O PP POSICIÓNASE EN CONTRA DA REFORMA DA
PRAZA DO PUMAR EN BENTRACES PARA CONVERTELA NUN LUGAR CÓMODO E NO CENTRO
NEURÁLXICO DO POBO
·
Freire
tampouco apoia a iniciativa socialista que propón que se habilite unha zona de
aparcamento público nas inmediacións do casco antigo de Bentraces para pór fin así ós
problemas de saturación de vehículos que existen
·
Os Socialistas reprochan ó alcalde de
Barbadás que recorra sempre ó manido argumento de “tomamos nota” para evitar
resolver as cuestión que plantexa a cidadanía
·
Rexéitase tamén a construcción de
beirarúas na travesía de Bentraces, a pesar de que en 2008 unha iniciativa case
idéntica contou co apoio do PP
·
Rexeitada tamén unha proposta do PSdeG para elaborar un plan de actuación urxente
para as rúas e zonas verdes de Sobrado que se atopan en estado de abandono e
deixadez
·
Segundo o voceiro socialista “para poder
potenciar localidades coma Sobrado é imprescindible que se leven a cabo accións
de discriminación positiva que poñan en valor o seu potencial demográfico, social
e económico”.
·
Unanimidade
na moción socialista para diminuir o IVE no sector das perruquerías dente o 21
ó 10 % (a proposta fíxoa o PSdeG)
·
As contradiccións e o cinismo de Freire
quedaron patentes neste punto ó asegurar que el estaba en contra da suba de
impostos
·
No debate dunha moción do PP para manter
o Rexistro Civil, Freire rexeita as emendas socialistas que propoñían manter os actuais partidos
xudiciais en Galicia
Barbadás, 7 de maio de 2014. Os Socialistas de Barbadás consideran lamentable a
actitude do alcalde, José Manuel Freire Couto, ante as propostas que se debaten
en pleno. O voceiro socialista, Xosé Carlos Valcárcel, critica que o alcalde
teña unha actitude pouco respectuosa hacia as iniciativas, pero “o que é máis
preocupante é que na maioría das ocasión respalda mocións da oposición para non
cumprilas”. Resulta sorprenden que un alcalde dun dos concellos máis
importantes da provincia desprecie as argumentacións d@s concelleir@s
socialistas asegurando que son “un rollo”. Con esta prepotencia demostra pouca
talla política e o desinterese polas inquedanzas da veciñanza plantexadas a
través dos grupos da oposición.
No debate da moción do PSdeG sobre a
petición dunha área de aparcamento nas inmediacións do casco antigo de
Bentraces a concelleira Victoria Morenza lembroulle a Freire que “vostede
coñece o problema, falou cos veciños e comprometeuse a buscar alternativas para
mellorar a habitabilidade da zona”. Sen embargo, “o tempo corre na súa contra "señor alcalde de boas palabras e poucos feitos" e prodúcense ás veces situación
tan incómodas como a de qe non se movan os coches durante días en lugares que
entorpecen a circulación, que aparquen en soportais privados que estorban o
paso ou que haxa vehículos que cheguen a estar estacionados máis de 1 mes”.
Morenza afirmou que un concello moderno
debe tratar de adaptarse ás novas necesidades que van xurdindo entre a
veciñanza e non cinguirse só a prestar servizos básicos. Os Socialistas
recalcaron que esta moción obedece ó feito de que no casco antigo de Bentraces
asentáronse familias xóvenes en casas restauradas e que a saturación é un
problema que afecta á habitabilidade e accesibilidade.
Freire
negouse a apoiar a iniciativa asegurando que na zona rural non son necesarias
zonas de aparcamento porque xa hai moito espazo. Esta actitude demostra segundo
os Socialistas que “Freire se pecha en banda a solventar os problemas
relacionados coas peculiaridades de cada pobo”.
Sobre o proxecto de humanización da
Praza do Pumar Morenza lembrou que “foi precisamente o Goberno de Feijóo o que
deixou no esquecemento a reforma desta senlleira praza, que se fraguou na
lexislatura do gobernó de coalición. A edil socialista preguntouse se “deixar
este proxecto no esquecemento non sería un castigo á súa saída de tono cando
actuou de voceiro dos críticos do PP da provincia ou simplemente lle deu o
visto bo para que a reforma quedara en punto morto.
O que é unha
realidade é que se perdeu no esquecemento das cifras consignadas a contía
destinada a humanizar a praza para dotala de mobiliario axeitado co casco
antigo e de elementos que contribúan a convertela no centro neurálxico do pobo,
nun lugar de encontro e para estudar a posibilidade real de retirar a fonte
colocada en épocas pretéritas que contribúe a afear a praza e non aporta nada.
Esta tanda de “fontes Currás” demostraron ser pouco eficaces como elemento
estético e hoxe en día son máis ben unha mostra de “feismo”.
