XOSÉ CARLOS VALCÁRCEL É ELIXIDO CANDIDATO Á ALCALDÍA DE BARBADÁS
POLO PSdeG
Barbadás, 22 de febreiro de 2015
Valcárcel é o actual voceiro do Grupo Municipal e Secretario
Xeral da agrupación socialista
Nunha asemblea celebrada o pasado xoves a última hora da
tarde Xosé Carlos Valcárcel foi elixido por aclamación pol@s compañeir@s.
Xosé Carlos Valcárcel presentou a candidatura coa que
concorrerán os Socialistas ás eleccións municipais de 24 de maio. O líder do
PSdeG insistiu na importancia de renovar as listas electorais e de presentar
ante a veciñanza un proxecto baseado no cambio no xeito de gobernar. Para
Valcárcel é fundamental que formen parte da candidatura persoas que representen
o sentir de tódolos colectivos, de todo o territorio do municipio de Barbadás e
de tódalas franxas de idade.
No
transcurso da asemblea abordáronse aspectos relacionados coa estratexia a
seguir nas vindeiras semanas. O voceiro do PSdeG falou da importancia de manter
a mesma liña de traballo baseada na cercanía á veciñanza e na implicación real
de concelleir@s, militantes e simpatizantes no día a día do que acontece en
Barbadás, sen perder de vista as inquedanzas da cidadanía e as necesidades máis
apremiantes para un municipio que non acaba de despegar no que a dotacións
básicas se refire.
Valcárcel
aludiu tamén ó feito de que foi o PSdeG de Barbadás o que propiciu que o
alcalde de Barbadás durante 28 anos se retire da vida pública. Referiuse en
concreto á presentación da denuncia por parte de Valcárcel acusando a Freire
Couto de presunta prevaricación.
Valcárcel destaca que o 60 % das persoas que compoñen a
candidatura son novas incorporacións, o que demostra a renovación que
caracteriza á lista electoral do PSdeG.
Sinalou tamén que a xuventude é outro dos factores que
preside o equipo de persoas que pivotarán un proxecto cuxa idea fundamental é
introducir unha idea de cambio para Barbadás. A media de idade ronda os 35
anos. Outra das características da candidatura é a presencia de persoas de
prácticamente todo o territorio municipal e unha parte destacable de candidat@s
vencellados ó mundo do deporte.
Ningún comentario:
Publicar un comentario