunha renovación a todos os niveis.
Unha renovación que afecta a todos os níveis da listaxe xa que nos 10 primeiros
postos é dun 60%. Veciños e veciñas que nunca tiveron participación activa na
política pero que ven como o seu entorno sofre unha continua degradación, non
só nos servizos e nas dotacións, se non tamén na ética e nos valores.
Xuventude: Barbadás é un dos concellos máis novos da provincia
e ese feito tense que pór de manifesto nos seus representantates políticos. E
así o entendemos no Partido Socialista: nove dos candidatos teñen menos de 40
anos de idade. Presentamos unha candidatura dinámica e coa ilusión e a forza
que aporta toda esta xuventude.
Pero as señas de identidade básicas de este grupo de
persoas non é outra que a de cambiar o
futuro dos nosos conveciños e conveciñas.
Ningún comentario:
Publicar un comentario