UNHA CHARLA INFORMATIVA ACLARA DÚBIDAS SOBRE A
APLICACIÓN DE PRODUTOS FITOSANITARIOS
·
Na conferencia informouse tamén de cuestións
relacionadas co carné de profesionalidade
·
O poñente da charla mantivo unha postura
interactiva cos e coas participantes e fóronse aclarando dúbidas en torno a
aplicación destes produtos.
·
O responsable da área de Medio Ambiente, Rafael Sierra, explica que unha das vantaxes de obter o carné de profesionalidade “beneficiarase
de descontos na compra de produtos fitosanitarios profesionais porque se lles
aplica un IVE reducido”
·
Con todo, as persoas que desexen obter este
carné terán que asistir a un curso e superar un exame posterior.
·
Esta segunda fase na formación para aplicar
produtos fitosanitarios realizarase no concello de Barbadás nos vindeiros
meses.
Barbadás, 22 de outubro de 2015
Unha trintena de persoas asistiron a unha charla
informativa sobre a aplicación de produtos fitosanitarios impartida no
Centro Empresarial Transfronteirizo de Barbadás o pasado martes.
Nesta ponencia organizada pola Concellería de
Medio Ambiente e dirixida á veciñanza do municipio de Barbadás tratáronse
cuestións como a normativa vixente, aplicación de tratamentos insecticidas,
herbicidas, funxicidas. Etc.
Esta charla foi impartida por persoal técnico do
Servizo de Explotacións Agrarias, dependente da Consellería do Medio Rural.
O poñente da charla mantivo unha postura
interactiva cos e coas participantes e fóronse aclarando dúbidas en torno a
aplicación destes produtos.
O alcalde de Barbadás, Xosé Carlos Valcárcel,
destaca que “hai que ter presente as repercusións que pode ter sobre a
cidadanía e a súa saúde un mal uso deste tipo de produtos”. Valcárcel asegura
que “este tipo de conferencias enmárcanse na preocupación que existe no goberno
de Barbadás por crear unha conciencia medioambiental entre a veciñanza”
O concelleiro de Medio Ambiente, Rafael Sierra,
destaca a importancia deste tipo de charlas porque “unha das cuestións que
suscitou máis dúbidas foi a necesidade ou non de ter carné de profesionalidade”.
O edil de Medio Ambiente afirma que a charla foi importante para aclarar que
para aplicar este tipo de produtos non é preciso este carné, “xa que nos
lugares de venda de produtos fitosanitarios vai haber este tipo de substancias
destinadas única e específicamente para uso en xardinería doméstica. Engade
que, pola contra, vai ser necesario este carné para aplicar produtos para
profesionais”.
É importante ter en conta que existe unha
similitude entre ambos tipos de produtos para xardinería doméstica e a
profestional, “é dicir, os efectos son prácticamente os mesmos”, indica Sierra.
Con todo, as persoas que desexen obter este carné terán que asistir a un curso
e superar un exame posterior. Esta segunda fase na formación para aplicar
produtos fitosanitarios realizarase no concello de Barbadás nos vindeiros
meses. Deste xeito a veciñanza interesada non terá que desprazarse para obter o
carné de profesionalidade.
O responsable da área explica que unha das
vantaxes de obter o carné de profesionalidade “beneficiarase de descontos na
compra de produtos fitosanitarios profesionais porque se lles aplica un IVE
reducido. Ademais as persoas que o obteñan deberán levar un rexistro exhaustivo
con datas e nome dos produtos aplicados”. Deberán tamén levar os recipientes
baleiros a un punto de recollida de envases perigosos onde se lle entregará un
xustificante de recollida.
Ningún comentario:
Publicar un comentario