DEVOLUCIÓN SIMBÓLICA DE CALENDARIOS COA PROPAGANDA DO PP

O Grupo Municipal Socialista fixo hoxe 2 de xaneiro de 2015

Unha devolución simbólica 
De calendarios e revistas da propaganda que o PP fixo chegar a tódalas
Vivendas do municipio
Esta devolución pretende pór de manifesto o malestar
Que existe coa decisión do PP de gastar diñeiro de tod@s
En facer publicidade partidista
Mentras moitas familias pasan dificultades

                    

  O Grupo Municipal Socialista composto polo voceiro, Xosé Carlos Valcárcel Doval, e polas concelleiras Victoria Morenza e María Presas, presentan un escrito de rexeitamento ante a distribución polo municipio de revistas e calendarios pagados con diñeiro público. Así mesmo, procedemos á devolución dalgúns exemplares para que de xeito simbólico quede evidenciado o desacordo con esta decisión.

Dona Victoria Morenza Doforno, na súa condición de concelleira do Grupo Municipal Socialista no Concello de Barbadás,  comparece e como mellor en Dereito proceda DI:

         Ante a petición realizada por cidadáns de diferentes lugares do municipio, facemos chegar unha serie de calendarios e revistas que foron distribuidas por decisión do grupo de goberno do PP, presidido por José Manuel Freire Couto.

         Unha parte da veciñanza trasladou ó Grupo Municipal Socialista a disconformidade con esta decisión e co gasto que supón en época de crise. Uns momentos de crise que se caracterizan  polas consecuencias do paro, os desafiuzamentos ou a pobreza enerxética  e polas dificultades de moitas familias para chegar a finais de mes.

         Fronte aos recortes en Sanidade (copago farmacéutico, por exemplo), educación pública e suba de taxas o Concello de Barbadás despilfarra 10.000 euros que só serven para “autobombo” do grupo do PP.

Por esta razón o PSdeG actúa de intermediario para manifestar o malestar ante o reparto por todo o municipio da revista e do calendario e ante o dispendio que supón gastar 10.000 euros de diñeiro público para destinalos a propaganda política en lugar de utilizalos en partidas con un claro contido social.

Dende o Grupo Socialista queremos lembrar a negativa do PP de Barbadás a aplicar políticas activas en relación cos máis prexudicados pola crise económica propostas dende o Grupo Municipal Socialista, mentras se malgastan fondos públicos en editar calendarios e revistas para facer propaganda electoral.

En Barbadás a 2 de xaneiro de 2015