OS NOVOS INCUMPRIMENTOS NA CONSTRUCCIÓN
DO CENTRO DE SAÚDE DA VALENZÁ LEVAN Ó
PSdeG A PRESENTAR UNHA PROPOSTA PARA QUE O CONCELLO PRESIONE PARA AXILIZAR A
TRAMITACIÓN
·
O voceiro do PSdeG en Barbadás, Xosé Carlos Valcárcel,
asegura que “a demagoxia, a desidia, os diversos incumprimentos e
unha xestión ineficaz provocaron xa un retraso
de 10 anos”.
·
Segundo os Socialistas “esta historia
interminable está chea de engaños e de múltiples incumprimentos dos
compromisos asumidos e publicitados polo Alcalde, a Deputación e a Xunta”
·
Valcárcel lembra que “as obras tiñan que terse iniciado
antes de finais de 2010, segundo o anuncio publicado no seu momento
en prensa e sufragado cos impostos de toda a veciñanza”.
·
A secuencia dos incumprimentos continúa
cando Freire anunciou posteriormente que as obras se iniciarían antes de
rematar o mes de maio de 2011, “un
anuncio que resultou ser totalmente electoralista”, lamenta Valcárcel.
·
As novidades en
torno ó centro de saúde sábeas Valcárcel a raíz dunha serie de preguntas
presentadas hai unhas semanas
·
Na resposta Freire asegura que “probablemente a
licitación se fará a finais do verán ou principios do outono”.
·
Valcárcel lamenta que “a cidadanía de Barbadás volve ter
que fiarse das palabras de dirixentes que levan
sistemáticamente incumprindo os seus compromisos”.
·
O líder do PSdeG en Barbadás considera inaceptable que
“neste importante asunto o Alcalde engade ó menosprezo á veciñanza a carga da mentira sistemática”
Barbadás, 23 de agosto de 2014. O grupo municipal socialista presentou unha iniciativa
para qe o Concello de Barbadás inste á
Xunta a licitar e iniciar as obras do Centro de Saúde da Valenzá de xeito
inmediato.
O voceiro do PSdeG en Barbadás, Xosé
Carlos Valcárcel, asegura que “a demagoxia, a desidia, os diversos
incumprimentos e unha xestión ineficaz provocaron xa un retraso de 10 anos,
cando o crecemento poboacional de Barbadás facían máis imprescindible e urxente”
a construción do centro médico.
Para Valcárcel a historia do centro de
saúde da Valenzá é non só unha historia interminable, senón tamén un fiasco.
“Un fiasco caracterizado polas fantasías publicitarias de Freire e do seu
goberno, que se dan de bruces con unha realidade que golpea todos os días á
veciñanza de Barbadás en forma de embustes”, describe o líder socialista.
Segundo os Socialistas “esta historia
interminable está chea de engaños e de múltiples incumprimentos dos compromisos
asumidos e publicitados polo Alcalde, a Deputación e a Xunta”. Valcárcel lembra
que “as obras tiñan que terse iniciado antes de finais de 2010, segundo o
anuncio publicado no seu momento en prensa e sufragado cos impostos de toda a
veciñanza”.
A secuencia dos incumprimentos continúa
cando Freire anunciou posteriormente que as obras se iniciarían antes de
rematar o mes de maio de 2011, “un anuncio que resultou ser totalmente
electoralista, xa que coincidía en plena campaña electoral dos anteriores
comicios locais”.
No Grupo Socialista afirmamos entón
contundentemente que “todos eses anuncios eran falsos, interesados e carentes
de fundamento. Resumindo, eran mentira”, indica Valcárcel.
O voceiro do PSdeG continúa o relatorio
dos feitos lembrando que “o tempo pasa e finalmente no verán de 2012 faise a
presentación do proxecto do centro de saúde unha semana antes do comezo dunha
campaña electoral”. O Partido Socialista denunciou nalquel momento que “se
trataba dunha nova artimaña electoral como a realidade se encargou de demostrar
en poucos meses”.
Xosé Carlos Valcárcel alude ó pleno
celebrado en marzo de 2014 cando “o alcalde indicou que existía un compromiso
da Consellería de Sanidade para licitar as obras antes de xuño do ano en
curso”. Debido a que a licitación non se levou a cabo nas datas sinaladas, no Grupo
Socialista sospeitamos que existía un novo incumprimento tal e como se
confirmou posteriormente.
As novidades en torno ó centro de saúde
sábeas Valcárcel a raíz dunha serie de preguntas presentadas hai unhas semanas.
Na resposta Freire asegura que “probablemente a licitación se fará a finais do
verán ou principios do outono”. Pero o propio alcalde recoñece que
“oficialmente non existe comunicación algunha”. Valcárcel lamenta que “a
cidadanía de Barbadás volve ter que fiarse das palabras de dirixentes que levan
sistemáticamente incumprindo os seus compromisos”.
O líder do PSdeG en Barbadás considera
inaceptable que “neste importante asunto o Alcalde engade ó menosprezo á
veciñanza a carga da mentira sistemática”. Pero a interminable historia do novo
centro médico ven de moito tempo atrás, indica Valcárcel Doval, quen alude ó
feito de que os responsable do PP “nunca pensaron en entregar ó goberno da
Xunta uns terreos axeitados, uns terreos que para esta dotación estiveron
condicionados pola especulación urbanística”. Refírese Valcárcel a que as
mellores ubicacións foron para a construcción de vivendas e as fincas pior
ubicadas para dotacións.
Ningún comentario:
Publicar un comentario