Freire falou de retirar a
fonte, pero non afondou na rehabilitación da praza e anunciou o voto en contra
do seu grupo á moción socialista. Esta proposta incluía tamén a construcción de
beirarrúas na marxe dereita da travesía de Bentraces, o arranxo do aceso dende
a estrada 540 ó casco antigo e a mellora da sinalización. Neste asunto
limitouse a dicir que “tomamos nota” e “volveremos a insistir” ante a Xunta de
Galicia, unha actitude tildada de pasiva e despreocupada polos Socialistas.
Sobrado
O líder socialista, Xosé Carlos
Valcárcel, na moción do PSdeG para actuar urxentemente sobre as rúas e zonas
verdes de Sobrado sinalou que esta era a terceira localidade en importancia do
municipio, “pero as actuacións de Freire non se corresponden con este feito”.
Valcárcel reprochou que “os investimentos son escasos e cando se producen son
consecuencia da presión vecinal ou realizados conxuntamente con outras
administración”.
Segundo o voceiro socialista “para
poder potenciar localidades coma Sobrado é imprescindible que se leven a cabo
accións de discriminación positiva que poñan en valor o seu potencial
demográfico, social e económico”.
O PP votou en contra do seguinte acordo
plantexado polo Grupo Socialista:
·
Elaborar un
plan de actuación urxente e prioritario para solventar as deficiencias máis
graves do firme nos principais viais de Sobrado.
·
Acometer
antes da chegada do outono o arranxo das rúas que presentas anomalías menos
urxentes.
·
Actuar de xeito inmediato
sobre aquelas zonas verdes e parques nos que a herba e a maleza impide o seu
uso pola veciñanza.
Freire
recoñeceu que “todo é mellorable, pero o plan de obras planifícao o equipo de goberno”.
Dixo tamén que están elaborando un plan provincial no que se incluirán parte
dos viais ós que se alude na proposta socialista. Valcárcel esixiulle que se
deixe de “promesas baldías e de cara ós vindeiros orzamentos plantexe unha
listaxe concreta de actuacións en lugar de actuar a bandazos en función das
presións que recibe nos diferentes pobos”.
Perruquerías
Houbo
unanimidade na votación da iniciativa do PSdeG para instar ó goberno central a
reconsiderar a aplicación do tipo xeral do IVE do 21% ós servizos de
perruquería, volvendo á aplicación do tipo reducido do 10 %. Freire tildou o
texto de “demagoxia” e dixo que non se debía cinguir só ás perruquerías, senón
que se debería reducir o IVE no sector cultural, posicionándose así en contra
das medidas aprobadas polo seu partido.
As contradiccións e o cinismo de Freire
quedaron patentes neste punto ó asegurar que el estaba en contra da suba de
impostos, ante o que os edís da oposición se amosaron sorprendidos e
indignados, tendo en conta á devastadora suba de taxas e prezos públicos en
Barbadás que leva aplicando precisamente dende o inicio da crise.
Mantemento do rexistro civil
Outra mostra das contradiccións de
Freire foi o texto que o sindicato CSIF trasladou a través do grupo do PP para
o seu debate en pleno co obxecto de manter o Rexistro Civil como servizo de
xestión pública.
Valcárcel afirmou que as medidas de
reforma que se pretenden adoptar polo PP redundan nun grave prexuízo para a
cidadanía e distan moito do modelo de administración de Xustiza e do Rexistro
Civil moderno que propugna o Partido Socialista (servizo público de xustiza de
calidade, prestado nun tempo razoable, gratuito e adaptado ás necesidades do
noso país).
O Grupo Socialista presentou unha serie
de emendas á proposta do PP para instar ó Goberno de España ó mantemento dos
actuais partidos xudiciais en Galicia e para expresar o rexeitamento ó borrador
de anteproxecto de Lei de Reforma da LOPX e do Rexistro Civil. A emenda recolle
tamén a solicitude ó Goberno central para que se manteñan os xulgados de paz,
se dote a estes de medios adecuados e da profesionalización dos seus
traballadores e para garantir a gratuidade das funcións que prestan os
Rexistros Civís. Todas as emendas foron rexeitadas porque segundo Freire o
asunto non guardaba relación co tema, unha actitude inadmisible e pouco
flexible segundo o voceiro socialista.
Dirección
da Páxina Web do PSdeG en Barbadás: www.barbadás.psoe.es
Facebook:
Agrupación Socialista de Barbadás, Amigo Socialista de Barbadás, Xosé Carlos
Valcárcel, Victoria Morenza
Twiter: @cambiabarbadas, @xosevalcarcel,
@vicmorenzadof
Blog: www.cambiabarbadas.blogspot.com
ENLACES COA RESEÑA DESTA NOTA APARECIDA NA PRENSA:
Ningún comentario:
Publicar un comentario