venres, 21 de agosto de 2015

PROTECCIÓN CIVIL ESTREA VEHÍCULO DE USOS MÚLTIPLES

PROTECCIÓN CIVIL DE BARBADÁS DISPÓN DUN NOVO VEHÍCULO DE USOS MÚLTIPLES CON CAPACIDADE PARA O TRASLADO DE 9 PERSOAS

·             O novo vehículo será utilizado para o transporte d@s voluntari@s, para o traballo cotiá e o despramento a operativos


·             O responsable de Protección Civil, Dani Rey, indica que se están estudando outros usos coma os traslados puntais de persoas que teñan dificultades acudir a lugares prioritarios, coma os centros médicos, por exemplo


·             Na recepción do vehículo en Santiago estiveron, ademais do responsable da agrupación, o tenente alcalde, Xosé Manoel Fírvida.


·             O novo vehículo concedeuse a Barbadás por ser a agrupación de voluntarios deste municipio unha das de maior capacidade de traballo demostrado de toda Galicia.


·             A agrupación de Barbadás foi unha das que maior puntuación obtivo no proceso de concesión da subvención de toda a comunidade galega


Barbadás, 21 de agosto de 2015. A Agrupación de Voluntarios de Protección Civil de Barbadás conta dende hai uns días con un novo vehículo de usos múltiples con capacidade para 9 persoas.
Un dos motivos polos que a agrupación recibiu este furgón foi pola alta capacidade de traballo feita dende hai anos pol@s voluntari@s de Barbadás. Dani Rey, responsable de Protección Civil, explica que a de Barbadás optou xunto co resto de agrupacións de Galicia e foi unha das que obtivo unha maior puntuación. Entre os criterios que se valoraron positivamente foi o número de voluntarios, o nivel de risco, os operativos nos que participa, etc.
Na recollida do vehículo en Santiago estivo ademais de Dani Rey, o tenente alcalde de Barbadás, Xosé Manoel Fírvida, quen destaca a importancia que ten a dotación deste novo vehículo para mellorar o servizo de atención á veciñanza e as emerxencias no municipio a través do traballo que desenrolan @s voluntari@s.
Este vehículo foi concedido pola Consellería de Presidencia a través dunha liña de subvencións sufragadas con fondos da Unión Europea para equipamentos.
 Están pendentes tamén da entrega de material complementario coma un remolque con carpa presurizada para montar eventos, como pode ser a instalación dunha carpa de primeiros auxilios.
Unha das principais vantaxes do novo vehículo de usos múltiples é o reducido nivel de consumo de combustible. Dende a súa recepción estánselle dando usos múltiples: transporte de persoal, traballo cotián d@s voluntari@s, asistencia a operativos e estanse estudando outras finalidades como poden ser o traslado nas xornadas electorais de persoas con dificultades para desprazarse ou levar a veci@s ós centros médicos cando sexa en casos especiais.

O vehículo, unha Renault Trafic de 120 cabalos, trae incorporado un equipo de megafonía, un sistema de iluminación prioritaria (luces e serea, extintor, linternas e XPS.

Ningún comentario:

Publicar un comentario