O CONCELLO DE BARBADÁS FACILITARÁ A ACCESIBILIDADE Ó NOVO
CENTRO DE SAÚDE DA VALENZÁ
Unha reordenación do tráfico facilitará o tránsito pola
zona durante a execución das obras e cando se poñan en marcha as novas instalación
sanitarias
A acta de replanteo que foi asinada esta mañá significa o
punto de partida para comezar a construir o edificio
O prazo de execución das obras é de 11 meses
O orzamento do novo centro é de 3 millóns de pesetas
O
futuro centro médico verá incrementados os servizos de atención
O actual goberno de Barbadás (PSdeG-BNG) plantexou hai
unhas semanas ó Sergas un cambio de ubicación, pero a Xunta asegurou que este era o lugar e que se
postergaría no tempo o proxecto se se modificaba o emprazamento
As
autoridades locales están aseguran que o inicio das obras suporá un avance no
servizo sanitario que recibirá a poboación do municipio
Barbadás 28 de agosto de 2015. O novo centro de
saúde de Barbadás terá 5 salas de
medicina xeral e o mesmo número de consultas de enfermería, pasando
das 2 que ten na actualidade. Outra das novidades é a habilitación dunha sala
de educación para a saúde, con almacén e vestiarios.
Outra
das melloras que implicará a posta en marcha das novas instalación será 1 consulta de odontoloxía e hixienista,
que será compartida por estes dous profesionais.
Ademais
haberá unha sala de recollida de mostras, que non existe na actualidade e incrementaranse as salas de espera, que
pasarán de 1 a 3. Os novos
habitáculos cos que contará o novo
edificio serán 1 sala de técnicas e outra de carácter polivalente.
Mellórase tamén a prestación sanitaria coa creación dunha sala de muller con aseo
e unha consulta de atención urxente.
Unha
das melloras máis importantes que traerá consigo a posta en funcionamento do
novo centro atópase o incremento da
atención pediátrica. Hai que ter en conta que Barbadás é o segundo
concello de Galicia no que hai un índice de natalidade máis alto. Na actualide están empadroados 1.258 nen@s
menores de 14 anos, que serán os beneficiarios do incremento no número de
profesionais de pediatría de 1 a 2. O
número de consultas pediátricas pasa de 0 a 2 e construirase un aseo anexo
a este servizo, que na actualidade non existe.
Na
área de administración mantense unha
área de admisión e habilitarase un arquivo de historias clínicas, un almacén de
material e unha sala de caldeiras. O novo edificio albergará 2 estancias
denominadas de oficio sucio e 2 de oficio limpo, que na actualidade non
existen.
Outros habitáculos que se crearán serán unha sala de
estar do persoal e outra de xuntas e bibliotetca. Os aseos públicos pasan de 1 a 2 e os que usa o persoal
increméntase de 0 a 1. Haberá ademais vestiarios para o persoal do centro, que
ata agora non existían.
O
orzamento do centro de saúde é de 3.087.114
€ e ten un período de execución de 11 meses. As obras comezarán en
breve e o vindeiro luns colocaranse as vallas previas ó comezo dos traballos.
Esta
mañá celebrouse o acto formal de replanteo
á que asistiu o arquitecto municipal, técnicos da empresa adxudicataria,
a UTE Extraco e Misturas, así coma responsables técnicos da Consellería de
Sanidade. Estiveron tamén representantes
do goberno municipal: Xosé Manoel Fírvida, tenente alcalde, Serafín Núñez,
concelleiro de Sanidade e Victoria Morenza, edil de Urbanismo. O alcalde
de Barbadás, Xosé Carlos Valcárcel, non puido asistir. Nas inmediacións
estiveron tamén outros edís do goberno coma Rafael Sierra, Adrián Varela e
Marga Pérez.
Estiveron
tamén responsables do Sergas: Antonio Fernández-Campa, xerente do
Sergas, María Villar, xefa Territorial de Sanidade, Eloína Núñez, xerente do
Sergas en Ourense e Rogelio Martínez, delegado da Xunta en Ourense.
O tenente alcalde de Barbadás, Xosé Manoel Fírvida, amosou a súa satisfacción ante a previsión da
construcción do novo centro polo que suporá de creación “de servizos moi
demandados pola veciñanza”. Remarcou que a ubicación “non é a máis acaída”
e anunciou que se levarán a cabo varias actuacións de reordenación do tráfico
cando se emitan os correspondentes informes técnicos. Un dos cambios que está
previsto levar a cabo e convertir a circulación en sentido único.
Outra das intervencións que xa anticipou hai días o
alcalde, Xosé Carlos Valcárcel, será a adecuación do entorno que comunica a rúa
do Viso coa rúa das Burgas, que é o
lugar onde se ubicará o centro de saúde. O acceso peonil polo parque situado
ó carón das oficinas municipais da Valenzá será unha prioridade para o goberno
de Barbadás. O obxectivo fundamental é mellorar a accesibilidade
fundamentalmente das persoas maiores e das persoas que acudirán ó centro con
carriños de bebé ou daquelas que teñen unha mobilidade reducida.
