CLÁUSULAS SOCIAIS NAS CONCESIÓNS

O PSdeG PROPÓN QUE SE INSTALEN CLÁUSULAS SOCIAIS NAS CONCESIÓNS E CONVENIOS QUE REALICE O CONCELLO DE BARBADÁS

·        Segundo o voceiro socialista, Xosé Carlos Valcárcel, deste xeito “queda garantido que a concesionaria cumpra coas súas obrigas laborais cos traballadores.      

·        Esta iniciativa foi presentada polo Grupo Municipal Socialista a raíz do conflito vivido entre a empresa Linorsa e as traballadoras que se encargan da limpeza das dependencias municipais

·        Valcárcel sinala que as cláusulas sociais “contribúen a fortalecer a igualdade de sexos e a avanzar na aplicación de políticas sociais e na defensa dos dereitos de traballador@s, evitando, por exemplo, o impago de nóminas”.

·        A proposta foi presentada o 28 de decembro e nesa data a empresa aínda tiña pendente o pago do 50 % do salario do mes de novembro e a paga extra de Nadal só foi aboada nun 30 %.

·         Valcárcel lamenta que “todos estes retrasos repercuten directamente no día a día das traballadoras que teñen que facer fronte e de forma exquisitamente puntual coas súas obrigas (alugeres, hipotecas, etc).

Barbadás, 9 de xaneiro de 2015. O Grupo Municipal Socialista de Barbadás presentou unha proposta para implantar cláusulas sociais en todas as concesións, convenios e demais operación que realice o Concello de Barbadás. Segundo o voceiro socialista, Xosé Carlos Valcárcel, deste xeito “queda garantido que a concesionaria cumpra coas súas obrigas laborais cos traballadores.

       A iniciativa do PSdeG está directamente relacionada co conflito vivido recentemente polas traballadoras da limpeza de dependencias municipais de Barbadás coa empresa Linorsa. Valcárcel inclúe na moción presentada que se inice un expediente sancionador contra a adxudicataria do servizo.

       Segundo o líder socialista “a introducción de cláusulas sociais debe servir para cambiar certas actitudes das empresas que se resisten a avanzar na aplicación de normativas que, sen ser obrigatorias, contribúen a fortalecer a igualdade de sexos e a avanzar na aplicación de políticas sociais e na defensa dos dereitos de traballador@s, evitando, por exemplo, o impago de nóminas”.

       Valcárcel refírese ás 10 persoas que perciben salarios “máis ben escasos (algún non supera os 150 € mensuais), pero que axudan a superar unha situación familiar moitas veces difícil”. O voceiro do PSdeG lembra que os incumprimentos coas traballadoras comezaron no mes de outubro de 2013 con pequeñas incidencias no pago das nóminas.

Estas anomalías van en aumento, detalla Xosé Carlos Valcárcel, de xeito que as nóminas de xullo e agosto de 2014 non son aboadas ás empregadas ata o mes de setembro. A partir desa data os retrasos son sistemáticos e continuados, reprocha o voceiro socialista.

       A proposta foi presentada o 28 de decembro e nesa data a empresa aínda tiña pendente o pago do 50 % do salario do mes de novembro. Segundo Valcárcel a paga extraordinaria de Nadal, só foi pagada nunha porcentaxe do 30 %. Para Valcárcel o máis grave é que “Ó parecer esta sitación vai seguir así ata o mes de marzo de 2015”.

       Valcárcel lamenta que “todos estes retrasos repercuten directamente no día a día das traballadoras que teñen que facer fronte e de forma exquisitamente puntual coas súas obrigas, pagando alugeres, hipotecas, etc e que ven como a súa calidade de vida empeora de xeito importante”.

       Segundo os Socialistas “esta situación é absolutamente intolerable en calquera empresa, pero moito menos nunha que presta un servizo para o Concello de Barbadás e que percibe puntualmente o importe establecido no convenio”.

 

Para calquera aclaración podedes chamar a Xosé Carlos Valcárcel (Voceiro socialista en Barbadás)- Tfno.:  605 08 18 98

Dirección da Páxina Web do PSdeG en Barbadás: www.barbadás.psoe.es

Facebook: Agrupación Socialista de Barbadás, Amigo Socialista de Barbadás, Xosé Carlos Valcárcel, Victoria Morenza

Twiter: @cambiabarbadas, @xosevalcarcel, @vicmorenzadof

Blog: www.cambiabarbadas.blogspot.com